کھیل لڑکوں کا سمجھتے تھے محبت کے تئیں ہے بڑا حیف ہمیں اپنی بھی نادانی کا

Khel larkon ka samajhte the mohabbat ke tayeen Hai bara haif hamein apni bhi nadani ka

بت پرستی کو تو اسلام نہیں کہتے ہیں معتقد کون ہے میرؔ ایسی مسلمانی کا

But-parasti ko to islam nahin kehte hain Moataqid kaun hai Mir aisi musalmani ka

ہے قاعدہ کلی یہ کوئے محبت میں دل غم جو ہوا ہوگا پیدا نہ ہوا ہوگا

Hai qaida-e-kully yeh koo-e-mohabbat mein Dil gham jo hua hoga paida na hua hoga

جس جگہ دور جام ہوتا ہے واں یہ عاجز مدام ہوتا ہے ہم تو اک حرف کے نہیں ممنون کیسا خط و پیام ہوتا ہے تیغ ناکاموں پہ نہ ہر دم کھینچ اک کرشمے میں کام ہوتا ہے پوچھ مت آہ عاشقوں کی معاش روز ان کا بھی شام ہوتا ہے زخم بن غم بن اور غصہ بن اپنا کھانا حرام ہوتا ہے شیخ کی سی ہی شکل ہے شیطان جس پہ شب احتلام ہوتا ہے قتل کو میں کہا تو اٹھ بولا آج کل صبح و شام ہوتا ہے آخر آؤں گا نعش پر اب آہ کہ یہ عاشق تمام ہوتا ہے میرؔ صاحب بھی اس کے ہاں تھے پر جیسے کوئی غلام ہوتا ہے

Jis jagah daur-e-jaam hota hai Waan yeh aajiz mudam hota hai Ham to ik harf ke nahin ممنون Kaisa khat-o-payam hota hai Tegh na-kaamon pe na har dam kheench Ik karishme mein kaam hota hai Poochh mat aah aashiqon ki ma'aash Roz un ka bhi shaam hota hai Zakhm bin gham bin aur ghussa bin Apna khaana haraam hota hai Shaikh ki si hi shakal hai shaitan Jis pe shab ihtilaam hota hai Qatl ko main kaha to uth bola Aaj-kal subah-o-shaam hota hai Aakhir aaon ga naash par ab aah Ke yeh aashiq tamaam hota hai Mir sahib bhi us ke haan the par Jaise koi ghulaam hota hai

چھٹتا ہی نہیں ہو جسے آزار محبت مایوس ہوں میں بھی کہ ہوں بیمار محبت

Chhutta hi nahin ho jise aazaar-e-mohabbat Maayoos hun main bhi ke hun beemaar-e-mohabbat

امکاں نہیں جیتے جی ہو اس قید سے آزاد مر جائے تبھی چھوٹے گرفتار محبت

Imkaan nahin jeete ji ho is qaid se aazaad Mar jaaye tabhi chhutte griftaar-e-mohabbat

تقصیر نہ خوباں کی نہ جلاد کا کچھ جرم تھا دشمن جانی مرا اقرار محبت

Taqseer na khoobaan ki na jallaad ka kuch jurm Tha dushman-e-jaani mera iqraar-e-mohabbat

ہر جنس کے خواہاں ملے بازار جہاں میں لیکن نہ ملا کوئی خریدار محبت

Har jins ke khwaahaan mile baazaar-e-jahaan mein Lekin na mila koi khareedar-e-mohabbat

اس راز کو رکھ جی ہی میں تا جی بچے تیرا زنہار جو کرتا ہو تو اظہار محبت

Is raaz ko rakh ji hi mein ta ji bache tera Zinhaar jo karta ho to izhaar-e-mohabbat

ہر نقش قدم پر ترے سر بیچے ہیں عاشق ٹک سیر تو کر آج تو بازار محبت

Har naqsh-e-qadam par tere sar bece hain aashiq Tuk sair to kar aaj to baazaar-e-mohabbat

کچھ مست ہیں ہم دیدۂ پر خون جگر سے آیا یہی ہے ساغر سرشار محبت

Kuch mast hain hum deeda-e-pur-khoon-e-jigar se Aaya yahi hai saaghar-e-sarshaar-e-mohabbat

بیکار نہ رہ عشق میں تو رونے سے ہرگز یہ گریہ ہی ہے آب رخ کار محبت

Beekaar na reh ishq mein tu rone se hargiz Yeh girya hi hai aab-e-rukh-kaar-e-mohabbat

مجھ سا ہی ہو مجنوں بھی یہ کب مانے ہے عاقل ہر سر نہیں اے میرؔ سزاوار محبت

Mujh sa hi ho Majnoon bhi yeh kab maane hai aaqil Har sar nahin ae Meer sazaawaar-e-mohabbat

قسمت تو دیکھ شیخ کو جب لہر آئی تب دروازہ شیرہ خانے کا معمور ہو گیا

Qismat to dekh sheikh ko jab lahar aayi tab Darwaaza sheerha-khaane ka mamoor ho gaya

دیکھے گا جو تجھ رو کو سو حیران رہے گا وابستہ ترے مو کا پریشان رہے گا

Dekhe ga jo tujh-ru ko so hairaan rahe ga Waabasta tere mo ka pareshaan rahe ga

چمٹے رہیں گے دشت محبت میں سر و تیغ محشر تئیں خالی نہ یہ میدان رہے گا

Chamte rahen ge dasht-e-mohabbat mein sar-o-tegh Mahshar taen khaali na yeh maidaan rahe ga

بود آدم نمود شبنم ہے ایک دو دم میں پھر ہوا ہے یہ

Bood-e-aadam namood-e-shabnam hai Ek do dam mein phir hawa hai yeh

کیا موافق ہو دوا عشق کے بیمار کے ساتھ جی ہی جاتے نظر آئے ہیں اس آزار کے ساتھ

Kya moaafiq ho dawa ishq ke beemaar ke saath Ji hi jaate nazar aaye hain is aazaar ke saath

خار کو جن نے لڑی موتی کی کر دکھلایا اس بیابان میں وہ آبلہ پا میں ہی ہوں

Khaar ko jin ne ladi moti ki kar dikhlaaya Is bayaabaan mein woh aabla-pa main hi hun

تھی یہ سب کائنات زیر نگیں ساتھ مور و ملخ سا لشکر تھا

Thi yeh sab kainaat zir-e-nageen Saath mor-o-malakh sa lashkar tha

تن کے معمورے میں یہی دل و چشم گھر تھے دو سو خراب ہیں دونوں

Tan ke mamooray mein yahi dil-o-chashm Ghar the do so kharaab hain donon

موند آنکھیں سفر عدم کا کر بس ہے دیکھا نہ عالم ایجاد

Mond aankhen safar-e-adam ka kar Bas hai dekha na aalam-e-ejaad

لگتی ہے کچھ سموم سی تو نسیم خاک کس دل جلے کی کی برباد

Lagti hai kuch samoom si to naseem Khaak kis dil-jale ki ki barbaad

کیا پانی کے مول آ کر مالک نے گہر بیچا ہے سخت گراں سستا یوسف کا بکا جانا

Kya paani ke mol aa kar maalik ne gohar becha Hai sakht giraan sasta Yusuf ka bika jaana

دور سے چرخ کے نکل نہ سکے ضعف نے ہم کو مورطاس کیا

Door se charkh ke nikal na sake Zaaf ne hum ko morataas kiya

Mohabbat-kushta hain hum yaan kiso paas Hamaare dard ki bhi kuch dawa hai

Sukhan kariye to howe harf-zan yun Bas ab munh mond le main ne suna hai

Paas-e-naamoose-ishq tha warna Kitne aansu palak talak aaye the

Paas-e-naamooas-e-mohabbat tha ke Farhad ke paas Be-Sitoon saamne se apne uthaaya na gaya

Zir-e-shamsheer-e-sitam Meer tarapna kaisa Sar bhi tasleem-e-mohabbat mein hilaaya na gaya

Yeh zulm be-nihaayat dushwaar-tar ke khoobaan Bad-wazaion ko apni mahmood jaante hain

عشق میں ذلت ہوئی خفت ہوئی تہمت ہوئی آخر آخر جان دی یاروں نے یہ صحبت ہوئی عکس اس بے دید کا تو متصل پڑتا تھا صبح دن چڑھے کیا جانوں آئینے کی کیا صورت ہوئی لوح سینہ پر مری سو نیزۂ خطی لگے خستگی اس دل شکستہ کی اسی بابت ہوئی کھولتے ہی آنکھیں پھر یاں موندنی ہم کو پڑیں دید کیا کوئی کرے وہ کس قدر مہلت ہوئی پاؤں میرا کلبۂ احزاں میں اب رہتا نہیں رفتہ رفتہ اس طرف جانے کی مجھ کو لت ہوئی مر گیا آوارہ ہو کر میں تو جیسے گرد باد پر جسے یہ واقعہ پہنچا اسے وحشت ہوئی شاد و خوش طالع کوئی ہوگا کسو کو چاہ کر میں تو کلفت میں رہا جب سے مجھے الفت ہوئی دل کا جانا آج کل تازہ ہوا ہو تو کہوں گزرے اس بھی سانحے کو ہم نشیں مدت ہوئی شوق دل ہم نا توانوں کا لکھا جاتا ہے کب اب تلک آپھی پہنچنے کی اگر طاقت ہوئی کیا کف دست ایک میداں تھا بیاباں عشق کا جان سے جب اس میں گزرے تب ہمیں راحت ہوئی یوں تو ہم عاجز ترین خلق عالم ہیں ولے دیکھیو قدرت خدا کی گر ہمیں قدرت ہوئی گوش زد چٹ پٹ ہی مرنا عشق میں اپنے ہوا کس کو اس بیماری جانکاہ سے فرصت ہوئی بے زباں جو کہتے ہیں مجھ کو سو چپ رہ جائیں گے معرکے میں حشر کے گر بات کی رخصت ہوئی ہم نہ کہتے تھے کہ نقش اس کا نہیں نقاش سہل چاند سارا لگ گیا تب نیم رخ صورت ہوئی اس غزل پر شام سے تو صوفیوں کو وجد تھا پھر نہیں معلوم کچھ مجلس کی کیا حالت ہوئی کم کسو کو میرؔ کی میت کی ہاتھ آئی نماز نعش پر اس بے سر و پا کی بلا کثرت ہوئی

Ishq mein zillat hui khiffat hui tohmat hui Aakhir aakhir jaan di yaaron ne yeh sohbat hui Aks is be-deed ka to muttasil parta tha subh Din charhe kya jaanon aaine ki kya soorat hui Loh-e-seena par meri so naiza-e-khatti lage Khastagi is dil-e-shikasta ki isi baabat hui Kholte hi aankhen phir yaan mondni hum ko parin Deed kya koi kare woh kis qadar muhlat hui Paaon mera kalba-e-ahzaan mein ab rehta nahin Rafta rafta us taraf jaane ki mujh ko lat hui Mar gaya aawara ho kar main to jaise gard-baad Par jise yeh waaqia pahuncha use wehshat hui Shaad-o-khush-taali koi hoga kiso ko chaah kar Main to kulfat mein raha jab se mujhe ulfat hui Dil ka jaana aaj kal taaza hua ho to kahun Guzre is bhi saanihe ko hum-nasheen muddat hui Shauq-e-dil hum naatawanon ka likha jaata hai kab Ab talak aaphi pahunchne ki agar taaqat hui Kya kaf-e-dast ek maidaan tha bayaabaan-e-ishq ka Jaan se jab us mein guzre tab hamein raahat hui Yun to hum aajiz-tareen khalq-e-aalam hain wale Dekhiyo qudrat-e-Khuda ki gar hamein qudrat hui Gosh-zad chat pat hi marna ishq mein apne hua Kis ko is beeraari-e-jaan-kaah se fursat hui Be-zabaan jo kehte hain mujh ko so chup reh jaayen ge Maarkay mein hashr ke gar baat ki rukhsat hui Hum na kehte the ke naqsh us ka nahin naqqaash sahl Chaand saara lag gaya tab neem-rukh soorat hui Is ghazal par shaam se to soofion ko wajd tha Phir nahin maaloom kuch majlis ki kya haalat hui Kam kiso ko Meer ki mayyat ki haath aayi namaaz Naash par is be-sar-o-pa ki bala kasrat hui

مار ہی ڈال مجھے چشمِ ادا سے پہلے اپنی منزل کو پہنچ جاؤں قضا سے پہلے اِک نظر دیکھ لوُں آجاؤ قضا سے پہلے تم سے مِلنے کی تمنّا ہے خُدا سے پہلے حشر کے روز میں پُوچھونگا خُدا سے پہلے تُو نے روکا نہیں کیوں مجھ کو خطا سے پہلے اے مِری موت ٹھہر اُن کو ذرا آنے دے زہر کا جام نہ دے مجھ کو دوا سے پہلے ہاتھ پہنچے بھی نہ تھے زُلفِ دوتا تک مومن ہتھکڑی ڈال دی ظالم نے قضا سے پہلے

Maar hi daal mujhe chashm-e-ada se pehle Apni manzil ko pahunch jaoon qaza se pehle Ik nazar dekh loon aajaao qaza se pehle Tum se milne ki tamanna hai khuda se pehle Hashr ke roz mein poochhunga khuda se pehle Tu ne roka nahin kyun mujh ko khata se pehle Ae meri maut theher un ko zara aane de Zehar ka jaam na de mujh ko dava se pehle Haath pahunche bhi na the zulf-e-dota tak Momin Hathkadi daal di zaalim ne qaza se pehle

اس عہد میں الٰہی محبت کو کیا ہوا چھوڑا وفا کو ان نے مروت کو کیا ہوا امیدوار وعدۂ دیدار مر چلے آتے ہی آتے یارو قیامت کو کیا ہوا کب تک تظلم آہ بھلا مرگ کے تئیں کچھ پیش آیا واقعہ رحمت کو کیا ہوا اس کے گئے پر ایسے گئے دل سے ہم نشیں معلوم بھی ہوا نہ کہ طاقت کو کیا ہوا بخشش نے مجھ کو ابر کرم کی کیا خجل اے چشم جوش اشک ندامت کو کیا ہوا جاتا ہے یار تیغ بکف غیر کی طرف اے کشتۂ ستم تری غیرت کو کیا ہوا تھی صعب عاشقی کی بدایت ہی میرؔ پر کیا جانیے کہ حال نہایت کو کیا ہوا

Is ahd mein ilaahi mohabbat ko kya hua Chhora wafa ko un ne muruwwat ko kya hua

Kya jaanen we morghaan-e-griftaar-e-chaman ko Jin tak ke ba-sad naaz naseem-e-sehar aawe

Mat dasht-e-mohabbat mein qadam rakh ke Khizr ko Har gaam pe is rah mein safar se hazar aawe

Bas ae Meer muzgaan se poonch aansuon ko To kab tak yeh moti pirota rahega

Mere saleeqe se meri nibhi mohabbat mein Tamaam umr mein nakamiyon se kaam liya

ہم ہوئے تم ہوئے کہ میرؔ ہوئے اس کی زلفوں کے سب اسیر ہوئے جن کی خاطر کی استخواں شکنی سو ہم ان کے نشان تیر ہوئے نہیں آتے کسو کی آنکھوں میں ہو کے عاشق بہت حقیر ہوئے آگے یہ بے ادائیاں کب تھیں ان دنوں تم بہت شریر ہوئے اپنے روتے ہی روتے صحرا کے گوشے گوشے میں آب گیر ہوئے ایسی ہستی عدم میں داخل ہے نے جواں ہم نہ طفل شیر ہوئے ایک دم تھی نمود بود اپنی یا سفیدی کی یا اخیر ہوئے یعنی مانند صبح دنیا میں ہم جو پیدا ہوئے سو پیر ہوئے مت مل اہل دول کے لڑکوں سے میرؔ جی ان سے مل فقیر ہوئے

Hum hue tum hue ke Meer hue Us ki zulfon ke sab aseer hue Jin ki khaatir ki ustakhwaan-shikni So hum un ke nishaan-e-teer hue Nahin aate kiso ki aankhon mein Ho ke aashiq bahut haqeer hue Aage yeh be-adaaiyaan kab thin In dinon tum bahut shareer hue Apne rote hi rote sahra ke Goshe goshe mein aab-geer hue Aisi hasti adam mein daakhil hai Na jawaan hum na tifl-e-sheer hue Ek dam thi numood-e-bood apni Ya safedi ki ya akheer hue Yaani maanind-e-subh duniya mein Hum jo paida hue so peer hue Mat mil ahl-e-daulat ke larkon se Meer ji un se mil faqeer hue

کیا کہوں تم سے میں کہ کیا ہے عشق جان کا روگ ہے بلا ہے عشق عشق ہی عشق ہے جہاں دیکھو سارے عالم میں بھر رہا ہے عشق عشق ہے طرز و طور عشق کے تئیں کہیں بندہ کہیں خدا ہے عشق عشق معشوق عشق عاشق ہے یعنی اپنا ہی مبتلا ہے عشق گر پرستش خدا کی ثابت کی کسو صورت میں ہو بھلا ہے عشق دل کش ایسا کہاں ہے دشمن جاں مدعی ہے پہ مدعا ہے عشق ہے ہمارے بھی طور کا عاشق جس کسی کو کہیں ہوا ہے عشق کوئی خواہاں نہیں محبت کا تو کہے جنس ناروا ہے عشق میرؔ جی زرد ہوتے جاتے ہو کیا کہیں تم نے بھی کیا ہے عشق

Kya kahun tum se main ke kya hai ishq Jaan ka rog hai bala hai ishq Ishq hi ishq hai jahan dekho Saare aalam mein bhar raha hai ishq Ishq hai tarz-o-taur ishq ke taen Kahin banda kahin Khuda hai ishq Ishq maashuq ishq aashiq hai Yaani apna hi mubtala hai ishq Gar parastish-e-Khuda ki saabit ki Kaso soorat mein ho bhala hai ishq Dil-kash aisa kahan hai dushman-e-jaan Mudda'i hai pe mudda hai ishq Hai hamaare bhi taur ka aashiq Jis kisi ko kahin hua hai ishq Koi khwaahaan nahin mohabbat ka To kahe jins-e-naarawa hai ishq Meer ji zard hote jaate ho Kya kahen tum ne bhi kiya hai ishq

لگے خدنگ جب اس نالۂ سحر کا سا فلک کا حال نہ ہو کیا مرے جگر کا سا نہ جاؤں گا کبھی جنت میں میں نہ جاؤں گا اگر نہ ہووے گا نقشہ تمہارے گھر کا سا کرے نہ خانہ خرابی تری ندامت جور کہ آب شرم میں ہے جوش چشم تر کا سا یہ جوش یاس تو دیکھو کہ اپنے قتل کے وقت دعائے وصل نہ کی وقت تھا اثر کا سا لگے ان آنکھوں سے ہر وقت اے دل صد چاک ترا نہ رتبہ ہوا کیوں شگاف در کا سا ذرا ہو گرمی صحبت تو خاک کر دے چرخ مرا سرور ہے گل‌‌ خندۂ شرر کا سا یہ ناتواں ہوں کہ ہوں اور نظر نہیں آتا مرا بھی حال ہوا تیری ہی کمر کا سا جنوں کے جوش سے بیگانہ وار ہیں احباب ہمارا حال وطن میں ہوا سفر کا سا خبر نہیں کہ اسے کیا ہوا پر اس در پر نشان پا نظر آتا ہے نامہ بر کا سا دل ایسے شوخ کو مومنؔ نے دے دیا کہ وہ ہے محب حسین کا اور دل رکھے شمر کا سا

Lage khadang jab is naala-e-sehar ka sa Falak ka haal na ho kya mere jigar ka sa Na jaaon ga kabhi jannat mein main na jaaon ga Agar na howe ga naqsha tumhare ghar ka sa Kare na khaana-kharaabi teri nadaamat-e-jor Ke aab-e-sharm mein hai josh-e-chashm-e-tar ka sa Yeh josh-e-yaas to dekho ke apne qatl ke waqt Dua-e-wasl na ki waqt tha asar ka sa Lage in aankhon se har waqt ae dil-e-sad-chaak Tera na rutba hua kyun shigaaf-e-dar ka sa Zara ho garmi-e-sohbat to khaak kar de charkh Mera suroor hai gul-khanda-e-sharar ka sa Yeh naatawaan hun ke hun aur nazar nahin aata Mera bhi haal hua teri hi kamar ka sa Junoon ke josh se begaana-waar hain ahbaab Hamara haal watan mein hua safar ka sa Khabar nahin ke use kya hua par us dar par Nishaan-e-pa nazar aata hai naama-bar ka sa Dil aise shokh ko Momin ne de diya ke woh hai Muhib-e-Husain ka aur dil rakhe Shimr ka sa

ہوئی تاثیر آہ و زاری کی رہ گئی بات بے قراری کی شکوۂ دشمنی کریں کس سے واں شکایت ہے دوست داری کی مبتلائے شب فراق ہوئے ضد سے ہم تیرہ روزگاری کی یاد آئی جو گرمجوشیٔ یار دیدۂ تر نے شعلہ باری کی کیوں نہ ڈر جاؤں دیکھ کر وہ زلف ہے شب ہجر کی سی تاریکی یاس دیکھو کہ غیر سے کہہ دی بات اپنی امیدواری کی بس کہ ہے یار کی کمر کا خیال شعر کی سوجھتی ہے باریکی کر دے روز جزا شب دیجور ظلمت اپنی سیاہ کاری کی تیرے ابرو کی یاد میں ہم نے ناخن غم سے دل فگاری کی قتل دشمن کا ہے ارادہ اسے یہ سزا اپنی جاں نثاری کی کیا مسلماں ہوئے کہ اے مومنؔ حاصل اس بت سے شرمساری کی

Hui taaseer-e-aah-o-zaari ki Reh gayi baat be-qaraari ki Shikwa-e-dushmani karein kis se Waan shikaayat hai dost-daari ki Mubtalaae shab-e-firaaq hue Zid se hum teera-rozgaari ki Yaad aayi jo garm-joshi-e-yaar Deeda-e-tar ne shola-baari ki Kyun na dar jaaon dekh kar woh zulf Hai shab-e-hijar ki si taareeki Yaas dekho ke ghair se keh di Baat apni umeedwaari ki Bas ke hai yaar ki kamar ka khayaal Sher ki soojhti hai baareeki Kar de roz-e-jaza shab-e-daijoor Zulmat apni siyaah-kaari ki Tere abru ki yaad mein hum ne Naakhan-e-gham se dil-figaari ki Qatl-e-dushman ka hai iraada use Yeh saza apni jaan-nisaari ki Kya Musalman hue ke ae Momin Haasil is but se sharmisaari ki

جوں نکہت گل جنبش ہے جی کا نکل جانا اے باد صبا میری کروٹ تو بدل جانا پالغز محبت سے مشکل ہے سنبھل جانا اس رخ کی صفائی پر اس دل کا پھسل جانا سینہ میں جو دل تڑپا دھر ہی تو دیا دیکھا پھر بھول گیا کیسا میں ہاتھ کا پھل جانا اتنا تو نہ گھبراؤ راحت یہیں فرماؤ گھر میں مرے رہ جاؤ آج اور بھی کل جانا اے دل وہ جو یاں آیا کیا کیا ہمیں ترسایا تو نے کہیں سکھلایا قابو سے نکل جانا کیا ایسے سے دعویٰ ہو محشر میں کہ میں نے تو نظارۂ قاتل کو احسان اجل جانا ہے ظلم کرم جتنا تھا فرق پڑا کتنا مشکل ہے مزاج اتنا اک بار بدل جانا حوروں کی ثنا خوانی واعظ یوں ہی کب مانی لے آ کہ ہے نادانی باتوں میں بہل جانا عشق ان کی بلا جانے عاشق ہوں تو پہچانے لو مجھ کو اطبا نے سودے کا خلل جانا کیا باتیں بناتا ہے وہ جان جلاتا ہے پانی میں دکھاتا ہے کافور کا جل جانا مطلب ہے کہ وصلت میں ہے بوالہوس آفت میں اس گرمی صحبت میں اے دل نہ پگھل جانا دم لینے کی طاقت ہے بیمار محبت ہے اتنا بھی غنیمت ہے مومنؔ کا سنبھل جانا

Jyon nakhwat-e-gul jumbish hai ji ka nikal jaana Ae baad-e-saba meri karwat to badal jaana Paa-lagaz-e-mohabbat se mushkil hai sambhal jaana Is rukh ki safaai par is dil ka phisal jaana Seene mein jo dil tarpa dhar hi to diya dekha Phir bhool gaya kaisa main haath ka phal jaana Itna to na ghabraao raahat yahin farmaao Ghar mein mere reh jaao aaj aur bhi kal jaana Ae dil woh jo yaan aaya kya kya hamein tarsaya Tu ne kahin sikhlaya qabu se nikal jaana Kya aise se dawa ho mahshar mein ke main ne to Nazaara-e-qaatil ko ahsaan-e-ajal jaana Hai zulm karam jitna tha farq para kitna Mushkil hai mizaaj itna ik baar badal jaana Hooron ki sana-khaani waiz yun hi kab maani Le aa ke hai naadaani baaton mein behal jaana Ishq un ki bala jaane aashiq hun to pehchaane Lo mujh ko atibba ne saude ka khalal jaana Kya baatein banaata hai woh jaan jalaata hai Paani mein dikhaata hai kaafoor ka jal jaana Matlab hai ke waslat mein hai bol-hawas aafat mein Is garmi-e-sohbat mein ae dil na pighal jaana Dam lene ki taaqat hai beemaar-e-mohabbat hai Itna bhi ghanemat hai Momin ka sambhal jaana

ہم رنگ لاغری سے ہوں گل کی شمیم کا طوفان باد ہے مجھے جھونکا نسیم کا چھوڑا نہ کچھ بھی سینے میں طغیان اشک نے اپنی ہی فوج ہو گئی لشکر غنیم کا یاران نو کے واسطے مجھ سے خفا ہوئے تم کو نہیں ہے پاس نیاز قدیم کا یاد آئی کافروں کو مری آہ سرد کی کیونکہ نہ کانپنے لگے شعلہ جحیم کا از بس کہ ثبت نامہ ہے سوز تپ دروں قاصد کا ہاتھ ہے ید بیضا کلیم کا واعظ کبھی ہلا نہیں کوئے صنم سے میں کیا جانوں کیا ہے مرتبہ عرش عظیم کا مارا ہے وصل غیر کے شکوے پہ چاہیئے مدفن جدا جدا مری لاش دو نیم کا کہتا ہے بات بات پہ کیوں جان کھا گئے گویا کہ پک گیا ہے کلیجہ ندیم کا واعظ بتوں کو خلد میں لے جائیں گے کہیں ہے وعدہ کافروں سے عذاب الیم کا مومنؔ تجھے تو وہب ہے مومن ہی وہ نہیں جو معتقد نہیں تری طبع سلیم کا

Hum rang-e-laaghari se hun gul ki shameem ka Toofaan-e-baad hai mujhe jhonka-e-naseem ka Chora na kuch bhi seene mein tughyaan-e-ashk ne Apni hi fauj ho gayi lashkar-e-ghaneem ka Yaaraan-e-nau ke waste mujh se khafa hue Tum ko nahin hai paas-e-niyaaz-e-qadeem ka Yaad aayi kaafaron ko meri aah-e-sard ki Kyunke na kaampne lage shola-e-jaheem ka Az bas ke sabt-naama hai soz-e-tap-e-daroon Qaasid ka haath hai yad-e-baiza-e-Kaleem ka Waiz kabhi hila nahin koo-e-sanam se main Kya jaanon kya hai martaba-e-arsh-e-azeem ka Maara hai wasl-e-ghair ke shikwe pe chahiye Madfan juda juda meri laash-e-do-neem ka Kehta hai baat baat pe kyun jaan kha gaye Goya ke pak gaya hai kaleja-e-nadeem ka Waiz buton ko khuld mein le jaayen ge kahin Hai waada kaafaron se azaab-e-aleem ka Momin tujhe to wahb hai momin hi woh nahin Jo muqtaqid nahin teri tab-e-saleem ka

تا نہ پڑے خلل کہیں آپ کے خواب ناز میں ہم نہیں چاہتے کمی اپنی شب دراز میں اور ہی رنگ آج ہے عارض گل عذار کا خون دل اپنا تھا مگر گو نہ رخ طراز میں کیونکہ نہ آدھی آدھی رات جاگے وہ جس کا دھیان ہو آہوئے نیم خواب میں نرگس نیم باز میں خسرو عیش وصل یار جاں کنی اور کوہ کن اپنا جگر تو خوں ہوا عشق کے امتیاز میں بن ترے بزم صور میں ہیں یہ قباحتیں کہ ہے نغمۂ صور کا اثر نغمۂ نے نواز میں ان سے اب التفات کی غیر کو ہیں شکایتیں سن کے مرا مبالغہ منت احتراز میں کیا سبھی سینے جل چکے کیا سبھی دل پگھل چکے بوئے کباب اب نہیں آہ جگر گداز میں پردہ نشیں کے عشق میں پردہ دری نہ ہو کہیں ہوتی ہیں بے حجابیاں جان نہفتہ راز میں رخنۂ در سے غیر پاس دیکھا کسے کہ آج ہے رخنہ گری کچھ اور ہی نالۂ رخنہ ساز میں یاد بتاں میں لاکھ بار فرط قلق سے ہم بھی تو بیٹھے اٹھے ہیں مومنؔ آپ گر رہے شب نماز میں

Ta na pare khalal kahin aap ke khwaab-e-naaz mein Hum nahin chahte kami apni shab-e-daraaz mein Aur hi rang aaj hai aarız-e-gul-azaar ka Khoon-e-dil apna tha magar go na rukh-taraaz mein Kyunke na aadhi aadhi raat jaage woh jis ka dhyaan ho Aahoo-e-neem-khwaab mein nargis-e-neem-baaz mein Khusrau-e-aish-e-wasl yaar jaan-kani aur koh-kan Apna jigar to khoon hua ishq ke imtiyaaz mein Bin tere bazm-e-soor mein hain yeh qabaahaten ke hai Naghma-e-soor ka asar naghma-e-nai-nawaaz mein Un se ab iltifaat ki ghair ko hain shikaayaten Sun ke mera mubalagha minnat-e-ihtiraaz mein Kya sabhi seene jal chuke kya sabhi dil pighal chuke Boo-e-kabaab ab nahin aah jigar-gudaaz mein Parda-nasheen ke ishq mein parda-dari na ho kahin Hoti hain be-hijaabiyaan jaan-e-nihufta-raaz mein Rukhna-e-dar se ghair paas dekha kise ke aaj hai Rukhna-gari kuch aur hi naala-e-rukhna-saaz mein Yaad-e-butaan mein laakh baar fart-e-qalaq se hum bhi to Baithe uthe hain Momin aap gir rahe shab-e-namaaz mein

سودا تھا بلائے جوش پر رات بستر پہ بچھائے نیشتر رات بگڑے تھے یہاں وہ آن کر رات بے طور بنی تھی جان پر رات ہم تا سحر آپ میں نہیں تھے کیا جانے رہے وہ کس کے گھر رات افسانہ سمجھ کے سو گئے وہ کام آئی فغان بے اثر رات آئینے میں ہو نہ موم جادو سوتے نہیں اب وہ تا سحر رات تارے آنکھیں جھپک رہے تھے تھا بام پہ کون جلوہ گر رات اندھیر پڑا زمانے میں ہائے نے دن کو ہے مہر نے قمر رات اس لیل و نہار غم نے مارا ہے روز سے سیاہ تر رات کیا پوچھو ہو منکر و نکیر آہ بگڑے جو وہ طعن غیر پر رات یہ بات بڑھی کہ مر گئے ہم موت آئی تھی قصہ مختصر رات اس گھر میں ہے عیش خلد مومنؔ کیا جانے کہاں ہے دن کدھر رات

Sauda tha balaae josh par raat Bistar pe bichhaaye nishtar raat Bigre the yahan woh aan kar raat Be-taur bani thi jaan par raat Hum ta-sehar aap mein nahin the Kya jaane rahe woh kis ke ghar raat Afsaana samajh ke so gaye woh Kaam aayi fughaan-e-be-asar raat Aaine mein ho na mom-jaadu Sote nahin ab woh ta-sehar raat Taare aankhen jhapak rahe the Tha baam pe kaun jalwa-gar raat Andher para zamaane mein haaye Na din ko hai mehr na qamar raat Is lail-o-nahaar gham ne maara Hai roz se siyaah-tar raat Kya puchho ho munkir-o-nakeer aah Bigre jo woh taan-e-ghair par raat Yeh baat barhi ke mar gaye hum Maut aayi thi qissa-e-mukhtasar raat Is ghar mein hai aish-e-khuld Momin Kya jaane kahan hai din kidhar raat

وعدے کی جو ساعت دم کشتن ہے ہمارا جو دوست ہمارا ہے سو دشمن ہے ہمارا یہ کاہ ربا سے بھی ہیں کم اے کشش دل مذکور کچھ ایسا پس چلمن ہے ہمارا افسوس موئے شمع شب وصل کی مانند جو قہقہہ شادی ہے سو شیون ہے ہمارا مہتاب کا کیا رنگ کیا دود فغاں نے احوال شب تار سے روشن ہے ہمارا دیتا نہیں اس ضعف پہ بھی جوش جنوں چین ہر ریگ رواں دشت میں توسن ہے ہمارا تفریح نہ کیونکر ہو ہوا آ نہیں سکتی گویا در و دیوار نشیمن ہے ہمارا گر پاس ہے لوگوں کا تو آ جا کہ قلق سے ہے لاش کہیں اور کہیں مدفن ہے ہمارا جذب دل اسے کھینچ کے لائے تو کہاں لائے جو غیر کا گھر ہے وہی مسکن ہے ہمارا بت خانے سے کعبے کو چلے رشک کے مارے مومنؔ خضر راہ برہمن ہے ہمارا

Waade ki jo saat-e-dam-e-kushtan hai hamara Jo dost hamara hai so dushman hai hamara Yeh kaah-ruba se bhi hain kam ae kashish-e-dil Mazkoor kuch aisa pas-e-chilman hai hamara Afsos moo-e-shama shab-e-wasl ki maanind Jo qahqaha-e-shaadi hai so sheewen hai hamara Mahtaab ka kya rang kya dood-e-fughaan ne Ahwaal-e-shab-e-taar se roshan hai hamara Deta nahin is zaf pe bhi josh-e-junoon chain Har reg-e-rawaan dasht mein tausan hai hamara Tafreeha na kyunkar ho hawa aa nahin sakti Goya dar-o-deewaar nasheman hai hamara Gar paas hai logon ka to aa ja ke qalaq se Hai laash kahin aur kahin madfan hai hamara Jazb-e-dil use kheench ke laaye to kahan laaye Jo ghair ka ghar hai wahi maskan hai hamara But-khaane se Kaabe ko chale rashk ke maare Momin Khizr-e-raah brahman hai hamara

ہو نہ بیتاب ادا تمہاری آج ناز کرتی ہے بے قراری آج اڑ گیا خاک پر غبار اپنا ہو گئی خاک خاکساری آج نزع ہے اور روز وعدۂ وصل ہے بہر طور دم شماری آج مانع قتل کیوں ہوا دشمن جان ہی جائے گی ہماری آج تیرے آتے ہی دم میں دم آیا ہو گئی یاس امیدواری آج کوئی بھینچے ہے دل کو پہلو میں کس نے کی اس سے ہم کناری آج اس کے شکوے سے ہے اثر ظاہر کچھ تو کہتی ہے آہ و زاری آج اک نئی آرزو کا خون ہوا ہم ہیں اور تازہ سوگواری آج چھٹ گئے مر کے نیش ہجراں سے کام آیا ہے زخم کاری آج بیکسی کیوں ہے نعش پر مجمع کیا ہوئی تو مری پیاری آج بھولے حضرت نصیحت اے ناصح ہے کسی کی تو یادگاری آج مومنؔ اس بت کو دیکھ آہ بھری کیا ہوا لاف دین داری آج

Ho na betaab ada tumhari aaj Naaz karti hai be-qaraari aaj Ur gaya khaak par ghubaar apna Ho gayi khaak khaaksaari aaj Naza hai aur roz waada-e-wasl Hai bahar-e-taur dam-shumaari aaj Maani-e-qatl kyun hua dushman Jaan hi jaaye gi hamaari aaj Tere aate hi dam mein dam aaya Ho gayi yaas umeedwaari aaj Koi bheenche hai dil ko pahlu mein Kis ne ki us se hamkanaari aaj Us ke shikwe se hai asar zaahir Kuch to kehti hai aah-o-zaari aaj Ik nayi aarzoo ka khoon hua Hum hain aur taaza soogwaari aaj Chhat gaye mar ke naish-e-hijraan se Kaam aaya hai zakhm-kaari aaj Bekasi kyun hai naash par majma Kya hui tu meri pyaari aaj Bhoole hazrat naseehat ae naasih Hai kisi ki to yaadgaari aaj Momin is but ko dekh aah bhari Kya hua laaf-e-deen-daari aaj

نہ انتظار میں یاں آنکھ ایک آن لگی نہ ہائے ہائے میں تالو سے شب زبان لگی جلا جگر تپ غم سے پھڑکنے جان لگی الٰہی خیر کہ اب آگ پاس آن لگی گلی میں اس کی نہ پھر آتے ہم تو کیا کرتے طبیعت اپنی نہ جنت کے درمیان لگی جفائے غیر کا شکوہ تھا تیرا تھا کیا ذکر عبث یہ بات بری تجھ کو بد گمان لگی ہنسو نہ تم تو مرے حال پر میں ہوں وہ ذلیل کہ جس کی ذلت و خواری سے تم کو شان لگی کہاں وہ آہ و فغاں دم بھی لے نہیں سکتے ہمیں یہ تیری دعائے بد آسمان لگی میں اور اس کو بلاؤں گا روز وصل میں لو اجل بھی کرنے محبت کا امتحان لگی برنگ صورت بلبل نہیں نوا سنجی یہ کیا ہوا کہ چپ اے گلستاں بیان لگی سدا تمہاری طرف جی لگا ہی رہتا ہے تمہارے واسطے ہے دل کو مہربان لگی وہ کینہ توز تھا مومنؔ تو دل لگایا کیوں کہو تو کیا تمہیں ایسی بھلی وہ آن لگی

Na intizaar mein yaan aankh ek aan lagi Na haaye haaye mein taalu se shab zabaan lagi Jala jigar tap-e-gham se pharak ne jaan lagi Ilaahi khair ke ab aag paas aan lagi Gali mein us ki na phir aate hum to kya karte Tabiyat apni na jannat ke darmiyaan lagi Jafa-e-ghair ka shikwa tha tera tha kya zikr Abas yeh baat buri tujh ko bad-gumaan lagi Hanso na tum to mere haal par main hun woh zaleel Ke jis ki zillat-o-khwaari se tum ko shaan lagi Kahan woh aah-o-fughaan dam bhi le nahin sakte Hamein yeh teri dua-e-bad aasmaan lagi Main aur us ko bulaoon ga roz-e-wasl mein lo Ajal bhi karne mohabbat ka imtihaan lagi Ba-rang-e-soorat-e-bulbul nahin nawa-sanji Yeh kya hua ke chup ae gulistan-bayaan lagi Sada tumhari taraf ji laga hi rehta hai Tumhare waste hai dil ko mehraban lagi Woh keena-toaz tha Momin to dil lagaya kyun Kaho to kya tumhein aisi bhali woh aan lagi

راز نہاں زبان اغیار تک نہ پہنچا کیا ایک بھی ہمارا خط یار تک نہ پہنچا اللہ رے ناتوانی جب شدت قلق میں بالیں سے سر اٹھایا دیوار تک نہ پہنچا روتے تو رحم آتا سو اس کے روبرو تو اک قطرہ خوں بھی چشم خوں بار تک نہ پہنچا عاشق سے مت بیاں کر قتل عدو کا مژدہ پیغام مرگ ہے یہ بیمار تک نہ پہنچا بے بخت رنگ خوبی کس کام کا کہ میں تو تھا گل ولے کسی کی دستار تک نہ پہنچا مفت اول سخن میں عاشق نے جان دے دی قاصد بیان تیرا اقرار تک نہ پہنچا تھی خار راہ تیری مژگاں کی یاد پھر شب تا صبح خواب چشم بیدار تک نہ پہنچا بخت رسا عدو کے جو چاہے سو کہے اب یک بار یار مجھ تک میں یار تک نہ پہنچا غیروں سے اس نے ہرگز چھوڑی نہ ہاتھا پائی جب تک اجل کا صدمہ دو چار تک نہ پہنچا مومنؔ اسی نے مجھ سے دی برتری کسی کو جو پست فہم میرے اشعار تک نہ پہنچا

Raaz-e-nihaan zabaan-e-aghyaar tak na pahuncha Kya ek bhi hamara khat yaar tak na pahuncha Allah re naatwaani jab shiddat-e-qalaq mein Baleen se sar uthaaya deewaar tak na pahuncha Rote to raham aata so us ke ru-ba-ru to Ik qatra khoon bhi chashm-e-khoon-baar tak na pahuncha Aashiq se mat bayaan kar qatl-e-adu ka muzhda Paighaam-e-marg hai yeh beemaar tak na pahuncha Be-bakht rang-e-khoobi kis kaam ka ke main to Tha gul wale kisi ki dastaar tak na pahuncha Muft awwal-e-sukhan mein aashiq ne jaan de di Qaasid bayaan tera iqraar tak na pahuncha Thi khaar-e-raah teri muzgaan ki yaad phir shab Ta subah khwaab chashm-e-bedaar tak na pahuncha Bakht-e-rasa adu ke jo chahe so kahe ab Yak baar yaar mujh tak main yaar tak na pahuncha Ghairon se us ne hargiz chori na haatha-paai Jab tak ajal ka sadma do-chaar tak na pahuncha Momin usi ne mujh se di bartari kisi ko Jo past-e-fahm mere ashaar tak na pahuncha

شوخ کہتا ہے بے حیا جانا دیکھو دشمن نے تم کو کیا جانا شعلۂ دل کو ناز تابش ہے اپنا جلوہ ذرا دکھا جانا شوق نے دورباش اعدا کو اس کی محفل میں مرحبا جانا اس کے اٹھتے ہی ہم جہاں سے اٹھے کیا قیامت ہے دل کا آ جانا گھر میں خود رفتگی سے دھوم مچی کیونکے ہو اس تلک مرا جانا پوچھنا حال یار ہے منظور میں نے ناصح کا مدعا جانا مے نہ اتری گلے سے جو اس بن مجھ کو یاروں نے پارسا جانا شکوہ کرتا ہے بے نیازی کا تو نے مومنؔ بتوں کو کیا جانا

Shokh kehta hai be-haya jaana Dekho dushman ne tum ko kya jaana Shola-e-dil ko naaz-e-taabish hai Apna jalwa zara dikha jaana Shauq ne door-baash-e-adaa ko Us ki mahfil mein marhaba jaana Us ke uthte hi hum jahaan se uthe Kya qayamat hai dil ka aa jaana Ghar mein khud-raftagi se dhoom machi Kyunke ho us talak mera jaana Poochhna haal-e-yaar hai manzoor Main ne naasih ka mudda jaana Mai na utri gale se jo us bin Mujh ko yaaron ne parsa jaana Shikwa karta hai be-niyazi ka Tu ne Momin buton ko kya jaana

جو تیرے منہ سے نہ ہو شرمسار آئینہ تو رخ کرے سوئے آئینہ وار آئینہ کہے ہے دیکھ کے رخسار یار آئینہ کہ اس صفائی پہ صدقے نثار آئینہ سیاہ رو نہ کرے ترک الفت گلفام میں بوالہوس کو دکھاؤں ہزار آئینہ صفائے دل کی کہاں قدر تیرہ روزی میں چراغ صبح ہے شب ہائے تار آئینہ سمجھ لیا مگر اس سبز رنگ کو طوطی کہ ہے نظارے کا امیدوار آئینہ وہ سخت جاں ہوں کہ دکھلائیں گر دم مردن تو توڑ دے کمر کوہسار آئینہ مقابل اس رخ روشن کے کھل گئی قلعی نہ ٹھہرا آگ پہ سیماب وار آئینہ سما رہے ہیں مگر تیرے نو بہ نو جلوے کہ بن گیا ہے طلسم بہار آئینہ شکست رنگ پہ مستی میں ہنستے ہیں ہم بھی دکھائیں گے انہیں وقت خمار آئینہ مجھے تو کہتے ہو مت دیکھ میری جانب تو اور آپ دیکھتے ہو بار بار آئینہ بلا ہے منع وفا نور اڑ گیا ناصح تو لے کے دیکھ تو رنگ عذار آئینہ سمجھ تو مومنؔ اگر ناروا ہو خود بینی تو دیکھیں کاہے کو پرہیزگار آئینہ

Jo tere munh se na ho sharmisaar aaina To rukh kare soo-e-aaina-waar aaina Kahe hai dekh ke rukhsaar-e-yaar aaina Ke is safaai pe sadqe nisaar aaina Siyaah-ru na kare tark-e-ulfat-e-gulfaam Main bol-hawas ko dikhaaon hazaar aaina Safaa-e-dil ki kahan qadr teera-rozi mein Chiraagh-e-subh hai shab-haae-taar aaina Samajh liya magar is sabz-rang ko toti Ke hai nazaare ka umeedwaar aaina Woh sakht-e-jaan hun ke dikhlaain gar dam-e-murdan To tor de kamar-e-kohsaar aaina Muqaabil is rukh-e-roshan ke khul gayi qalai Na thehara aag pe seemaab-waar aaina Sama rahe hain magar tere nau-ba-nau jalwe Ke ban gaya hai tilism-e-bahaar aaina Shikast-e-rang pe masti mein hanste hain hum bhi Dikhaaen ge unhein waqt-e-khumaar aaina Mujhe to kehte ho mat dekh meri jaanib tu Aur aap dekhte ho baar baar aaina Bala hai mana-e-wafa noor ur gaya naasih To le ke dekh to rang-e-azaar aaina Samajh to Momin agar naarawa ho khud-beeni To dekhein kaahe ko parhezgaar aaina

امتحاں کے لیے جفا کب تک التفات ستم نما کب تک غیر ہے بے وفا پہ تم تو کہو ہے ارادہ نباہ کا کب تک جرم معلوم ہے زلیخا کا طعنۂ دست نارسا کب تک مجھ پہ عاشق نہیں ہے کچھ ظالم صبر آخر کرے وفا کب تک دیکھیے خاک میں ملاتی ہے نگہ چشم سرمہ سا کب تک کہیں آنکھیں دکھا چکو مجھ کو جانب غیر دیکھنا کب تک نہ ملائیں گے وہ نہ آئیں گے جوش لبیک و مرحبا کب تک ہوش میں آ تو مجھ میں جان نہیں غفلت جرأت آزما کب تک لے شب وصل غیر بھی کاٹی تو مجھے آزمائے گا کب تک تم کو خو ہو گئی برائی کی درگزر کیجیئے بھلا کب تک مر چلے اب تو اس صنم سے ملیں مومنؔ اندیشۂ خدا کب تک

Imtihaan ke liye jafa kab tak Iltifaat-e-sitam-numa kab tak Ghair hai be-wafa pe tum to kaho Hai iraada-e-nibaah ka kab tak Jurm maaloom hai Zulaikha ka Taana-e-dast-e-narsa kab tak Mujh pe aashiq nahin hai kuch zaalim Sabr aakhir kare wafa kab tak Dekhiye khaak mein milaati hai Nigah-e-chashm-e-surma-sa kab tak Kahin aankhen dikha chuko mujh ko Jaanib-e-ghair dekhna kab tak Na milaain ge woh na aayen ge Josh-e-labbaik-o-marhaba kab tak Hosh mein aa to mujh mein jaan nahin Ghafat-e-jurrat-aazma kab tak Le shab-e-wasl ghair bhi kaati Tu mujhe azmaaye ga kab tak Tum ko khu ho gayi burai ki Darguzar kijiye bhala kab tak Mar chale ab to is sanam se milein Momin andesha-e-Khuda kab tak

وعدۂ وصلت سے دل ہو شاد کیا تم سے دشمن کی مبارک باد کیا کچھ قفس میں ان دنوں لگتا ہے جی آشیاں اپنا ہوا برباد کیا نالۂ پیہم سے یاں فرصت نہیں حضرت ناصح کریں ارشاد کیا ہیں اسیر اس کے جو ہے اپنا اسیر ہم نہ سمجھے صید کیا صیاد کیا شوخ بازاری تھی شیریں بھی مگر ورنہ فرق خسرو و فرہاد کیا نشۂ الفت سے بھولے یار کو سچ ہے ایسی بے خودی میں یاد کیا نالہ اک دم میں اڑا ڈالے دھوئیں چرخ کیا اور چرخ کی بنیاد کیا جب مجھے رنج دل آزاری نہ ہو بے وفا پھر حاصل بیداد کیا پانوں تک پہنچی وہ زلف خم بہ خم سرو کو اب باندھئے آزاد کیا کیا کروں اللہ سب ہیں بے اثر ولولہ کیا نالہ کیا فریاد کیا ان نصیبوں پر کیا اختر شناس آسماں بھی ہے ستم ایجاد کیا روز محشر کی توقع ہے عبث ایسی باتوں سے ہو خاطر شاد کیا گر بہائے خون عاشق ہے وصال انتقام زحمت جلاد کیا بت کدہ جنت ہے چلیے بے ہراس لب پہ مومنؔ ہرچہ بادا باد کیا

wada-e-waslat se dil ho shaad kya tum se dushman ki mubaarak baad kya kuchh qafas mein in dinon lagta hai ji aashiyaan apna hua barbaad kya naala-e-paiham se yaan fursat nahin hazrat naasih karen irshaad kya hain aseer us ke jo hai apna aseer hum na samjhe said kya sayyaad kya shokh baazaari thi shireen bhi magar warna farq khusrau o farhaad kya nasha-e-ulfat se bhoole yaar ko sach hai aisi be-khudi mein yaad kya naala ek dam mein uRa Daale dhuen charkh kya aur charkh ki bunyaad kya jab mujhe ranj-e-dil-aazaari na ho be-wafa phir haasil-e-bedaad kya paanon tak pahunchi wo zulf kham ba kham sarv ko ab baandhiye aazaad kya kya karoon allah sab hain be-asar valvala kya naala kya faryaad kya in naseebon par kya akhtar-shanaas aasmaan bhi hai sitam-eejaad kya roz-e-mahshar ki tavaqqo hai abas aisi baaton se ho khaatir shaad kya gar bahaa-e-khoon-e-aashiq hai visaal intiqaam zahmat-e-jallaad kya but-kada jannat hai chaliye be-haraas lab pe momin harchi baada baad kya

شب تم جو بزم غیر میں آنکھیں چرا گئے کھوئے گئے ہم ایسے کہ اغیار پا گئے پوچھا کسی پہ مرتے ہو اور دم نکل گیا ہم جان سے عناں بہ عنان صدا گئے پھیلی وہ بو جو ہم میں نہاں مثل غنچہ تھی جھونکے نسیم کے یہ نیا گل کھلا گئے اے آب اشک آتش عنصر ہے دیکھنا جی ہی گیا اگر نفس شعلہ زا گئے مجلس میں اس نے پان دیا اپنے ہاتھ سے اغیار سبز بخت تھے ہم زہر کھا گئے اٹھا نہ ضعف سے گل داغ جنوں کا بوجھ قاروں کی طرح ہم بھی زمیں میں سما گئے غیروں سے ہو وہ پردہ نشیں کیوں نہ بے حجاب دم ہائے بے اثر مرے پردہ اٹھا گئے تھی بد گمانی اب انہیں کیا عشق حور کی جو آ کے مرتے دم مجھے صورت دکھا گئے تابندہ و جوان تو بخت رقیب تھے ہم تیرہ روز کیوں غم ہجراں کو بھا گئے بیزار زندگانی کا جینا محال تھا وہ بھی ہماری نعش کو ٹھوکر لگا گئے واعظ کے ذکر مہر قیامت کو کیا کہوں عالم شب وصال کے آنکھوں میں چھا گئے جس وقت اس دیار سے اغیار بوالہوس بد خوئیوں سے یار کے ہو کر خفا گئے دنیا ہی سے گیا میں جوں ہی ناز سے کہا اب بھی گمان بد نہ گئے تیرے یا گئے اے مومنؔ آپ کب سے ہوئے بندۂ بتاں بارے ہمارے دین میں حضرت بھی آ گئے

shab tum jo bazm-e-ghair mein aankhen chura gaye khoye gaye hum aise ke aghyaar pa gaye poochha kisi pe marte ho aur dam nikal gaya hum jaan se inaan ba inaan sada gaye phaili wo boo jo hum mein nihaan misl-e-ghuncha thi jhonke naseem ke ye naya gul khila gaye ai aab-e-ashk aatish-unsur hai dekhna ji hi gaya agar nafas shola-za gaye majlis mein us ne paan diya apne hath se aghyaar sabz-bakht the hum zahar kha gaye uTha na zoaf se gul daagh-e-junoon ka bojh qaaroon ki tarah hum bhi zameen mein sama gaye ghairon se ho wo parda-nasheen kyon na be-hijaab dam-haaye be-asar mere parda uTha gaye thi bad-gumaani ab unhen kya ishq-e-hoor ki jo aa ke marte dam mujhe soorat dikha gaye taabinda o jawaan to bakht-e-raqib the hum teera-roz kyon gham-e-hijraan ko bha gaye bezaar zindagaani ka jeena mahaal tha wo bhi hamaari na'sh ko Thokar laga gaye waaiz ke zikr-e-mehr qayaamat ko kya kahoon aalam shab-e-visaal ke aankhon mein chha gaye jis waqt is dayaar se aghyaar bu-ul-havas bad-khuiyon se yaar ke ho kar khafa gaye duniya hi se gaya main joon hi naaz se kaha ab bhi gumaan bad na gaye tere ya gaye ai momin aap kab se huye banda-e-butaan baare hamaare deen mein hazrat bhi aa gaye

اعجاز جاں دہی ہے ہمارے کلام کو زندہ کیا ہے ہم نے مسیحا کے نام کو لکھو سلام غیر کے خط میں غلام کو بندے کا بس سلام ہے ایسے سلام کو اب شور ہے مثال جو دی اس خرام کو یوں کون جانتا تھا قیامت کے نام کو آتا ہے بہر قتل وہ دور اے ہجوم یاس گھبرا نہ جائے دیکھ کہیں ازدحام کو گو آپ نے جواب برا ہی دیا ولے مجھ سے بیاں نہ کیجے عدو کے پیام کو یاں وصل ہے تلافی ہجراں میں اے فلک کیوں سوچتا ہے تازہ ستم انتقام کو تیرے سمند ناز کی بے جا شرارتیں کرتے ہیں آگ نالۂ اندیشہ کام کو گریے پہ میرے زندہ دلو ہنستے کیا ہو آہ روتا ہوں اپنے میں دل جنت مقام کو سہ سہ کے نادرست تری خو بگاڑ دی ہم نے خراب آپ کیا اپنے کام کو اس سے جلا کے غیر کو امید پختگی لگ جائے آگ دل کے خیالات خام کو بخت سپید آئنہ داری کرے تو میں دکھلاؤں دل کے جور اس آئینہ فام کو جب تو چلے جنازۂ عاشق کے ساتھ ساتھ پھر کون وارثوں کے سنے اذن عام کو شاید کہ دن پھرے ہیں کسی تیرہ روز کے اب غیر اس گلی میں نہیں پھرتے شام کو مدت سے نام سنتے تھے مومنؔ کا بارے آج دیکھا بھی ہم نے اس شعرا کے امام کو

ejaz-e-jaan-dahi hai hamare kalam ko zinda kiya hai hum ne maseeha ke naam ko likho salaam ghair ke khat mein ghulaam ko bande ka bas salaam hai aise salaam ko ab shor hai misaal jo di is kharaam ko yoon kaun jaanta tha qayaamat ke naam ko aata hai bahr-e-qatl wo daur ai hujoom-e-yaas ghabra na jaaye dekh kahin izdiham ko go aap ne jawaab bura hi diya wale mujh se bayaan na kije adu ke payaam ko yaan wasl hai talaafi-e-hijraan mein ai falak kyon sochta hai taaza sitam intiqaam ko tere samand-e-naaz ki be-ja sharaaraten karte hain aag naala-e-andesha kaam ko giriye pe mere zinda dilo hanste kya ho aah rota hoon apne mein dil-e-jannat-maqaam ko sah sah ke na-durust teri khu bigaaR di hum ne kharaab aap kiya apne kaam ko us se jala ke ghair ko umeed-e-pukhtagi lag jaaye aag dil ke khayaalaat-e-khaam ko bakht sapeed aaina-daari kare to main dikhlaaon dil ke jaur is aaina-faam ko jab tu chale janaaza-e-aashiq ke saath saath phir kaun waarison ke sune izn-e-aam ko shaayad ke din phire hain kisi teera-roz ke ab ghair is gali mein nahin phirte shaam ko muddat se naam sunte the momin ka baare aaj dekha bhi hum ne is shu'ara ke imaam ko

دیکھ لو شوق نا تمام مرا غیر لے جائے ہے پیام مرا بے اثر ہے فغان خون آلود کیوں نہ ہوئے خراب کام مرا آتشیں خو سے آرزوئے وصال پک گیا اب خیال خام مرا دیکھنا کثرت بلا نوشی کاسۂ آسماں ہے جام مرا رتبہ افتادگی کا دیکھو ہے عرش کے بھی پرے مقام مرا کس صنم کو چھڑا دیا واعظ لے خدا تجھ سے انتقام مرا ہو کے یوسف جو دل چراتے ہو کون ہو جائے گا غلام مرا اس لب لعل کی شکایت ہے کیونکہ رنگیں نہ ہو کلام مرا تو نے رسوا کیا مجھے اب تک کوئی بھی جانتا تھا نام مرا زانوئے بت پہ جان دی دیکھا مومنؔ انجام و اختتام مرا بندگی کام آ رہی آخر میں نہ کہتا تھا کیوں سلام مرا

dekh lo shauq-e-na-tamam mera ghair le jaaye hai payaam mera be-asar hai faghaan-e-khoon-aalood kyon na huye kharaab kaam mera aatishin khu se aarzu-e-visaal pak gaya ab khayaal-e-khaam mera dekhna kasrat-e-bala-noshi kaasa-e-aasmaan hai jaam mera rutba uftaadagi ka dekho hai arsh ke bhi pare maqaam mera kis sanam ko chhuRa diya waaiz le khuda tujh se intiqaam mera ho ke yusuf jo dil churaate ho kaun ho jaaye ga ghulaam mera is lab-e-laal ki shikayat hai kyonke rangeen na ho kalaam mera tu ne ruswa kiya mujhe ab tak koi bhi jaanta tha naam mera zaanu-e-but pe jaan di dekha momin anjaam o ikhtitaam mera bandagi kaam aa rahi aakhir main na kehta tha kyon salaam mera

اس وسعت کلام سے جی تنگ آ گیا ناصح تو میری جان نہ لے دل گیا گیا ضد سے وہ پھر رقیب کے گھر میں چلا گیا اے رشک میری جان گئی تیرا کیا گیا یہ ضعف ہے تو دم سے بھی کب تک چلا گیا خود رفتگی کے صدمے سے مجھ کو غش آ گیا کیا پوچھتا ہے تلخی الفت میں پند کو ایسی تو لذتیں ہیں کہ تو جان کھا گیا کچھ آنکھ بند ہوتے ہی آنکھیں سی کھل گئیں جی اک بلائے جان تھا اچھا ہوا گیا آنکھیں جو ڈھونڈتی تھیں نگہ ہائے التفات گم ہونا دل کا وہ مری نظروں سے پا گیا بوئے سمن سے شاد تھے اغیار بے تمیز اس گل کو اعتبار نسیم و صبا گیا آہ سحر ہماری فلک سے پھری نہ ہو کیسی ہوا چلی یہ کہ جی سنسنا گیا آتی نہیں بلائے شب غم نگاہ میں کس مہروش کا جلوہ نظر میں سما گیا اے جذب دل نہ تھم کہ نہ ٹھہرا وہ شعلہ رو آیا تو گرم گرم ولیکن جلا گیا مجھ خانماں خراب کا لکھا کہ جان کر وہ نامہ غیر کا مرے گھر میں گرا گیا مہندی ملے گا پاؤں سے دشمن تو آن کر کیوں میرے تفتہ سینے کو ٹھوکر لگا گیا بوسہ صنم کی آنکھ کا لیتے ہی جان دی مومنؔ کو یاد کیا حجر الاسود آ گیا

is wusat-e-kalam se ji tang aa gaya naasih tu meri jaan na le dil gaya gaya zid se wo phir raqib ke ghar mein chala gaya ai rashk meri jaan gayi tera kya gaya ye zoaf hai to dam se bhi kab tak chala gaya khud-raftagi ke sadme se mujh ko ghash aa gaya kya poochhta hai talkhi-e-ulfat mein pand ko aisi to lazzaten hain ke tu jaan kha gaya kuchh aankh band hote hi aankhen si khul gayin ji ek balaa-e-jaan tha achha hua gaya aankhen jo DhoonDti thin nigah-haaye iltifaat gum hona dil ka wo meri nazron se pa gaya boo-e-saman se shaad the aghyaar be-tameez is gul ko aitbaar naseem o saba gaya aah-e-sahar hamaari falak se phiri na ho kaisi hawa chali ye ke ji sansana gaya aati nahin balaa-e-shab-e-gham nigaah mein kis mahroash ka jalwa nazar mein sama gaya ai jazb-e-dil na tham ke na Thehra wo shola-ru aaya to garam garam lekin jala gaya mujh khaanumaan-kharaab ka likha ke jaan kar wo naama ghair ka mere ghar mein gira gaya mehndi mile ga paaon se dushman to aan kar kyon mere tafta seene ko Thokar laga gaya bosa sanam ki aankh ka lete hi jaan di momin ko yaad kya hajar-e-aswad aa gaya

دیدۂ حیراں نے تماشا کیا دیر تلک وہ مجھے دیکھا کیا ضبط فغاں گو کہ اثر تھا کیا حوصلہ کیا کیا نہ کیا کیا کیا آنکھ نہ لگنے سے شب احباب نے آنکھ کے لگ جانے کا چرچا کیا مر گئے اس کے لب جاں بخش پر ہم نے علاج آپ ہی اپنا کیا بجھ گئی اک آہ میں شمع حیات مجھ کو دم سرد نے ٹھنڈا کیا غیر عیادت سے برا مانتے قتل کیا آن کے اچھا کیا ان سے پری وش کو نہ دیکھے کوئی مجھ کو مری شرم نے رسوا کیا زندگیٔ ہجر بھی اک موت تھی مرگ نے کیا کار مسیحا کیا پان میں یہ رنگ کہاں آپ نے آپ مرے خون کا دعویٰ کیا جور کا شکوہ نہ کروں ظلم ہے راز مرا صبر نے افشا کیا کچھ بھی بن آتی نہیں کیا کیجیے اس کے بگڑنے نے کچھ ایسا کیا جائے تھی تیری مرے دل میں سو ہے غیر سے کیوں شکوۂ بے جا کیا رحم فلک اور مرے حال پر تو نے کرم اے ستم آرا کیا سچ ہی سہی آپ کا پیماں ولے مرگ نے کب وعدۂ فردا کیا دعویٔ تکلیف سے جلاد نے روز جزا قتل پھر اپنا کیا مرگ نے ہجراں میں چھپایا ہے منہ لو منہ اسی پردہ نشیں کا کیا دشمن مومنؔ ہی رہے بت سدا مجھ سے مرے نام نے یہ کیا کیا

dida-e-hairan ne tamasha kiya der talak wo mujhe dekha kiya zabt-e-faghan go ke asar tha kya hausla kya kya na kya kya kya aankh na lagne se shab ahbaab ne aankh ke lag jaane ka charcha kya mar gaye us ke lab-e-jaan-bakhsh par hum ne ilaaj aap hi apna kiya bujh gayi ek aah mein shama-e-hayat mujh ko dam-e-sard ne Thanda kiya ghair iyaadat se bura maante qatl kiya aan ke achha kiya un se pari-vash ko na dekhe koi mujh ko meri sharm ne ruswa kiya zindagi-e-hijr bhi ek maut thi marg ne kya kaar-e-maseeha kiya paan mein ye rang kahan aap ne aap mere khoon ka dawa kiya jaur ka shikwa na karoon zulm hai raaz mera sabr ne afsha kiya kuchh bhi ban aati nahin kya kijiye us ke bigaRne ne kuchh aisa kiya jaaye thi teri mere dil mein so hai ghair se kyon shikwa-e-be-ja kiya rahm falak aur mere haal par tu ne karam ai sitam-aara kiya sach hi sahi aap ka paimaan wale marg ne kab wada-e-farda kiya dawa-e-takleef se jallad ne roz-e-jaza qatl phir apna kiya marg ne hijraan mein chhupaya hai munh lo munh isi parda-nasheen ka kya dushman momin hi rahe but sada mujh se mere naam ne ye kya kiya

آگ اشک گرم کو لگے جی کیا ہی جل گیا آنسو چو اس نے پونچھے شب اور ہاتھ پھل گیا پھوڑا تھا دل نہ تھا یہ موے پر خلل گیا جب ٹھیس سانس کی لگی دم ہی نکل گیا کیا روؤں خیرہ چشمی بخت سیاہ کو واں شغل سرمہ ہے ابھی یاں سیل ڈھل گیا کی مجھ کو ہاتھ ملنے کی تعلیم ورنہ کیوں غیروں کو آگے بزم میں وہ عطر مل گیا اس کوچے کی ہوا تھی کہ میری ہی آہ تھی کوئی تو دل کی آگ پہ پنکھا سا جھل گیا جوں خفتگان خاک ہے اپنی فتادگی آیا جو زلزلہ کبھی کروٹ بدل گیا اس نقش پا کے سجدے نے کیا کیا کیا ذلیل میں کوچۂ رقیب میں بھی سر کے بل گیا کچھ جی گرا پڑے تھا پر اب تو نے ناز سے مجھ کو گرا دیا تو مرا جی سنبھل گیا مل جائے گر یہ خاک میں اس نے وہاں کی خاک گل کی تھی کیوں کہ پاؤں وہ نازک پھسل گیا بت خانے سے نہ کعبے کو تکلیف دے مجھے مومنؔ بس اب معاف کہ یاں جی بہل گیا

aag ashk-e-garm ko lage ji kya hi jal gaya aansu chu us ne ponchhe shab aur hath phal gaya phoDa tha dil na tha ye mue par khalal gaya jab Thes sans ki lagi dam hi nikal gaya kya roun khira-chashmi-e-bakht-e-siyah ko wan shaghl-e-surma hai abhi yan sail Dhal gaya ki mujh ko hath malne ki talim warna kyun ghairon ko aage bazm mein wo itr mal gaya us kuche ki hawa thi ki meri hi aah thi koi to dil ki aag pe pankha sa jhal gaya jon khuftagan-e-khak hai apni fatadgi aaya jo zalzala kabhi karvaT badal gaya us naqsh-e-pa ke sajde ne kya kya kiya zaleel main kucha-e-raqib mein bhi sar ke bal gaya kuchh ji gira paDe tha par ab tu ne naz se mujh ko gira diya to mera ji sanbhal gaya mil jaaye gar ye khak mein us ne wahan ki khak gul ki thi kyun ki panw wo nazuk phisal gaya but-khane se na kabe ko taklif de mujhe momin bas ab muaf ki yan ji bahal gaya

میں اگر آپ سے جاؤں تو قرار آ جائے پر یہ ڈرتا ہوں کہ ایسا نہ ہو یار آ جائے باندھو اب چارہ گرو چلے کہ وہ بھی شاید وصل دشمن کے لیے سوئے مزار آ جائے کر ذرا اور بھی اے جوش جنوں جنوں خوار و ذلیل مجھ سے ایسا ہو کہ ناصح کو بھی عار آ جائے نام بدبختی عشاق خزاں ہے بلبل تو اگر نکلے چمن سے تو بہار آ جائے جیتے جی غیر کو ہو آتش دوزخ کا عذاب گر مری نعش پہ وہ شعلہ عذار آ جائے کلفت ہجر کو کیا روؤں ترے سامنے میں دل جو خالی ہو تو آنکھوں میں غبار آ جائے محو دل دار ہوں کس طرح نہ ہوں دشمن جاں مجھ پہ جب ناصح بیدرد کو پیار آ جائے ٹھہر جا جوش تپش ہے تو تڑپنا لیکن چارہ سازوں میں ذرا دم دل زار آ جائے حسن انجام کا مومنؔ مرے بارے ہے خیال یعنی کہتا ہے وہ کافر کہ تو مارا جائے

Main agar aap se jaaon to qaraar aa jaaye Par yeh darta hun ke aisa na ho yaar aa jaaye Baandho ab chara-garo chale ke woh bhi shaayad Wasl-e-dushman ke liye soo-e-mazaar aa jaaye Kar zara aur bhi ae josh-e-junoon junoon-khwaar-o-zaleel Mujh se aisa ho ke naasih ko bhi aar aa jaaye Naam bad-bakhti-e-ushshaaq khizaan hai bulbul Tu agar nikle chaman se to bahaar aa jaaye Jeete ji ghair ko ho aatish-e-dozakh ka azaab Gar meri naash pe woh shola-e-azaar aa jaaye Kulfat-e-hijar ko kya roun tere saamne main Dil jo khaali ho to aankhon mein ghubaar aa jaaye Mahw-e-dildaar hun kis tarah na hun dushman-e-jaan Mujh pe jab naasih-e-be-dard ko pyaar aa jaaye Thaher ja josh tapish hai to tarapna lekin Chaara-saazon mein zara dam-e-dil-e-zaar aa jaaye Husn-e-anjaam ka Momin mere baare hai khayaal Yaani kehta hai woh kaafir ke tu maara jaaye

جلتا ہوں ہجر شاہد و یاد شراب میں شوق ثواب نے مجھے ڈالا عذاب میں کہتے ہیں تم کو ہوش نہیں اضطراب میں سارے گلے تمام ہوئے اک جواب میں پھیلی شمیم یار مرے اشک سرخ سے دل کو غضب فشار ہوا پیچ و تاب میں چین جبیں کو دیکھ کے دل بستہ تر ہوا کیسی کشود کار کشاد نقاب میں ہم کچھ تو بد تھے جب نہ کیا یار نے پسند اے حسرت اس قدر غلطی انتخاب میں رہتے ہیں جمع کوچۂ جاناں میں خاص و عام آباد ایک گھر ہے جہان خراب میں آنکھ اس کی پھر گئی تھی دل اپنا بھی پھر گیا یہ اور انقلاب ہوا انقلاب میں بد نام میرے گریۂ رسوا سے ہو چکے اب عذر کیا رہا نگہ بے حجاب میں مطلب کی جستجو نے یہ کیا حال کر دیا حسرت بھی اب نہیں دل ناکامیاب میں گویا کہ رو رہا ہوں رقیبوں کی جان کو آتش زبانہ زن ہوئی طوفان آب میں ناکامیوں سے کام رہا عمر بھر ہمیں پیری میں یاس ہے جو ہوس تھی شباب میں ہے اختیار یار میں سود و زیاں مگر فاضل تھے ہم جہاں سے قضا کے حساب میں ناصح ہے عیب جو و دل آزار اس قدر گویا ثواب ہے سخن ناصواب میں دونوں کا ایک حال ہے یہ مدعا ہو کاش وہ ہی خط اس نے بھیج دیا کیوں جواب میں تقدیر بھی بری مری تقریر بھی بری بگڑے وہ پرسش سبب اجتناب میں کیا جلوے یاد آئے کہ اپنی خبر نہیں بے بادہ مست ہوں میں شب ماہتاب میں ہے منتوں کا وقت شکایت رہی رہی آئے تو ہیں منانے کو وہ پر عتاب میں تیری جفا نہ ہو تو ہے سب دشمنوں سے امن بدمست غیر محو دل اور بخت خواب میں پیہم سجود پائے صنم پر دم وداع مومنؔ خدا کو بھول گئے اضطراب میں

Jalta hun hijar-e-shaahid-o-yaad-e-sharaab mein Shauq-e-sawaab ne mujhe daala azaab mein Kehte hain tum ko hosh nahin iztiraab mein Saare gile tamaam hue ik jawaab mein Phaili shameem-e-yaar mere ashk-e-surkh se Dil ko ghazab fishaar hua pech-o-taab mein Chain-e-jabeen ko dekh ke dil-basta tar hua Kaisi kushood-e-kaar kushaad-e-niqaab mein Hum kuch to bad the jab na kiya yaar ne pasand Ae hasrat is qadar ghalati-e-intikhab mein Rehte hain jama koocha-e-jaanaan mein khaas-o-aam Aabaad ek ghar hai jahaan-e-kharaab mein Aankh us ki phir gayi thi dil apna bhi phir gaya Yeh aur inqilaab hua inqilaab mein Bad-naam mere girya-e-ruswa se ho chuke Ab uzr kya raha nigaah-e-be-hijaab mein Matlab ki justajoo ne yeh kya haal kar diya Hasrat bhi ab nahin dil-e-naakaamiyaab mein Goya ke ro raha hun raqeebon ki jaan ko Aatish-e-zabaana-zan hui toofaan-e-aab mein Nakamiyon se kaam raha umr bhar hamein Peeri mein yaas hai jo hawas thi shabaab mein Hai ikhtiyaar-e-yaar mein sood-o-zyaan magar Faazil the hum jahaan se qaza ke hisaab mein Naasih hai aib-jo-o-dil-aazaar is qadar Goya sawaab hai sukhan-e-naasawaab mein Donon ka ek haal hai yeh mudda ho kaash Woh hi khat us ne bhej diya kyun jawaab mein Taqdeer bhi buri meri taqreer bhi buri Bigre woh pursish-e-sabab-e-ijtinaab mein Kya jalwe yaad aaye ke apni khabar nahin Be-baada mast hun main shab-e-maahtaab mein Hai manaton ka waqt shikaayat rahi rahi Aaye to hain manaane ko woh par itaab mein Teri jafa na ho to hai sab dushmanon se amn Badmast ghair mahw-e-dil aur bakht-e-khwaab mein Paiham sujood-e-paa-e-sanam par dam-e-wadaa Momin Khuda ko bhool gaye iztiraab mein

گر غیر کے گھر سے نہ دل آرام نکلتا دم کاہے کو یوں اے دل ناکام نکلتا میں وہم سے مرتا ہوں وہاں رعب سے اس کے قاصد کی زباں سے نہیں پیغام نکلتا کرتے جو مجھے یاد شب وصل عدو تم کیا صبح کہ خورشید نہ تا شام نکلتا جب جانتے تاثیر کہ دشمن بھی وہاں سے اپنی طرح اے گردش ایام نکلتا ہر ایک سے اس بزم میں شب پوچھتے تھے نام تھا لطف جو کوئی مرا ہم نام نکلتا کیوں کام طلب ہے مرے آزار سے گردوں ناکام سے دیکھا ہے کہیں کام نکلتا تھی نوحہ زنی دل کے جنازے پہ ضروری شاید کہ وہ گھبرا کے سر بام نکلتا کانٹا سا کھٹکتا ہے کلیجے میں غم ہجر یہ خار نہیں دل سے گل اندام نکلتا حوریں نہیں مومنؔ کے نصیبوں میں جو ہوتیں بت خانے ہی سے کیوں یہ بد انجام نکلتا

Gar ghair ke ghar se na dil-aaraam nikalta Dam kaahe ko yun ae dil-e-naakaam nikalta Main wahm se marta hun wahan raab se us ke Qaasid ki zabaan se nahin paighaam nikalta Karte jo mujhe yaad shab-e-wasl adu tum Kya subah ke khursheed na ta shaam nikalta Jab jaante taaseer ke dushman bhi wahan se Apni tarah ae gardish-e-ayyaam nikalta Har ek se is bazm mein shab poochhte the naam Tha lutf jo koi mera hamnaam nikalta Kyun kaam-talab hai mere aazaar se gardoon Naakaam se dekha hai kahin kaam nikalta Thi noha-zani-e-dil ke janaaze pe zaroori Shaayad ke woh ghabra ke sar-e-baam nikalta Kaanta sa khatkta hai kaleje mein gham-e-hijar Yeh khaar nahin dil se gul-andaam nikalta Hooriyan nahin Momin ke naseeboon mein jo hotein But-khaane hi se kyun yeh bad-anjaam nikalta

چل پرے ہٹ مجھے نہ دکھلا منہ اے شب ہجر تیرا کالا منہ آرزوئے نظارہ تھی تو نے اتنی ہی بات پر چھپایا منہ دشمنوں سے بگڑ گئی تو بھی دیکھتے ہی مجھے بنایا منہ بات پوری بھی منہ سے نکلی نہیں آپ نے گالیوں پہ کھولا منہ ہو گیا راز عشق بے پردہ اس نے پردے سے جو نکالا منہ شب غم کا بیان کیا کیجئے ہے بڑی بات اور چھوٹا منہ جب کہا یار سے دکھا صورت ہنس کے بولا کہ دیکھو اپنا منہ کس کو خون جگر پلائے گا ساغر مے کو کیوں لگایا منہ پھر گئی آنکھ مثل قبلہ نما جس طرف اس صنم نے پھیرا منہ گھر میں بیٹھے تھے کچھ اداس سے وہ بولے بس دیکھتے ہی میرا منہ ہم بھی غمگین سے ہیں آج کہیں صبح اٹھے تھے دیکھ تیرا منہ سنگ اسود نہیں ہے چشم بتاں بوسہ مومنؔ طلب کرے کیا منہ

Chal pare hat mujhe na dikhla munh Ae shab-e-hijar tera kaala munh Aarzoo-e-nazaara thi to ne Itni hi baat par chhupaya munh Dushmanon se bigar gayi to bhi Dekhte hi mujhe banaya munh Baat poori bhi munh se nikli nahin Aap ne gaaliyon pe khola munh Ho gaya raaz-e-ishq be-parda Us ne parde se jo nikaala munh Shab-e-gham ka bayaan kya kijiye Hai bari baat aur chhota munh Jab kaha yaar se dikha soorat Hans ke bola ke dekho apna munh Kis ko khoon-e-jigar pilaaye ga Saaghar-e-mai ko kyun lagaya munh Phir gayi aankh misl-e-qibla-numa Jis taraf is sanam ne phera munh Ghar mein baithe the kuch udaas se woh Bole bas dekhte hi mera munh Hum bhi ghamgeen se hain aaj kahin Subah uthe the dekh tera munh Sang-e-aswad nahin hai chashm-e-butaan Bosa Momin talab kare kya munh

دل میں اس شوخ کے جو راہ نہ کی ہم نے بھی جان دی پر آہ نہ کی پردہ پوشی ضرور تھی اے چرخ کیوں شب بوالہوس سیاہ نہ کی تشنہ لب ایسے ہم گرے مے پر کہ کبھی سیر عید گاہ نہ کی اس کو دشمن سے کیا بچائے وہ چرخ جس نے تدبیر خسف ماہ نہ کی کون ایسا کہ اس سے پوچھے کیوں پرسش حال داد خواہ نہ کی تھا بہت شوق وصل تو نے تو کمی اے حسن تاب گاہ نہ کی عشق میں کام کچھ نہیں آتا گر نہ کی حرص و مال و جاہ نہ کی تاب کم ظرف کو کہاں تم نے دشمنی کی عدو سے چاہ نہ کی میں بھی کچھ خوش نہیں وفا کر کے تم نے اچھا کیا نباہ نہ کی محتسب یہ ستم غریبوں پر کبھی تنبیہ بادشاہ نہ کی گریہ و آہ بے اثر دونوں کس نے کشتی مری تباہ نہ کی تھا مقدر میں اس سے کم ملنا کیوں ملاقات گاہ گاہ نہ کی دیکھ دشمن کو اٹھ گیا بے دید میرے احوال پر نگاہ نہ کی مومنؔ اس ذہن بے خطا پر حیف فکر آمرزش گناہ نہ کی

Dil mein us shokh ke jo raah na ki Hum ne bhi jaan di par aah na ki Parda-poshi zaroor thi ae charkh Kyun shab-e-bol-hawas siyaah na ki Tashna-lab aise hum gire mai par Ke kabhi sair-e-eid-gaah na ki Us ko dushman se kya bachaye woh charkh Jis ne tadabeer-e-khusoof-e-maah na ki Kaun aisa ke us se puchhe kyun Pursish-e-haal-e-daad-khwaah na ki Tha bahut shauq-e-wasl tu ne to Kami ae husn taab-gaah na ki Ishq mein kaam kuch nahin aata Gar na ki hirs-o-maal-o-jaah na ki Taab-e-kam-zarf ko kahan tum ne Dushmani ki adu se chaah na ki Main bhi kuch khush nahin wafa kar ke Tum ne achha kiya nibaah na ki Muhtasib yeh sitam gharebon par Kabhi tanbeeh-e-baadshaah na ki Girya-o-aah be-asar donon Kis ne kashti meri tabaah na ki Tha muqaddar mein us se kam milna Kyun mulaaqaat gaah gaah na ki Dekh dushman ko uth gaya be-deed Mere ahwaal par nigaah na ki Momin is zehn-e-be-khata par haif Fikr-e-aamorzish-e-gunaah na ki

غصہ بیگانہ وار ہونا تھا بس یہی تجھ سے یار ہونا تھا کیا شب انتظار ہونا تھا ناحق امیدوار ہونا تھا کیوں نہ ہوتے عزیز غیر تمہیں میری قسمت میں خوار ہونا تھا مجھ سے جنت میں وہ صنم نہ ملا حشر اور ایک بار ہونا تھا گر نہ تھی اے دل اس کے رنج کی تعب کیوں شکایت گزار ہونا تھا خاک ہوتا نہ میں تو کیا کرتا اس کے در کا غبار ہونا تھا ہرزہ گردی سے ہم ذلیل ہوئے چرخ کا اعتبار ہونا تھا مرگ شام وصال حرماں ہے صبح دم جاں نثار ہونا تھا اور سے ہمکنار ہے دشمن آج تو ہمکنار ہونا تھا شکوۂ دہر پر کہا تم کو آفت روزگار ہونا تھا چشم بے اختیار جاناں میں کیا مرا اختیار ہونا تھا صبر کر صبر ہو چکا جو کچھ اے دل بے قرار ہونا تھا کوئے دشمن میں جا پکڑتا کیوں کیا مجھے شرمسار ہونا تھا وہ نمک پاش بھی نہیں ہوتے یوں ہی دل کو فگار ہونا تھا خاک میں حیف یہ شراب ملے محتسب بادہ خوار ہونا تھا نہ گیا تیر نالہ سوئے رقیب مرغ عرشی شکار ہونا تھا رات دن بادہ و صنم مومنؔ کچھ تو پرہیزگار ہونا تھا

Gussa begaana-waar hona tha Bas yahi tujh se yaar hona tha Kya shab-e-intizaar hona tha Naahaq umeedwaar hona tha Kyun na hote azeez ghair tumhein Meri qismat mein khwaar hona tha Mujh se jannat mein woh sanam na mila Hashr aur ek baar hona tha Gar na thi ae dil us ke ranj ki taab Kyun shikaayat-guzaar hona tha Khaak hota na main to kya karta Us ke dar ka ghubaar hona tha Harza-gardi se hum zaleel hue Charkh ka aitbaar hona tha Marg-e-shaam-e-wasl harmaan hai Subah-dam jaan-nisaar hona tha Aur se hamkinaar hai dushman Aaj to hamkinaar hona tha Shikwa-e-dahr par kaha tum ko Aafat-e-rozgaar hona tha Chashm-e-be-ikhtiyaar jaanaan mein Kya mera ikhtiyaar hona tha Sabr kar sabr ho chuka jo kuch Ae dil-e-be-qaraar hona tha Koo-e-dushman mein ja pakarta kyun Kya mujhe sharmisaar hona tha Woh namak-paash bhi nahin hote Yun hi dil ko figaar hona tha Khaak mein haif yeh sharaab mile Muhtasib baada-khwaar hona tha Na gaya teer naala soo-e-raqeeb Murgh-e-arshi shikaar hona tha Raat din baada-o-sanam Momin Kuch to parhezgaar hona tha

اے آرزوئے قتل ذرا دل کو تھامنا مشکل پڑا مرا مرے قاتل کو تھامنا تاثیر بیقراری ناکام آفریں ہے کام ان سے شوخ شمائل کو تھامنا دیکھے ہے چاندنی وہ زمیں پر نہ گر پڑے اے چرخ اپنے تو مہ کامل کو تھامنا مضطر ہوں کس کا طرز سخن سے سمجھ گیا اب ذکر کیا ہے سامع عاقل کو تھامنا ہو صرصر فغاں سے نہ کیونکر وہ مضطرب مشکل ہوا ہے پردۂ محمل کو تھامنا سیکھے ہیں مجھ سے نالۂ نے آسماں شکن صیاد اب قفس میں عنادل کو تھامنا یہ زلف خم بہ خم نہ ہو کیا تاب غیر ہے تیرے جنوں زدے کی سلاسل کو تھامنا اے ہمدم آہ تلخی ہجراں سے دم نہیں گرتا ہے دیکھ جام ہلاہل کو تھامنا سیماب وار مر گئے ضبط قلق سے ہم کیا قہر ہے طبیعت مائل کو تھامنا آغوش گور ہو گئی آخر لہولہان آساں نہیں ہے آپ کے بسمل کو تھامنا سینہ پہ ہاتھ دھرتے ہی کچھ دم پہ بن گئی لو جان کا عذاب ہوا دل کو تھامنا باقی ہے شوق چاک گریباں ابھی مجھے بس اے رفوگر اپنی انامل کو تھامنا مت مانگیو امان بتوں سے کہ ہے حرام مومنؔ زبان بیہودہ سائل کو تھامنا

Ae aarzoo-e-qatl zara dil ko thaamnaa Mushkil para mera mere qaatil ko thaamnaa Taaseer-e-beqaraari naakaam-afareen Hai kaam un se shokh-e-shamaa'il ko thaamnaa Dekhe hai chaandni woh zameen par na gir pare Ae charkh apne tu mah-e-kaamil ko thaamnaa Muztar hun kis ka tarz-e-sukhan se samajh gaya Ab zikr kya hai saami-e-aaqil ko thaamnaa Ho sarsar-e-fughaan se na kyunkar woh muzatarib Mushkil hua hai parda-e-mahmil ko thaamnaa Seekhe hain mujh se naala-e-ney aasmaan-shikan Sayyaad ab qafas mein anaadil ko thaamnaa Yeh zulf-e-kham-ba-kham na ho kya taab-e-ghair hai Tere junoon-zada ki salaasil ko thaamnaa Ae hamdam aah talkhi-e-hijraan se dam nahin Girta hai dekh jaam-e-halaahil ko thaamnaa Seemaab-waar mar gaye zabt-e-qalaq se hum Kya qahr hai tabiyat-e-maa'il ko thaamnaa Aaghosh-e-goor ho gayi aakhir lahoo-lahaan Aasaan nahin hai aap ke bismil ko thaamnaa Seena pe haath dharte hi kuch dam pe ban gayi Lo jaan ka azaab hua dil ko thaamnaa Baaqi hai shauq-e-chaak-e-garebaan abhi mujhe Bas ae rafoogar apni anaamil ko thaamnaa Mat maangiyo amaan buton se ke hai haraam Momin zabaan-e-behooda-e-saa'il ko thaamnaa

صبر وحشت اثر نہ ہو جائے کہیں صحرا بھی گھر نہ ہو جائے رشک پیغام ہے عناں کش دل نامہ بر راہبر نہ ہو جائے دیکھو مت دیکھیو کہ آئینہ غش تمہیں دیکھ کر نہ ہو جائے ہجر پردہ نشیں میں مرتے ہیں زندگی پردۂ در نہ ہو جائے کثرت سجدہ سے وہ نقش قدم کہیں پامال سر نہ ہو جائے میرے تغییر رنگ کو مت دیکھ تجھ کو اپنی نظر نہ ہو جائے میرے آنسو نہ پونچھنا دیکھو کہیں دامان تر نہ ہو جائے بات ناصح سے کرتے ڈرتا ہوں کہ فغاں بے اثر نہ ہو جائے اے قیامت نہ آئیو جب تک وہ مری گور پر نہ ہو جائے مانع ظلم ہے تغافل یار بخت بد کو خبر نہ ہو جائے غیر سے بے حجاب ملتے ہو شب عاشق سحر نہ ہو جائے رشک دشمن کا فائدہ معلوم مفت جی کا ضرر نہ ہو جائے اے دل آہستہ آہ تاب شکن دیکھ ٹکڑے جگر نہ ہو جائے مومنؔ ایماں قبول دل سے مجھے وہ بت آزردہ گر نہ ہو جائے

Sabr wehshat asar na ho jaaye Kahin sahra bhi ghar na ho jaaye Rashk-e-paighaam hai inaan-kash-e-dil Naama-bar raah-bar na ho jaaye Dekho mat dekhiyo ke aaina Ghash tumhein dekh kar na ho jaaye Hijar parda-nasheen mein marte hain Zindagi parda-e-dar na ho jaaye Kasrat-e-sajda se woh naqsh-e-qadam Kahin paamal-e-sar na ho jaaye Mere taghyeer-e-rang ko mat dekh Tujh ko apni nazar na ho jaaye Mere aansu na ponchhna dekho Kahin daaman-e-tar na ho jaaye Baat naasih se karte darta hun Ke fughaan be-asar na ho jaaye Ae qayamat na aaiyo jab tak Woh meri goor par na ho jaaye Maani-e-zulm hai taghaaful-e-yaar Bakht-e-bad ko khabar na ho jaaye Ghair se be-hijaab milte ho Shab aashiq sehar na ho jaaye Rashk-e-dushman ka faayida maaloom Muft ji ka zarar na ho jaaye Ae dil aahistah aah taab-shikan Dekh tukre-e-jigar na ho jaaye Momin eemaan qabool dil se mujhe Woh but aazurda gar na ho jaaye

ہے دل میں غبار اس کے گھر اپنا نہ کریں گے ہم خاک میں ملنے کی تمنا نہ کریں گے کیونکر یہ کہیں منت اعدا نہ کریں گے کیا کیا نہ کیا عشق میں کیا کیا نہ کریں گے ہنس ہنس کے وہ مجھ سے ہی مرے قتل کی باتیں اس طرح سے کرتے ہیں کہ گویا نہ کریں گے کیا نامے میں لکھوں دل وابستہ کا احوال معلوم ہے پہلے ہی کہ وہ وا نہ کریں گے غیروں سے شکر لب سخن تلخ بھی تیرا ہر چند ہلاہل ہو گوارا نہ کریں گے بیمار اجل چارہ کو گر حضرت عیسیٰ اچھا بھی کریں گے تو کچھ اچھا نہ کریں گے جھنجھلاتے ہو کیا دیجیے اک بوسہ دہن کا ہو جائیں گے لب بند تو غوغا نہ کریں گے دیوار کے گر پڑتے ہی اٹھنے لگے طوفاں اب بیٹھ کے کونے میں بھی رویا نہ کریں گے گر سامنے اس کے بھی گرے اشک تو دل سے کیوں روز جزا خون کا دعوا نہ کریں گے کس وقت کیا مردمک چشم کا شکوہ اے پردہ نشیں ہم تجھے رسوا نہ کریں گے ناصح کف افسوس نہ مل چل تجھے کیا کام پامال کریں گے وہ مجھے یا نہ کریں گے اس کو میں ٹھہرنے نہ دیا جوش قلق نے اغیار سے ہم شکوۂ بے جا نہ کریں گے گر ذکر وفا سے یہی غصہ ہے تو اب سے گو قتل کا وعدہ ہو تقاضا نہ کریں گے مومنؔ وہ غزل کہتے ہیں اب جس سے یہ مضمون کھل جائے کہ ترک در بت خانہ کریں گے

Hai dil mein ghubaar is ke ghar apna na karein ge Hum khaak mein milne ki tamanna na karein ge Kyunkar yeh kahen minnat-e-aada na karein ge Kya kya na kiya ishq mein kya kya na karein ge Hans hans ke woh mujh se hi mere qatl ki baatein Is tarah se karte hain ke goya na karein ge Kya naame mein likhun dil-e-waabasta ka ahwaal Maaloom hai pehle hi ke woh wa na karein ge Ghairon se shakar-lab sukhan talkh bhi tera Har chand halaahil ho gawara na karein ge Beemaar-e-ajal chaara ko gar Hazrat-e-Eesa Achha bhi karein ge to kuch achha na karein ge Jhanjhlaate ho kya dijiye ik bosa-e-dahan ka Ho jaayen ge lab band to ghogha na karein ge Deewaar ke gir parte hi uthne lage toofaan Ab baith ke kone mein bhi roya na karein ge Gar saamne us ke bhi gire ashk to dil se Kyun roz-e-jaza khoon ka dawa na karein ge Kis waqt kiya mardumak-e-chashm ka shikwa Ae parda-nasheen hum tujhe ruswa na karein ge Naasih kaf-e-afsos na mil chal tujhe kya kaam Paamal karein ge woh mujhe ya na karein ge Us ko main theharne na diya josh-e-qalaq ne Aghyaar se hum shikwa-e-be-ja na karein ge Gar zikr-e-wafa se yahi gussa hai to ab se Go qatl ka waada ho taqaaza na karein ge Momin woh ghazal kehte hain ab jis se yeh mazmoon Khul jaaye ke tark-e-dar-e-but-khana karein ge

یہ عذر امتحان جذب دل کیسا نکل آیا میں الزام اس کو دیتا تھا قصور اپنا نکل آیا نہ شادی مرگ ہوں کیوں کر ہے مژدہ قتل دشمن کا کہ گھر میں سے لیے شمشیر وہ روتا نکل آیا ستم اے گرمی ضبط فغان و آہ چھاتی پر کبھو بس پڑ گیا چھالا کبھو پھوڑا نکل آیا کیا زنجیر مجھ کو چارہ گر نے کن دنوں میں جب عدو کی قید سے وہ شوخ بے پروا نکل آیا نکل آیا اگر آنسو تو ظالم مت نکال آنکھیں سنا معذور ہے مضطر نکل آیا نکل آیا ہمارے خوں بہا کا غیر سے دعویٰ ہے قاتل کو یہ بعد انفصال اب اور ہی جھگڑا نکل آیا ہوئی بلبل ثنا خوان دہان تنگ کس گل کی کہ فروردی میں غنچہ کا منہ اتنا سا نکل آیا کوئی تیر اس کا دل میں رہ گیا تھا کیا کہ آنکھوں سے ابھی رونے میں اک پیکان کا ٹکڑا نکل آیا دم بسمل یہ کس کے خوف سے ہم پی گئے آنسو کہ ہر زخم بدن سے خون کا دریا نکل آیا خدنگ یار کے ہم راہ نکلی جان سینے سے یہی ارمان اک مدت سے جی میں تھا نکل آیا بہت نازاں ہے تو اے قیس پر وحشت دکھاؤں گا کتابوں میں کبھو قصہ جو مومنؔ کا نکل آیا

Yeh uzr-e-imtihaan-e-jazb-e-dil kaisa nikal aaya Main ilzaam us ko deta tha qasoor apna nikal aaya Na shaadi-e-marg hun kyun kar hai muzhda-e-qatl-e-dushman ka Ke ghar mein se liye shamsheer woh rota nikal aaya Sitam ae garmi-e-zabt-e-fughaan-o-aah chhaati par Kabhu bas par gaya chhala kabhu phora nikal aaya Kiya zanjeer mujh ko chara-gar ne kin dinon mein jab Adu ki qaid se woh shokh be-parwa nikal aaya Nikal aaya agar aansu to zaalim mat nikaal aankhen Suna mazoor hai muztar nikal aaya nikal aaya Hamaare khoon-baha ka ghair se dawa hai qaatil ko Yeh baad-e-infisaal ab aur hi jhagra nikal aaya Hui bulbul-e-sana-khwaan dahan-e-tang kis gul ki Ke farwardi mein ghuncha ka munh itna sa nikal aaya Koi teer us ka dil mein reh gaya tha kya ke aankhon se Abhi rone mein ik paikaan ka tukra nikal aaya Dam-e-bismil yeh kis ke khauf se hum pi gaye aansu Ke har zakhm-e-badan se khoon ka darya nikal aaya Khadang-e-yaar ke hamraah nikli jaan seene se Yahi armaan ik muddat se ji mein tha nikal aaya Bahut naazan hai tu ae Qais par wehshat dikhaaon ga Kitaabon mein kabhu qissa jo Momin ka nikal aaya

ہم سمجھتے ہیں آزمانے کو عذر کچھ چاہیئے ستانے کو سنگ در سے ترے نکالی آگ ہم نے دشمن کا گھر جلانے کو صبح عشرت ہے وہ نہ شام وصال ہائے کیا ہو گیا زمانے کو بوالہوس روئے میرے گریہ پہ اب منہ کہاں تیرے مسکرانے کو برق کا آسمان پر ہے دماغ پھونک کر میرے آشیانے کو سنگ سودا جنوں میں لیتے ہیں اپنا ہم مقبرہ بنانے کو شکوہ ہے غیر کی کدورت کا سو مرے خاک میں ملانے کو روز محشر بھی ہوش گر آیا جائیں گے ہم شراب خانے کو سن کے وصف اس پہ مر گیا ہمدم خوب آیا تھا غم اٹھانے کو کوئی دن ہم جہاں میں بیٹھے ہیں آسماں کے ستم اٹھانے کو چل کے کعبہ میں سجدہ کر مومنؔ چھوڑ اس بت کے آستانے کو نقش پائے رقیب کی محراب نہیں زیبندہ سر جھکانے کو

Hum samajhte hain azmaane ko Uzr kuch chahiye sataane ko Sang-e-dar se tere nikaali aag Hum ne dushman ka ghar jalaane ko Subh-e-ishrat hai woh na shaam-e-wasl Haaye kya ho gaya zamaane ko Bol-hawas roye mere girya pe ab Munh kahan tere muskuraane ko Barq ka aasmaan par hai dimaagh Phoonk kar mere aashiyaane ko Sang-e-sauda junoon mein lete hain Apna hum maqbara banaane ko Shikwa hai ghair ki kudoorat ka So mere khaak mein milaane ko Roz-e-mahshar bhi hosh gar aaya Jaayen ge hum sharaab-khaane ko Sun ke wasf us pe mar gaya hamdam Khoob aaya tha gham uthaane ko Koi din hum jahaan mein baithe hain Aasmaan ke sitam uthaane ko Chal ke Kaaba mein sajda kar Momin Chhor is but ke aastaane ko Naqsh-e-paa-e-raqeeb ki mehraab Nahin zebaanda sar jhukaane ko

الٹے وہ شکوے کرتے ہیں اور کس ادا کے ساتھ بے طاقتی کے طعنے ہیں عذر جفا کے ساتھ بہر عیادت آئے وہ لیکن قضا کے ساتھ دم ہی نکل گیا مرا آواز پا کے ساتھ بے پردہ غیر پاس اسے بیٹھا نہ دیکھتے اٹھ جاتے کاش ہم بھی جہاں سے حیا کے ساتھ وہ لالہ رو گیا نہ ہو گلگشت باغ کو کچھ رنگ بوئے گل کے عوض ہے صبا کے ساتھ اس کی گلی کہاں یہ تو کچھ باغ خلد ہے کس جاے مجھ کو چھوڑ گئی موت لا کے ساتھ آتی ہے بوئے داغ شب تار ہجر میں سینہ بھی چاک ہو نہ گیا ہو قبا کے ساتھ گلبانگ کس کا مشورۂ قتل ہو گیا کچھ آج بوئے خوں ہے وہاں کی ہوا کے ساتھ تھے وعدے سے پھر آنے کے خوش یہ خبر نہ تھی ہے اپنی زندگانی اسی بے وفا کے ساتھ کوچہ سے اپنے غیر کا منہ ہے مٹا سکے عاشق کا سر لگا ہے ترے نقش پا کے ساتھ اللہ رے گمرہی بت و بت خانہ چھوڑ کر مومنؔ چلا ہے کعبے کو اک پارسا کے ساتھ

Ulte woh shikwe karte hain aur kis ada ke saath Be-taaqati ke taane hain uzr-e-jafa ke saath Behr-e-iyaadat aaye woh lekin qaza ke saath Dam hi nikal gaya mera aawaz-e-pa ke saath Be-parda ghair paas use baitha na dekhte Uth jaate kaash hum bhi jahaan se haya ke saath Woh laala-ru gaya na ho gulgasht-e-baagh ko Kuch rang-o-boo-e-gul ke iwaz hai saba ke saath Is ki gali kahan yeh to kuch baagh-e-khuld hai Kis jaaye mujh ko chhor gayi maut la ke saath Aati hai boo-e-daagh shab-e-taar hijar mein Seena bhi chaak ho na gaya ho qaba ke saath Gulbaang kis ka mashwara-e-qatl ho gaya Kuch aaj boo-e-khoon hai wahan ki hawa ke saath The waade se phir aane ke khush yeh khabar na thi Hai apni zindagaani isi be-wafa ke saath Kucha se apne ghair ka munh hai mita sake Aashiq ka sar laga hai tere naqsh-e-pa ke saath Allah ri gumrahi but-o-but-khana chhor kar Momin chala hai Kaabe ko ik parsa ke saath

تھی وصل میں بھی فکر جدائی تمام شب وہ آئے تو بھی نیند نہ آئی تمام شب واں طعنہ تیر یار یہاں شکوہ زخم ریز باہم تھی کس مزے کی لڑائی تمام شب رنگیں ہیں خون سر سے وہ ہاتھ آج کل رہے جس ہاتھ میں وہ دست حنائی تمام شب تالو سے یاں زبان سحر تک نہیں لگی تھا کس کو شغل نغمہ سرائی تمام شب یک بار دیکھتے ہی مجھے غش جو آ گیا بھولے تھے وہ بھی ہوش ربائی تمام شب مر جاتے کیوں نہ صبح کے ہوتے ہی ہجر میں تکلیف کیسی کیسی اٹھائی تمام شب گرم جواب شکوۂ جور عدو رہا اس شعلہ خو نے جان جلائی تمام شب کہتا ہے مہروش تمہیں کیوں غیر گر نہیں دن بھر ہمیشہ وصل جدائی تمام شب دھر پاؤں آستاں پہ کہ اس آرزو میں آہ کی ہے کسی نے ناصیہ سائی تمام شب مومنؔ میں اپنے نالوں کے صدقے کہ کہتے ہیں ان کو بھی آج نیند نہ آئی تمام شب

Thi wasl mein bhi fikr-e-judai tamam shab Woh aaye to bhi neend na aayi tamam shab Waan taana-e-teer-e-yaar yahan shikwa-e-zakhm-rez Bahim thi kis maze ki larai tamam shab Rangeen hain khoon-e-sar se woh haath aaj kal rahe Jis haath mein woh dast-e-hanai tamam shab Taalu se yaan zabaan sehar tak nahin lagi Tha kis ko shughl-e-naghma-sarai tamam shab Yak baar dekhte hi mujhe ghash jo aa gaya Bhoole the woh bhi hosh-rubai tamam shab Mar jaate kyun na subah ke hote hi hijar mein Takleef kaisi kaisi uthaai tamam shab Garm jawaab-e-shikwa-e-jor-e-adu raha Is shola-khu ne jaan jalai tamam shab Kehta hai mehr-wesh tumhein kyun ghair gar nahin Din bhar hamesha wasl-judai tamam shab Dhar paaon aastaan pe ke is aarzu mein aah Ki hai kisi ne naasiya-saai tamam shab Momin main apne naalon ke sadqe ke kehte hain Un ko bhi aaj neend na aayi tamam shab

اگر غفلت سے باز آیا جفا کی تلافی کی بھی ظالم نے تو کیا کی مرے آغاز الفت میں ہم افسوس اسے بھی رہ گئی حسرت جفا کی کبھی انصاف ہی دیکھا نہ دیدار قیامت اکثر اس کو میں رہا کی فلک کے ہاتھ سے میں جا چھپوں گر خبر لا دے کوئی تحت الثرا کی شب وصل عدو کیا کیا جلا ہوں حقیقت کھل گئی روز جزا کی چمن میں کوئی اس کو سے نہ آیا گئی برباد سب محنت صبا کی کشاد دل پہ باندھی ہے کمر آج نہیں ہے خیریت بند قبا کی کیا جب التفات اس نے ذرا سا پڑی ہم کو حصول مدعا کی کہا ہے غیر نے تم سے مرا حال کہے دیتی ہے بے باکی ادا کی تمہیں شور فغاں سے میرے کیا کام خبر لو اپنی چشم سرمہ سا کی دیا علم و ہنر حسرت کشی کو فلک نے مجھ سے یہ کیسی دغا کی غم مقصد رسی تا نزع اور ہم اب آئی موت بخت نارسا کی مجھے اے دل تری جلدی نے مارا نہیں تقصیر اس دیر آشنا کی جفا سے تھک گئے تو بھی نہ پوچھا کہ تو نے کس توقع پر وفا کی کہا اس بت سے مرتا ہوں تو مومنؔ کہا میں کیا کروں مرضی خدا کی

Agar ghafalt se baaz aaya jafa ki Talafi ki bhi zaalim ne to kya ki Mere aaghaaz-e-ulfat mein hum afsos Use bhi reh gayi hasrat-e-jafa ki Kabhi insaaf hi dekha na deedar Qayamat aksar us ko mein raha ki Falak ke haath se main ja chhupon gar Khabar la de koi taht-us-sara ki Shab-e-wasl adu kya kya jala hun Haqeeqat khul gayi roz-e-jaza ki Chaman mein koi us ko se na aaya Gayi barbaad sab mehnat-e-saba ki Kushaad-e-dil pe baandhi hai kamar aaj Nahin hai khairiyat band-e-qaba ki Kiya jab iltifaat us ne zara sa Pari hum ko husool-e-mudda ki Kaha hai ghair ne tum se mera haal Kahe deti hai be-baaki-e-ada ki Tumhein shor-e-fughaan se mere kya kaam Khabar lo apni chashm-e-surma-sa ki Diya ilm-o-hunar hasrat-kashi ko Falak ne mujh se yeh kaisi dagha ki Gham-e-maqsad-rasi ta naza aur hum Ab aayi maut bakht-e-narsa ki Mujhe ae dil teri jaldi ne maara Nahin taqseer is deer-aashna ki Jafa se thak gaye to bhi na puchha Ke tu ne kis tawaqqu par wafa ki Kaha is but se marta hun to Momin Kaha main kya karun marzi-e-Khuda ki

عدم میں رہتے تو شاد رہتے اسے بھی فکر ستم نہ ہوتا جو ہم نہ ہوتے تو دل نہ ہوتا جو دل نہ ہوتا تو غم نہ ہوتا ہوئی خجالت سے نفرت افزوں گلے کیے خوب آخریں دم وہ کاش اک دم ٹھہر کے آتے کہ میرے لب پر بھی دم نہ ہوتا پڑا ہی مرنا بس اب تو ہم کو جو اس نے خط پڑھ کے نامہ بر سے کہا کہ گر سچ یہ حال ہوتا تو دفتر اتنا رقم نہ ہوتا کسی کے جلنے کا دھیان آیا وگرنہ دود فغاں سے میرے اگر ہزاروں سپہر بنتے تمہاری آنکھوں میں نم نہ ہوتا جو آپ در سے اٹھا نہ دیتے کہیں نہ کرتا میں جبہہ سائی اگرچہ یہ سر نوشت میں تھا تمہارے سر کی قسم نہ ہوتا وصال کو ہم ترس رہے تھے جو اب ہوا تو مزا نہ پایا عدو کے مرنے کی جب خوشی تھی کہ اس کو رنج و الم نہ ہوتا جہان تنگ و ہجوم وحشت غرض کہ دم پر بری بنی تھی کہاں میں جاتا نہ جی ٹھہرتا کہیں جو دشت عدم نہ ہوتا مگر رقیبوں نے سر اٹھایا کہ یہ نہ ہوتا تو بے مروت نظر سے ظاہر حیا نہ ہوتی حیا سے گردن میں خم نہ ہوتا وہاں ترقی جمال کو ہے یہاں محبت ہے روز افزوں شریک زیبا تھا بوالہوس بھی جو بے وفائی میں کم نہ ہوتا غلط کہ صانع کو ہو گوارا خراش انگشت ہائے نازک جواب خط کی امید رکھتے جو قول جف القلم نہ ہوتا یہ بے تکلف پھرا رہی ہے کشش دل عاشقاں کی اس کو وگرنہ ایسی نزاکتوں پہ خرام ناز اک قدم نہ ہوتا وصال تو ہے کہاں میسر مگر خیال وصال ہی میں مزے اڑاتے ہوس نکلتی جو ساتھ انداز رم نہ ہوتا ہوا مسلماں میں اور ڈر سے نہ درس واعظ کو سن کے مومنؔ بنی تھی دوزخ بلا سے بنتی عذاب ہجر صنم نہ ہوتا

Adam mein rehte to shaad rehte use bhi fikr-e-sitam na hota Jo hum na hote to dil na hota jo dil na hota to gham na hota Hui khijalat se nafrat afzoon gale kiye khoob aakhireen dam Woh kaash ik dam thahar ke aate ke mere lab par bhi dam na hota Para hi marna bas ab to hum ko jo us ne khat parh ke naama-bar se Kaha ke gar sach yeh haal hota to daftar itna raqam na hota Kisi ke jalne ka dhyaan aaya warna dood-e-fughaan se mere Agar hazaron sipehr bante tumhari aankhon mein nam na hota Jo aap dar se utha na dete kahin na karta main jabha-saai Agarche yeh sarnavisht mein tha tumhare sar ki qasam na hota Wisaal ko hum taras rahe the jo ab hua to maza na paaya Adu ke marne ki jab khushi thi ke us ko ranj-o-alam na hota Jahaan tang-o-hijoom-e-wehshat gharaz ke dam par buri bani thi Kahan main jaata na ji theharta kahin jo dasht-e-adam na hota Magar raqeebon ne sar uthaya ke yeh na hota to be-murwwat Nazar se zaahir haya na hoti haya se gardan mein kham na hota Wahan taraqqi-e-jamaal ko hai yahan mohabbat hai roz-afzoon Shareek-e-zaiba tha bol-hawas bhi jo be-wafaai mein kam na hota Ghalat ke saani ko ho gawara kharaash-e-angusht-haye naazuk Jawaab-e-khat ki umeed rakhte jo qaul-e-jaffal-qalam na hota Yeh be-takalluf phira rahi hai kashish-e-dil-e-aashiqaan ki us ko Warna aisi naazukton pe khiraam-e-naaz ik qadam na hota Wisaal to hai kahan muyassar magar khayaal-e-wisaal hi mein Maze urate hawas nikalti jo saath andaaz-e-ram na hota Hua Musalman main aur dar se na dars-e-waiz ko sun ke Momin Bani thi dozakh bala se banti azaab-e-hijar-e-sanam na hota

مومنؔ خدا کے واسطے ایسا مکاں نہ چھوڑ دوزخ میں ڈال خلد کو کوئے بتاں نہ چھوڑ عاشق تو جانتے ہیں وہ اے دل یہی سہی ہر چند بے اثر ہے پر آہ و فغاں نہ چھوڑ اس طبع نازنیں کو کہاں تاب انفعال جاسوس میرے واسطے اے بد گماں نہ چھوڑ ناچار دیں گے اور کسی خوب رو کو دل اچھا تو اپنی خوئے بد اے بد زباں نہ چھوڑ زخمی کیا عدو کو تو مرنا محال ہے قربان جاؤں تیرے مجھے نیم جاں نہ چھوڑ کچھ کچھ درست ضد سے تری ہو چلے ہیں وہ یک چند اور کج روی اے آسماں نہ چھوڑ جس کوچہ میں گزار صبا کا نہ ہو سکے اے عندلیب اس کے لیے گلستاں نہ چھوڑ گر پھر بھی اشک آئیں تو جانوں کہ عشق ہے حقہ کا منہ سے غیر کی جانب دھواں نہ چھوڑ ہوتا ہے اس جحیم میں حاصل وصال جور مومنؔ عجب بہشت ہے دیر مغاں نہ چھوڑ

Momin Khuda ke waste aisa makaan na chhor Dozakh mein daal khuld ko kucha-e-butaan na chhor Aashiq to jaante hain woh ae dil yahi sahi Har chand be-asar hai par aah-o-fughaan na chhor Is tab-e-naazaneen ko kahan taab-e-infi'aal Jaasus mere waste ae bad-gumaan na chhor Naachaar dein ge aur kisi khoob-ru ko dil Achha to apni khu-e-bad ae bad-zabaan na chhor Zakhmi kiya adu ko to marna muhaal hai Qurbaan jaaon tere mujhe neem-jaan na chhor Kuch kuch durust zid se teri ho chale hain woh Yak chand aur kaj-rawi ae aasmaan na chhor Jis kuche mein guzaar-e-saba ka na ho sake Ae andalib us ke liye gulistan na chhor Gar phir bhi ashk aayen to jaanon ke ishq hai Huqqa ka munh se ghair ki jaanib dhuaan na chhor Hota hai is jaheem mein haasil wisaal-e-jor Momin ajab bahisht hai dair-e-mughaan na chhor

دل قابل محبت جاناں نہیں رہا وہ ولولہ وہ جوش وہ طغیاں نہیں رہا ٹھنڈا ہے گرم جوشی افسردگی سے جی کیسا اثر کہ نالہ و افغاں نہیں رہا کرتے ہیں اپنے زخم جگر کو رفو ہم آپ کچھ بھی خیال جنبش مژگاں نہیں رہا دل سختیوں سے آئی طبیعت میں نازکی صبر و تحمل قلق جاں نہیں رہا غش ہیں کہ بے دماغ ہیں گل پیرہن نمط از بس دماغ عطر گریباں نہیں رہا آنکھیں نہ بدلیں شوخ نظر کیوں کے اب کہ میں مفتون لطف نرگس فتاں نہیں رہا ناکامیوں کا گاہ گلہ گاہ شکر ہے شوق وصال و اندہ ہجراں نہیں رہا بے تودہ تودہ خاک سبک دوش ہو گئے سر پر جنون عشق کا احساں نہیں رہا ہر لحظہ مہر جلووں سے ہیں چشم پوشیاں آئینہ زار دیدۂ حیراں نہیں رہا پھرتے ہیں کیسے پردہ نشینوں سے منہ چھپائے رسوا ہوئے کہ اب غم پنہاں نہیں رہا آسیب چشم قہر پری طلعتاں نہیں اے انس اک نظر کہ میں انساں نہیں رہا بے کاری امید سے فرصت ہے رات دن وہ کاروبار حسرت و حرماں نہیں رہا بے سیر دشت و بادیہ لگنے لگا ہے جی اور اس خراب گھر میں کہ ویراں نہیں رہا کیا تلخ کامیوں نے لب زخم سی دیئے وہ شور اشتیاق نمکداں نہیں رہا بے اعتبار ہو گئے ہم ترک عشق سے از بس کہ پاس وعدہ و پیماں نہیں رہا نیند آئی ہے فسانۂ گیسو و زلف سے وہم و گمان خواب پریشاں نہیں رہا کس کام کے رہے جو کسی سے رہا نہ کام سر ہے مگر غرور کا ساماں نہیں رہا مومنؔ یہ لاف الفت تقویٰ ہے کیوں مگر دلی میں کوئی دشمن ایماں نہیں رہا

Dil qaabil-e-mohabbat jaanaan nahin raha Woh walwala woh josh woh tughyaan nahin raha Thanda hai garm-joshi afsurdagi se ji Kaisa asar ke naala-o-afghaan nahin raha Karte hain apne zakhm-e-jigar ko rafu hum aap Kuch bhi khayaal jumbish-e-muzgaan nahin raha Dil sakhtiyon se aayi tabiyat mein naazuki Sabr-o-tahammul qalaq-e-jaan nahin raha Ghash hain ke be-dimaagh hain gul-pairahan namat Az bas dimaagh-e-atr-e-garebaan nahin raha Aankhen na badlen shokh nazar kyun ke ab ke main Maftoon-e-lutf-e-nargis-e-fattaan nahin raha Nakamiyon ka gaah gila gaah shukr hai Shauq-e-wisaal-o-andoh-e-hijraan nahin raha Be toda toda khaak sabuk-dosh ho gaye Sar par junoon-e-ishq ka ahsaan nahin raha Har lahza mehr-e-jalwon se hain chashm-poshiyan Aaina-zaar deeda-e-hairaan nahin raha Phirte hain kaise parda-nasheenon se munh chhupaye Ruswa hue ke ab gham-e-pinhaan nahin raha Aaseb-e-chashm-e-qahr pari-talaton nahin Ae uns ik nazar ke main insaan nahin raha Be-kaari-e-umeed se fursat hai raat din Woh kaarobaar-e-hasrat-o-harmaan nahin raha Be-sair dasht-o-baadiya lagne laga hai ji Aur is kharaab ghar mein ke veeraan nahin raha Kya talkh-kamiyon ne lab-e-zakhm si diye Woh shor-e-ishtiyaaq-e-namakdaan nahin raha Be-aitbaar ho gaye hum tark-e-ishq se Az bas ke paas-e-waada-o-paimaan nahin raha Neend aayi hai fasaana-e-gesu-o-zulf se Wahm-o-gumaan khwab-e-pareshaan nahin raha Kis kaam ke rahe jo kisi se raha na kaam Sar hai magar guroor ka saamaan nahin raha Momin yeh laaf-e-ulfat taqwa hai kyun magar Dilli mein koi dushman-e-eemaan nahin raha

تم بھی رہنے لگے خفا صاحب کہیں سایہ مرا پڑا صاحب ہے یہ بندہ ہی بے وفا صاحب غیر اور تم بھلے بھلا صاحب کیوں الجھتے ہو جنبش لب سے خیر ہے میں نے کیا کیا صاحب کیوں لگے دینے خط آزادی کچھ گنہ بھی غلام کا صاحب ہائے ری چھیڑ رات سن سن کے حال میرا کہا کہ کیا صاحب دم آخر بھی تم نہیں آتے بندگی اب کہ میں چلا صاحب ستم آزار ظلم و جور و جفا جو کیا سو بھلا کیا صاحب کس سے بگڑے تھے کس پہ غصہ تھا رات تم کس پہ تھے خفا صاحب کس کو دیتے تھے گالیاں لاکھوں کس کا شب ذکر خیر تھا صاحب نام عشق بتاں نہ لو مومنؔ کیجئے بس خدا خدا صاحب

Tum bhi rehne lage khafa saahib Kahin saaya mera para saahib Hai yeh banda hi be-wafa saahib Ghair aur tum bhale bhala saahib Kyun uljhte ho jumbish-e-lab se Khair hai main ne kya kiya saahib Kyun lage dene khat-e-azadi Kuch gunah bhi ghulaam ka saahib Haaye ri chher raat sun sun ke Haal mera kaha ke kya saahib Dam-e-aakhir bhi tum nahin aate Bandagi ab ke main chala saahib Sitam-e-aazaar zulm-o-jor-o-jafa Jo kiya so bhala kiya saahib Kis se bigde the kis pe gussa tha Raat tum kis pe the khafa saahib Kis ko dete the gaaliyan laakhon Kis ka shab zikr-e-khair tha saahib Naam ishq-e-butaan na lo Momin Kijiye bas Khuda Khuda saahib

کرتا ہے قتل عام وہ اغیار کے لیے دس بیس روز مرتے ہیں دو چار کے لیے دیکھا عذاب رنج دل زار کے لیے عاشق ہوئے ہیں وہ مرے آزار کے لیے دل عشق تیری نذر کیا جان کیونکہ دوں رکھا ہے اس کو حسرت دیدار کے لیے قتل اس نے جرم صبر جفا پر کیا مجھے یہ ہی سزا تھی ایسے گنہ گار کے لیے لے تو ہی بھیج دے کوئی پیغام تلخ اب تجویز زہر ہے ترے بیمار کے لیے آتا نہیں ہے تو تو نشانی ہی بھیج دے تسکین اضطراب دل زار کے لیے کیا دل دیا تھا اس لیے میں نے تمہیں کہ تم ہو جاؤ یوں عدو مرے اغیار کے لیے چلنا تو دیکھنا کہ قیامت نے بھی قدم طرز خرام و شوخئ رفتار کے لیے جی میں ہے موتیوں کی لڑی اس کو بھیج دوں اظہار حال چشم گہربار کے لیے دیتا ہوں اپنے لب کو بھی گلبرگ سے مثال بوسے جو خواب میں ترے رخسار کے لیے جینا امید وصل پہ ہجراں میں سہل تھا مرتا ہوں زندگانیٔ دشوار کے لیے مومنؔ کو تو نہ لائے کہیں دام میں وہ بت ڈھونڈے ہے تار سبحہ کے زنار کے لیے

Karta hai qatl-e-aam woh aghyaar ke liye Das bees roz marte hain do chaar ke liye Dekha azaab ranj-e-dil-e-zaar ke liye Aashiq hue hain woh mere aazaar ke liye Dil ishq teri nazar kiya jaan kyunke dun Rakha hai us ko hasrat-e-deedar ke liye Qatl us ne jurm-e-sabr-e-jafa par kiya mujhe Yahi saza thi aise gunehgaar ke liye Le tu hi bhej de koi paigham-e-talkh ab Tajweez-e-zehr hai tere beemaar ke liye Aata nahin hai tu to nishani hi bhej de Taskeen-e-iztiraab-e-dil-e-zaar ke liye Kya dil diya tha is liye main ne tumhen ke tum Ho jao yun adu mere aghyaar ke liye Chalna to dekhna ke qayamat ne bhi qadam Tarz-e-khiraam-o-shokhii-e-raftaar ke liye Ji mein hai motiyon ki ladi us ko bhej dun Izhaar-e-haal-e-chashm-e-gauharbaar ke liye Deta hun apne lab ko bhi gulberg se misaal Bose jo khwab mein tere rukhsaar ke liye Jeena umeed-e-wisaal pe hijraan mein sahl tha Marta hun zindagaani-e-dushwaar ke liye Momin ko tu na laye kahin daam mein woh but Dhunde hai taar-e-subha ke zunnaar ke liye

ڈر تو مجھے کس کا ہے کہ میں کچھ نہیں کہتا پر حال یہ افشا ہے کہ میں کچھ نہیں کہتا ناصح یہ گلہ کیا ہے کہ میں کچھ نہیں کہتا تو کب مری سنتا ہے کہ میں کچھ نہیں کہتا میں بولوں تو چپ ہوتے ہیں اب آپ جبھی تک یہ رنجش بے جا ہے کہ میں کچھ نہیں کہتا کچھ غیر سے ہونٹوں میں کہے ہے یہ جو پوچھو تو ووہیں مکرتا ہے کہ میں کچھ نہیں کہتا کب پاس پھٹکنے دوں رقیبوں کو تمہارے پر پاس تمہارا ہے کہ میں کچھ نہیں کہتا ناصح کو جو چاہوں تو ابھی ٹھیک بنا دوں پر خوف خدا کا ہے کہ میں کچھ نہیں کہتا کیا کیا نہ کہے غیر کی گر بات نہ پوچھو یہ حوصلہ میرا ہے کہ میں کچھ نہیں کہتا کیا کہئے نصیبوں کو کہ اغیار کا شکوہ سن سن کے وہ چپکا ہے کہ میں کچھ نہیں کہتا مت پوچھ کہ کس واسطے چپ لگ گئی ظالم بس کیا کہوں میں کیا ہے کہ میں کچھ نہیں کہتا چپکے سے ترے ملنے کا گھر والوں میں تیرے اس واسطے چرچا ہے کہ میں کچھ نہیں کہتا ہاں تنگ دہانی کا نہ کرنے کے لیے بات ہے عذر پر ایسا ہے کہ میں کچھ نہیں کہتا اے چارہ گرو قابل درماں نہیں یہ درد ورنہ مجھے سودا ہے کہ میں کچھ نہیں کہتا ہر وقت ہے دشنام ہر اک بات میں طعنہ پھر اس پہ بھی کہتا ہے کہ میں کچھ نہیں کہتا کچھ سن کے جو میں چپ ہوں تو تم کہتے ہو بولو سمجھو تو یہ تھوڑا ہے کہ میں کچھ نہیں کہتا سنتا نہیں وہ ورنہ یہ سرگوشی اغیار کیا مجھ کو گوارا ہے کہ میں کچھ نہیں کہتا مومنؔ بخدا سحر بیانی کا جبھی تک ہر ایک کو دعویٰ ہے کہ میں کچھ نہیں کہتا

Dar to mujhe kis ka hai ke main kuch nahin kehta Par haal yeh afshaа hai ke main kuch nahin kehta Naasih yeh gila kya hai ke main kuch nahin kehta Tu kab meri sunta hai ke main kuch nahin kehta Main bolun to chup hote hain ab aap jabhi tak Yeh ranjish-e-be-ja hai ke main kuch nahin kehta Kuch ghair se honton mein kahe hai yeh jo puchho To wohin mukarta hai ke main kuch nahin kehta Kab paas phatkne dun raqeebon ko tumhare Par paas tumhara hai ke main kuch nahin kehta Naasih ko jo chahun to abhi theek bana dun Par khauf-e-Khuda ka hai ke main kuch nahin kehta Kya kya na kahe ghair ki gar baat na puchho Yeh hosla mera hai ke main kuch nahin kehta Kya kahiye naseebon ko ke aghyaar ka shikwa Sun sun ke woh chupka hai ke main kuch nahin kehta Mat pooch ke kis waste chup lag gayi zaalim Bas kya kahun main kya hai ke main kuch nahin kehta Chupke se tere milne ka ghar walon mein tere Is waste charcha hai ke main kuch nahin kehta Haan tang-dahani ka na karne ke liye baat Hai uzr par aisa hai ke main kuch nahin kehta Ae chara-garo qaabil-e-darmaan nahin yeh dard Warna mujhe sauda hai ke main kuch nahin kehta Har waqt hai dushnaam har ik baat mein taana Phir us pe bhi kehta hai ke main kuch nahin kehta Kuch sun ke jo main chup hun to tum kehte ho bolo Samjho to yeh thora hai ke main kuch nahin kehta Sunta nahin woh warna yeh sargooshi-e-aghyaar Kya mujh ko gawara hai ke main kuch nahin kehta Momin bakhuda sehr-bayani ka jabhi tak Har ek ko dawa hai ke main kuch nahin kehta

وہ کہاں ساتھ سلاتے ہیں مجھے خواب کیا کیا نظر آتے ہیں مجھے اس پری وش سے لگاتے ہیں مجھے لوگ دیوانہ بناتے ہیں مجھے یا رب ان کا بھی جنازہ اٹھے یار اس کو سے اٹھاتے ہیں مجھے ابروئے تیغ سے ایما ہے کہ آ قتل کرنے کو بلاتے ہیں مجھے بے وفائی کا عدو کی ہے گلہ لطف میں بھی وہ ستاتے ہیں مجھے حیرت حسن سے یہ شکل بنی کہ وہ آئینہ دکھاتے ہیں مجھے پھونک دے آتش دل داغ مرے اس کی خو یاد دلاتے ہیں مجھے گر کہے غمزہ کسے قتل کروں تو اشارت سے بتاتے ہیں مجھے میں تو اس زلف کی بو پر غش ہوں چارہ گر مشک سنگھاتے ہیں مجھے شعلہ رو کہتے ہیں اغیار کو وہ اپنے نزدیک جلاتے ہیں مجھے جاں گئی پر نہ گئی جورکشی بعد مردن بھی دباتے ہیں مجھے وہ جو کہتے ہیں تجھے آگ لگے مژدۂ وصل سناتے ہیں مجھے اب یہ صورت ہے کہ اے پردہ نشیں تجھ سے احباب چھپاتے ہیں مجھے مومنؔ اور دیر خدا خیر کرے طور بے ڈھب نظر آتے ہیں مجھے

Woh kahan saath sulate hain mujhe Khwab kya kya nazar aate hain mujhe Is pari-wesh se lagate hain mujhe Log deewana banate hain mujhe Ya Rab un ka bhi janaaza uthe Yaar is ko se uthate hain mujhe Abroo-e-tegh se eema hai ke aa Qatl karne ko bulate hain mujhe Be-wafai ka adu ki hai gila Lutf mein bhi woh sitate hain mujhe Hairat-e-husn se yeh shakl bani Ke woh aaina dikhate hain mujhe Phoonk de aatish-e-dil daagh mere Us ki khu yaad dilate hain mujhe Gar kahe ghamza kise qatl karun To isharat se batate hain mujhe Main to is zulf ki bu par ghash hun Chara-gar mushk sunghate hain mujhe Shola-ru kehte hain aghyaar ko woh Apne nazdik jalate hain mujhe Jaan gayi par na gayi jor-kashi Baad-e-murdan bhi dabate hain mujhe Woh jo kehte hain tujhe aag lage Muzhda-e-wisaal sunate hain mujhe Ab yeh soorat hai ke ae parda-nasheen Tujh se ahbaab chhupate hain mujhe Momin aur dair khuda khair kare Taur-e-be-dhab nazar aate hain mujhe

غیروں پہ کھل نہ جائے کہیں راز دیکھنا میری طرف بھی غمزۂ غماز دیکھنا اڑتے ہی رنگ رخ مرا نظروں سے تھا نہاں اس مرغ پر شکستہ کی پرواز دیکھنا دشنام یار طبع حزیں پر گراں نہیں اے ہم نفس نزاکت آواز دیکھنا دیکھ اپنا حال زار منجم ہوا رقیب تھا سازگار طالع ناساز دیکھنا بد کام کا مآل برا ہے جزا کے دن حال سپہر تفرقہ انداز دیکھنا مت رکھیو گرد تارک عشاق پر قدم پامال ہو نہ جائے سرافراز دیکھنا میری نگاہ خیرہ دکھاتے ہیں غیر کو بے طاقتی پہ سرزنش ناز دیکھنا ترک صنم بھی کم نہیں سوز جحیم سے مومنؔ غم مآل کا آغاز دیکھنا

Ghairon pe khul na jaye kahin raaz dekhna Meri taraf bhi ghamza-e-ghammaz dekhna Udte hi rang-e-rukh mera nazron se tha nihan Is murgh-e-par-shikasta ki parwaaz dekhna Dushnaam-e-yaar tab-e-hazeen par giraan nahin Ae ham-nafas nazakat-e-aawaz dekhna Dekh apna haal-e-zaar munajjim hua raqeeb Tha saazgaar taali-e-naasaaz dekhna Bad kaam ka maal bura hai jaza ke din Haal-e-sipehr-e-tafarriqa andaaz dekhna Mat rakhiyo gard-e-taarik-e-ushshaaq par qadam Paamal ho na jaye sar afraaz dekhna Meri nigah-e-khaira dikhate hain ghair ko Be-taaqati pe sarzanish-e-naaz dekhna Tark-e-sanam bhi kam nahin soz-e-jaheem se Momin gham-e-maal ka aaghaz dekhna

دل بستگی سی ہے کسی زلف دوتا کے ساتھ پالا پڑا ہے ہم کو خدا کس بلا کے ساتھ کب تک نبھائیے بت ناآشنا کے ساتھ کیجے وفا کہاں تلک اس بے وفا کے ساتھ یاد ہوائے یار نے کیا کیا نہ گل کھلائے آئی چمن سے نکہت گل جب صبا کے ساتھ مانگا کریں گے اب سے دعا ہجر یار کی آخر تو دشمنی ہے اثر کو دعا کے ساتھ ہے کس کا انتظار کہ خواب عدم سے بھی ہر بار چونک پڑتے ہیں آواز پا کے ساتھ یا رب وصال یار میں کیونکر ہو زندگی نکلی ہی جان جاتی ہے ہر ہر ادا کے ساتھ اللہ رے سوز آتش غم بعد مرگ بھی اٹھتے ہیں میری خاک سے شعلے ہوا کے ساتھ سو زندگی نثار کروں ایسی موت پر یوں روئے زار زار تو اہل عزا کے ساتھ ہر دم عرق عرق نگہ بے حجاب ہے کس نے نگاہ گرم سے دیکھا حیا کے ساتھ مرنے کے بعد بھی وہی آوارگی رہی افسوس جاں گئی نفس نارسا کے ساتھ دست جنوں نے میرا گریباں سمجھ لیا الجھا ہے ان سے شوخ کے بند قبا کے ساتھ آتے ہی تیرے چل دیئے سب ورنہ یاس کا کیسا ہجوم تھا دل حسرت فزا کے ساتھ میں کینے سے بھی خوش ہوں کہ سب یہ تو کہتے ہیں اس فتنہ گر کو لاگ ہے اس مبتلا کے ساتھ اللہ ری گمرہی بت و بت خانہ چھوڑ کر مومنؔ چلا ہے کعبہ کو اک پارسا کے ساتھ مومنؔ وہی غزل پڑھو شب جس سے بزم میں آتی تھی لب پہ جان زہ و حبذا کے ساتھ

Dil bastagi si hai kisi zulf-e-dota ke saath Pala para hai hum ko khuda kis bala ke saath Kab tak nibhaaiye but na-aashna ke saath Kije wafa kahan talak is be-wafa ke saath Yaad hawa-e-yaar ne kya kya na gul khilaye Aayi chaman se nakhwat-e-gul jab saba ke saath Manga karein ge ab se dua hijar-e-yaar ki Aakhir to dushmani hai asar ko dua ke saath Hai kis ka intizaar ke khwab-e-adam se bhi Har baar chonk parte hain aawaz-e-pa ke saath Ya Rab wisaal-e-yaar mein kyunkar ho zindagi Nikli hi jaan jaati hai har har ada ke saath Allah re soz-e-aatish-e-gham baad-e-marg bhi Uthte hain meri khaak se shole hawa ke saath So zindagi nisaar karun aisi maut par Yun roye zaar zaar to ahl-e-aza ke saath Har dam araq araq nigah-e-be-hijaab hai Kis ne nigah-e-garm se dekha haya ke saath Marne ke baad bhi wahi aawaragi rahi Afsos jaan gayi nafs-e-narsa ke saath Dast-e-junoon ne mera garebaan samajh liya Uljha hai un se shokh ke band-e-qaba ke saath Aate hi tere chal diye sab warna yaas ka Kaisa hijoom tha dil-e-hasrat-faza ke saath Main kine se bhi khush hun ke sab yeh to kehte hain Is fitna-gar ko laag hai is mubtala ke saath Allah ri gumrahi but-o-but-khana chhor kar Momin chala hai Kaaba ko ik parsa ke saath Momin wahi ghazal parho shab jis se bazm mein Aati thi lab pe jaan-e-zah-o-habaza ke saath

محشر میں پاس کیوں دم فریاد آ گیا رحم اس نے کب کیا تھا کہ اب یاد آ گیا الجھا ہے پاؤں یار کا زلف دراز میں لو آپ اپنے دام میں صیاد آ گیا ناکامیوں میں تم نے جو تشبیہ مجھ سے دی شیریں کو درد تلخی فرہاد آ گیا ہم چارہ گر کو یوں ہی پنہائیں گے بیڑیاں قابو میں اپنے گر وہ پری زاد آ گیا دل کو قلق ہے ترک محبت کے بعد بھی اب آسماں کو شکوۂ بیداد آ گیا وہ بدگماں ہوا جو کہیں شعر میں مرے ذکر بتان خلخ و نوشاد آ گیا تھے بے گناہ جرأت پا بوس تھی ضرور کیا کرتے وہم خجلت جلاد آ گیا جو ہو چکا یقیں کہ نہیں طاقت وصال دم میں ہمارے وہ ستم ایجاد آ گیا ذکر شراب و حور کلام خدا میں دیکھ مومنؔ میں کیا کہوں مجھے کیا یاد آ گیا

Mahshar mein paas kyun dam-e-faryaad aa gaya Rahm us ne kab kiya tha ke ab yaad aa gaya Uljha hai paon yaar ka zulf-e-daraaz mein Lo aap apne daam mein sayyaad aa gaya Nakamiyon mein tum ne jo tashbeeh mujh se di Shireen ko dard talkhi-e-Farhad aa gaya Hum chara-gar ko yun hi pinhaaein ge bedhiyan Qabu mein apne gar woh pari-zaad aa gaya Dil ko qalaq hai tark-e-mohabbat ke baad bhi Ab aasmaan ko shikwa-e-bedad aa gaya Woh badgumaan hua jo kahin sher mein mere Zikr-e-butaan-e-Khallakh-o-Nooshad aa gaya The be-gunaah jurrat-e-pa-bos thi zaroor Kya karte wahm-e-khijlat-e-jallaad aa gaya Jo ho chuka yaqeen ke nahin taaqat-e-wisaal Dam mein hamaare woh sitam-eejad aa gaya Zikr-e-sharaab-o-hoor kalaam-e-Khuda mein dekh Momin mein kya kahun mujhe kya yaad aa gaya

قہر ہے موت ہے قضا ہے عشق سچ تو یوں ہے بری بلا ہے عشق اثر غم ذرا بتا دینا وہ بہت پوچھتے ہیں کیا ہے عشق آفت جاں ہے کوئی پردہ نشیں کہ مرے دل میں آ چھپا ہے عشق بوالہوس اور لاف جانبازی کھیل کیسا سمجھ لیا ہے عشق وصل میں احتمال شادی مرگ چارہ گر درد بے دوا ہے عشق سوجھے کیونکر فریب دل داری دشمن آشنا نما ہے عشق کس ملاحت سرشت کو چاہا تلخ کامی پہ بامزا ہے عشق ہم کو ترجیح تم پہ ہے یعنی دل ربا حسن و جاں ربا ہے عشق دیکھ حالت مری کہیں کافر نام دوزخ کا کیوں دھرا ہے عشق دیکھیے کس جگہ ڈبو دے گا میری کشتی کا ناخدا ہے عشق اب تو دل عشق کا مزا چکھا ہم نہ کہتے تھے کیوں برا ہے عشق آپ مجھ سے نباہیں گے سچ ہے باوفا حسن و بے وفا ہے عشق میں وہ مجنون وحشت آرا ہوں نام سے میرے بھاگتا ہے عشق قیس و فرہاد و وامق و مومنؔ مر گئے سب ہی کیا وبا ہے عشق

Qahr hai, maut hai, qaza hai ishq Sach to yun hai buri bala hai ishq Asar-e-gham zara bata dena Woh bohat poochhtay hain kya hai ishq Aafat-e-jaan hai koi parda nasheen Ke mere dil mein aa chhupa hai ishq Bol havas aur laaf-e-jaanbazi Khel kaisa samajh liya hai ishq Wasl mein ihtimaal-e-shaadi-e-marg Chara-gar dard-e-be-dawa hai ishq Soojhe kyunkar fareb-e-dildari Dushman-e-aashna numa hai ishq Kis malahat sarisht ko chaha Talkh kami pe baamaza hai ishq Hum ko tarjeeh tum pe hai yaani Dil ruba husn-o-jaan ruba hai ishq Dekh haalat meri kahin kaafir Naam-e-dozakh ka kyun dhara hai ishq Dekhiye kis jagah dubo de ga Meri kashti ka nakhuda hai ishq Ab to dil ishq ka maza chakha Hum na kehte the kyun bura hai ishq Aap mujh se nibaahein ge sach hai Ba wafa husn-o-be wafa hai ishq Main woh majnoon-e-wehshat aara hun Naam se mere bhaagta hai ishq Qais-o-Farhad-o-Wamiq-o-Momin Mar gaye sab hi kya waba hai ishq

ٹھانی تھی دل میں اب نہ ملیں گے کسی سے ہم پر کیا کریں کہ ہو گئے ناچار جی سے ہم ہنستے جو دیکھتے ہیں کسی کو کسی سے ہم منہ دیکھ دیکھ روتے ہیں کس بے کسی سے ہم ہم سے نہ بولو تم اسے کیا کہتے ہیں بھلا انصاف کیجے پوچھتے ہیں آپ ہی سے ہم بیزار جان سے جو نہ ہوتے تو مانگتے شاہد شکایتوں پہ تری مدعی سے ہم اس کو میں جا مریں گے مدد اے ہجوم شوق آج اور زور کرتے ہیں بے طاقتی سے ہم صاحب نے اس غلام کو آزاد کر دیا لو بندگی کہ چھوٹ گئے بندگی سے ہم بے روئے مثل ابر نہ نکلا غبار دل کہتے تھے ان کو برق تبسم ہنسی سے ہم ان ناتوانیوں پہ بھی تھے خار راہ غیر کیوں کر نکالے جاتے نہ اس کی گلی سے ہم کیا گل کھلے گا دیکھیے ہے فصل گل تو دور اور سوئے دشت بھاگتے ہیں کچھ ابھی سے ہم منہ دیکھنے سے پہلے بھی کس دن وہ صاف تھا بے وجہ کیوں غبار رکھیں آرسی سے ہم ہے چھیڑ اختلاط بھی غیروں کے سامنے ہنسنے کے بدلے روئیں نہ کیوں گدگدی سے ہم وحشت ہے عشق پردہ نشیں میں دم بکا منہ ڈھانکتے ہیں پردۂ چشم پری سے ہم کیا دل کو لے گیا کوئی بیگانہ آشنا کیوں اپنے جی کو لگتے ہیں کچھ اجنبی سے ہم لے نام آرزو کا تو دل کو نکال لیں مومنؔ نہ ہوں جو ربط رکھیں بدعتی سے ہم

Thaani thi dil mein ab na milein ge kisi se hum Par kya karein ke ho gaye naachaar ji se hum Hanste jo dekhte hain kisi ko kisi se hum Munh dekh dekh rote hain kis be-kasi se hum Hum se na bolo tum ise kya kehte hain bhala Insaaf keeje poochte hain aap hi se hum Bezaar jaan se jo na hote to maangte Shaahid shikaayaton pe teri mudda'ee se hum Is koochay mein jaa marein ge madad ae hajoom-e-shauq Aaj aur zor karte hain be-taaqati se hum Saahib ne is ghulaam ko aazaad kar diya Lo bandagi ke chhoot gaye bandagi se hum Be-roye misl-e-abr na nikla ghubaar-e-dil Kehte the un ko barq-e-tabassum hansi se hum In na-taawaaniyon pe bhi the khaar-e-raah-e-ghair Kyun kar nikaale jaate na us ki gali se hum Kya gul khile ga dekhiye hai fasl-e-gul to door Aur soo-e-dasht bhaagte hain kuch abhi se hum Munh dekhne se pehle bhi kis din wo saaf tha Be-wajah kyun ghubaar rakhein aarsi se hum Hai chheed ikhtilaat bhi ghairon ke saamne Hansne ke badle royein na kyun gudgudi se hum Wahshat hai ishq-e-parda-nasheen mein dam-ba-khud Munh dhaankte hain parda-e-chashm-e-pari se hum Kya dil ko le gaya koi begaana aashna Kyun apne ji ko lagتے ہیں kuch ajnabi se hum Le naam aarzoo ka to dil ko nikaal lein Momin na hon jo rabt rakhein bid'ati se hum

دفن جب خاک میں ہم سوختہ ساماں ہوں گے فلس ماہی کے گل شمع شبستاں ہوں گے ناوک انداز جدھر دیدۂ جاناں ہوں گے نیم بسمل کئی ہوں گے کئی بے جاں ہوں گے تاب نظارہ نہیں آئنہ کیا دیکھنے دوں اور بن جائیں گے تصویر جو حیراں ہوں گے تو کہاں جائے گی کچھ اپنا ٹھکانا کر لے ہم تو کل خواب عدم میں شب ہجراں ہوں گے ناصحا دل میں تو اتنا تو سمجھ اپنے کہ ہم لاکھ ناداں ہوئے کیا تجھ سے بھی ناداں ہوں گے کر کے زخمی مجھے نادم ہوں یہ ممکن ہی نہیں گر وہ ہوں گے بھی تو بے وقت پشیماں ہوں گے ایک ہم ہیں کہ ہوئے ایسے پشیمان کہ بس ایک وہ ہیں کہ جنہیں چاہ کے ارماں ہوں گے ہم نکالیں گے سن اے موج ہوا بل تیرا اس کی زلفوں کے اگر بال پریشاں ہوں گے صبر یا رب مری وحشت کا پڑے گا کہ نہیں چارہ فرما بھی کبھی قیدئ زنداں ہوں گے منت حضرت عیسیٰ نہ اٹھائیں گے کبھی زندگی کے لیے شرمندۂ احساں ہوں گے تیرے دل تفتہ کی تربت پہ عدو جھوٹا ہے گل نہ ہوں گے شرر آتش سوزاں ہوں گے غور سے دیکھتے ہیں طوف کو آہوئے حرم کیا کہیں اس کے سگ کوچہ کے قرباں ہوں گے داغ دل نکلیں گے تربت سے مری جوں لالہ یہ وہ اخگر نہیں جو خاک میں پنہاں ہوں گے چاک پردے سے یہ غمزے ہیں تو اے پردہ نشیں ایک میں کیا کہ سبھی چاک گریباں ہوں گے پھر بہار آئی وہی دشت نوردی ہوگی پھر وہی پاؤں وہی خار مغیلاں ہوں گے سنگ اور ہاتھ وہی وہ ہی سر و داغ جنون وہ ہی ہم ہوں گے وہی دشت و بیاباں ہوں گے عمر ساری تو کٹی عشق بتاں میں مومنؔ آخری وقت میں کیا خاک مسلماں ہوں گے

Dafan jab khaak mein hum sokhta saamaan hoon ge Fals-e-maahi ke gul shama-e-shabistaan hoon ge Naawak andaaz jidhar deeda-e-jaanaan hoon ge Neem bismil kayi hoon ge kayi be-jaan hoon ge Taab-e-nazaara nahi aaina kya dekhne doon Aur ban jaayein ge tasweer jo hairaan hoon ge Tu kahaan jaaye gi kuch apna thikaana kar le Hum to kal khwaab-e-adam mein shab-e-hijraan hoon ge Naasiha dil mein to itna to samajh apne ke hum Laakh naadaan huay kya tujh se bhi naadaan hoon ge Kar ke zakhmi mujhe naadim hon yeh mumkin hi nahi Gar wo hoon ge bhi to be-waqt pashemaan hoon ge Ek hum hain ke huay aise pasheiman ke bas Ek wo hain ke jinhein chaah ke armaan hoon ge Hum nikaalein ge sun ae mauj-e-hawa bal tera Is ki zulfon ke agar baal pareshaan hoon ge Sabr ya rab meri wahshat ka pade ga ke nahi Chaarah farma bhi kabhi qaidi-e-zindaan hoon ge Minat-e-Hazrat-e-Eesa na uthaayein ge kabhi Zindagi ke liye sharminda-e-ihsaan hoon ge Tere dil-tafta ki turbat pe adoo jhoota hai Gul na hoon ge sharar-e-aatish-e-soozaan hoon ge Ghaur se dekhte hain tauf ko aahoo-e-haram Kya kahein is ke sag-e-koocha ke qurbaan hoon ge Daagh-e-dil niklein ge turbat se meri joon laala Yeh wo akhgar nahi jo khaak mein pinhaan hoon ge Chaak parday se yeh ghamzay hain to ae parda-nasheen Ek mein kya ke sabhi chaak-gareebaan hoon ge Phir bahaar aayi wahi dasht-nawardi ho gi Phir wahi paaoon wahi khaar-e-mugheelaan hoon ge Sang aur haath wahi wo hi sar-o-daagh-e-junoon Wo hi hum hoon ge wahi dasht-o-bayaabaan hoon ge Umar saari to kati ishq-e-butaan mein Momin Aakhri waqt mein kya khaak musalmaan hoon ge

رویا کریں گے آپ بھی پہروں اسی طرح اٹکا کہیں جو آپ کا دل بھی مری طرح آتا نہیں ہے وہ تو کسی ڈھب سے داؤ میں بنتی نہیں ہے ملنے کی اس کے کوئی طرح تشبیہ کس سے دوں کہ طرح دار کی مرے سب سے نرالی وضع ہے سب سے نئی طرح مر چک کہیں کہ تو غم ہجراں سے چھوٹ جائے کہتے تو ہیں بھلے کی ولیکن بری طرح نے تاب ہجر میں ہے نہ آرام وصل میں کم بخت دل کو چین نہیں ہے کسی طرح لگتی ہیں گالیاں بھی ترے منہ سے کیا بھلی قربان تیرے پھر مجھے کہہ لے اسی طرح پامال ہم نہ ہوتے فقط جور چرخ سے آئی ہماری جان پہ آفت کئی طرح نے جائے واں بنے ہے نہ بن جائے چین ہے کیا کیجیے ہمیں تو ہے مشکل سبھی طرح معشوق اور بھی ہیں بتا دے جہان میں کرتا ہے کون ظلم کسی پر تری طرح ہوں جاں بہ لب بتان ستم گر کے ہاتھ سے کیا سب جہاں میں جیتے ہیں مومنؔ اسی طرح

Roya karein ge aap bhi pehroon isi tarah Atka kahin jo aap ka dil bhi meri tarah Aata nahi hai wo to kisi dhab se daao mein Banti nahi hai milne ki us ke koi tarah Tashbeeh kis se doon ke tarah-daar ki mere Sab se niraali waza hai sab se nayi tarah Mar chak kahein ke tu gham-e-hijraan se chhoot jaaye Kehte to hain bhale ki walaikin buri tarah Nay taab hijr mein hai na aaraam wasl mein Kam-bakht dil ko chain nahi hai kisi tarah Lagti hain gaaliyan bhi tare muhn se kya bhali Qurbaan tere phir mujhe keh le isi tarah Paamaal hum na hote faqat jaor-e-charkh se Aayi hamaari jaan pe aafat kayi tarah Nay jaaye waan bane hai na bin jaaye chain hai Kya keejiye hamein to hai mushkil sabhi tarah Maashooq aur bhi hain bata de jahaan mein Karta hai kaun zulm kisi par teri tarah Hoon jaan-ba-lab bitaan-e-sitamgar ke haath se Kya sab jahaan mein jeete hain Momin isi tarah

آنکھوں سے حیا ٹپکے ہے انداز تو دیکھو ہے بو الہوسوں پر بھی ستم ناز تو دیکھو اس بت کے لیے میں ہوس حور سے گزرا اس عشق خوش انجام کا آغاز تو دیکھو چشمک مری وحشت پہ ہے کیا حضرت ناصح طرز نگہ چشم فسوں ساز تو دیکھو ارباب ہوس ہار کے بھی جان پہ کھیلے کم طالعی عاشق جاں باز تو دیکھو مجلس میں مرے ذکر کے آتے ہی اٹھے وہ بدنامیٔ عشاق کا اعزاز تو دیکھو محفل میں تم اغیار کو دز دیدہ نظر سے منظور ہے پنہاں نہ رہے راز تو دیکھو اس غیرت ناہید کی ہر تان ہے دیپک شعلہ سا لپک جائے ہے آواز تو دیکھو دیں پاکی دامن کی گواہی مرے آنسو اس یوسف بے درد کا اعجاز تو دیکھو جنت میں بھی مومنؔ نہ ملا ہائے بتوں سے جور اجل تفرقہ پرداز تو دیکھو

Aankhon se haya tapke hai andaaz to dekho Hai bu-al-hawasoon par bhi sitam naaz to dekho Is but ke liye mein hawas-e-hoor se guzra Is ishq khush-anjaam ka aaghaaz to dekho Chashmak meri wahshat pe hai kya hazrat-e-naasih Tarz-e-nigah-e-chashm-e-fusoon-saaz to dekho Arbab-e-hawas haar ke bhi jaan pe khele Kam-taal'ee-e-aashiq-e-jaan-baaz to dekho Majlis mein mere zikr ke aate hi uthe wo Badnaami-e-ushaaq ka a'zaaz to dekho Mehfil mein tum aghyaar ko duzdeeda nazar se Manzoor hai pinhaan na rahe raaz to dekho Is ghairat-e-naheed ki har taan hai deepak Shola sa lapak jaaye hai aawaaz to dekho Dein paaki-e-daaman ki gawaahi mere aansoo Is Yusuf-e-be-dard ka a'jaaz to dekho Jannat mein bhi Momin na mila haaye buton se Jaor-e-ajal-e-tafriqa-pardaaz to dekho

اثر اس کو ذرا نہیں ہوتا رنج راحت فزا نہیں ہوتا بے وفا کہنے کی شکایت ہے تو بھی وعدہ وفا نہیں ہوتا ذکر اغیار سے ہوا معلوم حرف ناصح برا نہیں ہوتا کس کو ہے ذوق تلخ کامی لیک جنگ بن کچھ مزا نہیں ہوتا تم ہمارے کسی طرح نہ ہوئے ورنہ دنیا میں کیا نہیں ہوتا اس نے کیا جانے کیا کیا لے کر دل کسی کام کا نہیں ہوتا امتحاں کیجیے مرا جب تک شوق زور آزما نہیں ہوتا ایک دشمن کہ چرخ ہے نہ رہے تجھ سے یہ اے دعا نہیں ہوتا آہ طول امل ہے روز فزوں گرچہ اک مدعا نہیں ہوتا تم مرے پاس ہوتے ہو گویا جب کوئی دوسرا نہیں ہوتا حال دل یار کو لکھوں کیوں کر ہاتھ دل سے جدا نہیں ہوتا رحم کر خصم جان غیر نہ ہو سب کا دل ایک سا نہیں ہوتا دامن اس کا جو ہے دراز تو ہو دست عاشق رسا نہیں ہوتا چارۂ دل سوائے صبر نہیں سو تمہارے سوا نہیں ہوتا کیوں سنے عرض مضطر مومنؔ صنم آخر خدا نہیں ہوتا

Asar us ko zara nahi hota Ranj raahat fiza nahi hota Be-wafa kehne ki shikaayat hai Tu bhi waada-wafa nahi hota Zikr aghyaar se hua maaloom Harf-e-naasih bura nahi hota Kis ko hai zauq-e-talkh kaami laik Jang bin kuch maza nahi hota Tum hamaare kisi tarah na huay Warna duniya mein kya nahi hota Us ne kya jaane kya kiya le kar Dil kisi kaam ka nahi hota Imtihaan keejiye mera jab tak Shauq zoor-aazma nahi hota Ek dushman ke charkh hai na rahe Tujh se yeh ae duaa nahi hota Aah tool-e-amal hai roz-fizoon Garchay ik mudda'aa nahi hota Tum mere paas hote ho goya Jab koi doosra nahi hota Haal-e-dil yaar ko likhoon kyun kar Haath dil se juda nahi hota Reham kar khasm-e-jaan ghair na ho Sab ka dil ek sa nahi hota Daaman us ka jo hai daraaz to ho Dast-e-aashiq rasaa nahi hota Chaarah-e-dil sawaaye sabr nahi So tumhaare siwa nahi hota Kyun sune arz-e-muztar Momin Sanam aakhir khuda nahi hota

وہ جو ہم میں تم میں قرار تھا تمہیں یاد ہو کہ نہ یاد ہو وہی یعنی وعدہ نباہ کا تمہیں یاد ہو کہ نہ یاد ہو وہ جو لطف مجھ پہ تھے بیشتر وہ کرم کہ تھا مرے حال پر مجھے سب ہے یاد ذرا ذرا تمہیں یاد ہو کہ نہ یاد ہو وہ نئے گلے وہ شکایتیں وہ مزے مزے کی حکایتیں وہ ہر ایک بات پہ روٹھنا تمہیں یاد ہو کہ نہ یاد ہو کبھی بیٹھے سب میں جو روبرو تو اشارتوں ہی سے گفتگو وہ بیان شوق کا برملا تمہیں یاد ہو کہ نہ یاد ہو ہوئے اتفاق سے گر بہم تو وفا جتانے کو دم بہ دم گلۂ ملامت اقربا تمہیں یاد ہو کہ نہ یاد ہو کوئی بات ایسی اگر ہوئی کہ تمہارے جی کو بری لگی تو بیاں سے پہلے ہی بھولنا تمہیں یاد ہو کہ نہ یاد ہو کبھی ہم میں تم میں بھی چاہ تھی کبھی ہم سے تم سے بھی راہ تھی کبھی ہم بھی تم بھی تھے آشنا تمہیں یاد ہو کہ نہ یاد ہو سنو ذکر ہے کئی سال کا کہ کیا اک آپ نے وعدہ تھا سو نباہنے کا تو ذکر کیا تمہیں یاد ہو کہ نہ یاد ہو کہا میں نے بات وہ کوٹھے کی مرے دل سے صاف اتر گئی تو کہا کہ جانے مری بلا تمہیں یاد ہو کہ نہ یاد ہو وہ بگڑنا وصل کی رات کا وہ نہ ماننا کسی بات کا وہ نہیں نہیں کی ہر آن ادا تمہیں یاد ہو کہ نہ یاد ہو جسے آپ گنتے تھے آشنا جسے آپ کہتے تھے با وفا میں وہی ہوں مومنؔ مبتلا تمہیں یاد ہو کہ نہ یاد ہو

Wo jo hum mein tum mein qaraar tha tumhein yaad ho ke na yaad ho Wahi yaani waada nibaah ka tumhein yaad ho ke na yaad ho Wo jo lutf mujh pe the beshtar wo karam ke tha mere haal par Mujhe sab hai yaad zara zara tumhein yaad ho ke na yaad ho Wo naye giley wo shikaayatein wo maze maze ki hikaayatein Wo har ek baat pe roothna tumhein yaad ho ke na yaad ho Kabhi baithe sab mein jo roobaro to ishaaraton hi se guftagu Wo bayaan-e-shauq ka barmala tumhein yaad ho ke na yaad ho Huay ittifaaq se gar baham to wafa jataane ko dum ba dum Gila-e-malaamat-e-aqraba tumhein yaad ho ke na yaad ho Koi baat aisi agar hui ke tumhaare ji ko buri lagi To bayaan se pehle hi bhoolna tumhein yaad ho ke na yaad ho Kabhi hum mein tum mein bhi chaah thi kabhi hum se tum se bhi raah thi Kabhi hum bhi tum bhi the aashna tumhein yaad ho ke na yaad ho Suno zikr hai kayi saal ka ke kiya ik aap ne waada tha So nibaahne ka to zikr kya tumhein yaad ho ke na yaad ho Kaha mein ne baat wo kothe ki mere dil se saaf utar gayi To kaha ke jaane meri balaa tumhein yaad ho ke na yaad ho Wo bigadna wasl ki raat ka wo na maanna kisi baat ka Wo nahi nahi ki har aan ada tumhein yaad ho ke na yaad ho Jise aap ginte the aashna jise aap kehte the ba-wafa Mein wahi hoon Momin-e-mubtala tumhein yaad ho ke na yaad ho

کس طرح چھوڑ دوں اے یار میں چاہت تیری میرے ایمان کا حاصل ہے محبت تیری جانے کیا بات ہے جلووں میں ترے جان جہاں یاد آتا ہے خدا دیکھ کے صورت تیری اب نگاہوں میں جچے گا نہ کوئی رنگ و جمال میری آنکھوں کو پسند آ گئی رنگت تیری اپنی قسمت پہ فرشتوں کی طرح ناز کروں مجھ پہ ہو جائے اگر چشم عنایت تیری حرم و دیر کے جلووں سے مجھے کیا مطلب شیشۂ دل میں اتر آئی ہے صورت تیری آستانے سے ترے سر نہ اٹھے گا میرا مدعا بن کے ملی ہے مجھے نسبت تیری میں فناؔ ہو کے پہنچ جاؤں گا تیرے در تک راہ دکھلانے لگی مجھ کو محبت تیری

Kis tarah chhod doon ae yaar mein chaahat teri Mere iimaan ka haasil hai mohabbat teri Jaane kya baat hai jalwon mein tare jaan-e-jahaan Yaad aata hai khuda dekh ke soorat teri Ab nigaahon mein jache ga na koi rang-o-jamaal Meri aankhon ko pasand aa gayi rangat teri Apni qismat pe farishton ki tarah naaz karoon Mujh pe ho jaaye agar chashm-e-inayat teri Haram-o-dair ke jalwon se mujhe kya matlab Sheesha-e-dil mein utar aayi hai soorat teri Aastaane se tare sar na uthe ga mera Mudda'aa ban ke mili hai mujhe nisbat teri Mein Fana ho ke pahunch jaaoon ga tere dar tak Raah dikhlaane lagi mujh ko mohabbat teri

یوں نہ آنکھیں بدل مجھ سے میرے صنم میں ترے در سے اٹھ کر کہاں جاؤں گا تو اگر مجھ سے دامن بچاتا رہا سر ترے در سے ٹکرا کے مر جاؤں گا ہو چکی ہیں زمانے میں رسوائیاں اب نگاہیں چرانے سے کیا فائدہ تو بھلا دے مجھے اپنے دل سے مگر میں جہاں جاؤں گا تیرا کہلاؤں گا چاند تاروں سے نظریں ملائے ہوئے کاٹ دوں گا شب ہجر میں اس طرح جب بھی فرقت کے لمحے ستم ڈھائیں گے میں تری یاد سے دل کو بہلاؤں گا اپنے دل پہ سہوں گا محبت کے غم تجھ کو بدنام ہونے نہ دوں گا کبھی یہ مرا ظرف ہے یہ مری بات ہے تجھ پہ الزام آیا تو مر جاؤں گا تیری خاطر سلیقے سے سجدہ کروں ہے یہی آرزو ہے یہی جستجو مجھ کو مل جائے گر تیرا نقش قدم میں عبادت میں معراج پا جاؤں گا پیار تجھ سے کیا ہے خدا کی قسم یہ تعلق کبھی ٹوٹ سکتا نہیں اپنی ہستی مٹا کر ترے عشق میں تیرے جلووں کا آئینہ بن جاؤں گا آج تم کو مرے دل سے نسبت نہیں میں فناؔ ہوں ذرا تم بھی یہ سوچ لو کل اگر تم مجھے ڈھونڈنے آؤ گے میں ستاروں کی دنیا میں کھو جاؤں گا جذبۂ عشق میرا سلامت رہے موت آئے گی خود لے کے جام بقا اے فناؔ ان کی الفت میں ہو کے فناؔ ہر قدم پر نئی زندگی پاؤں گا

Yoon na aankhein badal mujh se mere sanam mein tare dar se uth kar kahaan jaaoon ga Tu agar mujh se daaman bachaata raha sar tare dar se takra ke mar jaaoon ga Ho chuki hain zamaane mein ruswaiyaan ab nigaahein churaane se kya faayeda Tu bhula de mujhe apne dil se magar mein jahaan jaaoon ga tera kehlaaoon ga Chaand taaron se nazrein milaaye huay kaat doon ga shab-e-hijr mein is tarah Jab bhi furqat ke lamhe sitam dhaayein ge mein teri yaad se dil ko behlaaoon ga Apne dil pe sahoon ga mohabbat ke gham tujh ko badnaam hone na doon ga kabhi Yeh mera zarf hai yeh meri baat hai tujh pe ilzaam aaya to mar jaaoon ga Teri khaatir saleeqe se sajda karoon hai yehi aarzoo hai yehi justaju Mujh ko mil jaaye gar tera naqsh-e-qadam mein ibaadat mein me'raaj paa jaaoon ga Pyaar tujh se kiya hai khuda ki qasam yeh ta'alluq kabhi toot sakta nahi Apni hasti mita kar tare ishq mein tere jalwon ka aaina ban jaaoon ga Aaj tum ko mere dil se nisbat nahi mein Fana hoon zara tum bhi yeh soch lo Kal agar tum mujhe dhoondne aao ge mein sitaaron ki duniya mein kho jaaoon ga Jazba-e-ishq mera salaamat rahe maut aaye gi khud le ke jaam-e-baqaa Ae Fana un ki ulfat mein ho ke Fana har qadam par nayi zindagi paaoon ga

ہے وجہ کوئی خاص مری آنکھ جو نم ہے بس اتنا سمجھتا ہوں کہ یہ ان کا کرم ہے یہ عشق کی معراج ہے یا ان کا کرم ہے ہر وقت مرے سامنے تصویر صنم ہے کعبے سے تعلق ہے نہ بت خانے کا غم ہے حاصل مرے سجدوں کا ترا نقش قدم ہے دیوانوں پہ کس درجہ ترا لطف و کرم ہے بخشا ہے جو غم تو نے وہی حاصل غم ہے سر جب سے جھکایا ہے در یار پہ میں نے محراب خودی جلوہ گہہ شمع حرم ہے کیا کام زمانے سے اسے اے شہ خوباں تقدیر میں جس کی تری فرقت کا الم ہے کونین بدل جائے مگر تو نہ بدلنا تیرے ہی سبب اہل محبت کا بھرم ہے پلکوں پہ بکھرتے ہیں تری یاد کے موتی ہر اشک ندامت ترا انداز کرم ہے ظاہر میں کوئی کعبہ کوئی دیر و کلیسا باطن میں ہر اک چیز ترا نقش قدم ہے کر اپنی نظر سے مرے ایمان کا سودا اے دوست تجھے میری محبت کی قسم ہے یہ عمر گزر جائے مگر ہوش نہ آئے سر شوق عبادت میں در یار پہ خم ہے اے دوست ترے عشق میں پہنچا ہوں یہاں تک آنکھوں میں صنم خانہ ہے سینے میں حرم ہے کس طرح فناؔ چھوڑوں صنم خانۂ الفت حاصل مرے ایمان کا دیدار صنم ہے دنیا سے نرالی ہے فناؔ مقتل الفت اس مقتل الفت میں جو سر ہے وہ قلم ہے

Hai wajah koi khaas meri aankh jo nam hai Bas itna samajhta hoon ke yeh un ka karam hai Yeh ishq ki me'raaj hai ya un ka karam hai Har waqt mere saamne tasveer-e-sanam hai Kaabe se ta'alluq hai na but-khaane ka gham hai Haasil mere sajdon ka tera naqsh-e-qadam hai Deewanon pe kis darja tera lutf-o-karam hai Bakhsha hai jo gham tu ne wahi haasil-e-gham hai Sar jab se jhukaya hai dar-e-yaar pe main ne Mehraab-e-khudi jalwa-gah-e-shama-e-haram hai Kya kaam zamane se use ae shah-e-khooba(n) Taqdeer mein jis ki teri furqat ka alam hai Kounain badal jaaye magar tu na badalna Tere hi sabab ahl-e-mohabbat ka bharam hai Palkon pe bikharte hain teri yaad ke moti Har ashk-e-nadamat tera andaaz-e-karam hai Zaahir mein koi Kaaba koi dair-o-kaleesa Baatin mein har ik cheez tera naqsh-e-qadam hai Kar apni nazar se mere iimaan ka sauda Ae dost tujhe meri mohabbat ki qasam hai Yeh umr guzar jaaye magar hosh na aaye Sar shauq-e-ibadat mein dar-e-yaar pe kham hai Ae dost tere ishq mein pohancha hoon yahan tak Aankhon mein sanam-khana hai seene mein haram hai Kis tarah Fana chhoroon sanam-khana-e-ulfat Haasil mere iimaan ka deedaar-e-sanam hai Duniya se niraali hai Fana maqtal-e-ulfat Is maqtal-e-ulfat mein jo sar hai woh qalam hai

آنکھ اٹھی محبت نے انگڑائی لی دل کا سودا ہوا چاندنی رات میں ان کی نظروں نے کچھ ایسا جادو کیا لٹ گئے ہم تو پہلی ملاقات میں ساتھ اپنا وفا میں نہ چھوٹے کبھی پیار کی ڈور بندھ کر نہ ٹوٹے کبھی چھوٹ جائے زمانہ کوئی غم نہیں ہاتھ تیرا رہے بس مرے ہاتھ میں رت ہے برسات کی دیکھو ضد مت کرو رات اندھیری ہے بادل ہیں چھائے ہوئے رک بھی جاؤ صنم تم کو میری قسم اب کہاں جاؤ گے ایسی برسات میں ہے تیری یاد اس دل میں لپٹی ہوئی ہر گھڑی ہے تصور ترے حسن کا تیری الفت کا پہرہ لگا ہے صنم کون آئے گا میرے خیالات میں

Aankh uthi mohabbat ne angrai li, dil ka sauda hua chandni raat mein Un ki nazron ne kuch aisa jadoo kiya, lut gaye hum to pehli mulaqat mein Saath apna wafa mein na choote kabhi, pyaar ki dore bandh kar na toote kabhi Choot jaye zamana koi gham nahi, haath tera rahe bas mere haath mein Rut hai barsaat ki dekho zid mat karo, raat andheri hai baadal hain chaaye huay Ruk bhi jao sanam tum ko meri qasam, ab kahan jaoge aisi barsaat mein Hai teri yaad is dil mein lipti hui, har ghadi hai tasawwur tere husn ka Teri ulfat ka pehra laga hai sanam, kaun aayega mere khayaalat mein

آپ بیٹھے ہیں بالیں پہ میری موت کا زور چلتا نہیں ہے موت مجھ کو گوارا ہے لیکن کیا کروں دم نکلتا نہیں ہے یہ ادا یہ نزاکت بھرا سن میرا دل تم پہ قربان لیکن کیا سنبھالو گے تم میرے دل کو جب یہ آنچل سنبھلتا نہیں ہے میرے نالوں کی سن کر زبانیں ہو گئی موم کتنی چٹانیں میں نے پگھلا دیا پتھروں کو اک تیرا دل پگھلتا نہیں ہے شیخ جی کی نصیحت بھی اچھی بات واعظ کی بھی خوب لیکن جب بھی چھاتی ہیں کالی گھٹائیں بن پئے کام چلتا نہیں ہے دیکھ لے میری میت کا منظر لوگ کاندھا بدلتے چلے ہیں ایک تیری بھی ڈولی چلی ہے کوئی کاندھا بدلتا نہیں ہے میکدے کے سبھی پینے والے لڑکھڑا کر سنبھلتے ہیں لیکن تیری نظروں کا جو جام پی لے عمر بھر وہ سنبھلتا نہیں ہے

Aap baithe hain baalin pe meri, maut ka zor chalta nahi hai Maut mujh ko gawara hai lekin, kya karoon dam nikalta nahi hai Yeh ada yeh nazakat bhara sin, mera dil tum pe qurban lekin Kya sambhalo ge tum mere dil ko, jab yeh aanchal sambhalta nahi hai Mere naalon ki sun kar zabanein, ho gayeen mom kitni chatanein Main ne pighla diya pattharon ko, ik tera dil pighlta nahi hai Shaikh ji ki nasihat bhi acchi, baat waaiz ki bhi khoob lekin Jab bhi chhaati hain kaali ghataayein, bin piye kaam chalta nahi hai Dekh le meri mayyat ka manzar, log kaandha badalte chale hain Ek teri bhi doli chali hai, koi kaandha badalta nahi hai Maikade ke sabhi peene wale, larkhara kar sambhalte hain lekin Teri nazron ka jo jaam pee le, umr bhar woh sambhalta nahi hai

اب کے ہم بچھڑے تو شاید کبھی خوابوں میں ملیں جس طرح سوکھے ہوئے پھول کتابوں میں ملیں ڈھونڈ اجڑے ہوئے لوگوں میں وفا کے موتی یہ خزانے تجھے ممکن ہے خرابوں میں ملیں غم دنیا بھی غم یار میں شامل کر لو نشہ بڑھتا ہے شرابیں جو شرابوں میں ملیں تو خدا ہے نہ مرا عشق فرشتوں جیسا دونوں انساں ہیں تو کیوں اتنے حجابوں میں ملیں آج ہم دار پہ کھینچے گئے جن باتوں پر کیا عجب کل وہ زمانے کو نصابوں میں ملیں اب نہ وہ میں نہ وہ تو ہے نہ وہ ماضی ہے فرازؔ جیسے دو شخص تمنا کے سرابوں میں ملیں

Ab ke hum bichhde to shayad kabhi khwabon mein milen jis tarah sukhe hue phul kitabon mein milen dhundh ujde hue logon mein wafa ke moti ye KHazane tujhe mumkin hai kharabon mein milen gham-e-duniya bhi gham-e-yar mein shamil kar lo nashsha badhta hai sharaben jo sharabon mein milen tu khuda hai na mera ishq farishton jaisa donon insan hain to kyun itne hijabon mein milen aaj hum dar pe khinche gae jin baaton par kya ajab kal wo zamane ko nisabon mein milen ab na wo main na wo tu hai na wo mazi hai 'faraaz' jaise do shaKHs tamanna ke sarabon mein milen

رنجش ہی سہی دل ہی دکھانے کے لیے آ آ پھر سے مجھے چھوڑ کے جانے کے لیے آ کچھ تو مرے پندار محبت کا بھرم رکھ تو بھی تو کبھی مجھ کو منانے کے لیے آ پہلے سے مراسم نہ سہی پھر بھی کبھی تو رسم و رہ دنیا ہی نبھانے کے لیے آ کس کس کو بتائیں گے جدائی کا سبب ہم تو مجھ سے خفا ہے تو زمانے کے لیے آ اک عمر سے ہوں لذت گریہ سے بھی محروم اے راحت جاں مجھ کو رلانے کے لیے آ اب تک دل خوش فہم کو تجھ سے ہیں امیدیں یہ آخری شمعیں بھی بجھانے کے لیے آ

Ranjish hi sahi dil hi dukhane ke liye aa aa phir se mujhe chhoD ke jaane ke liye aa kuchh to mere pindar-e-mohabbat ka bharam rakh tu bhi to kabhi mujh ko manane ke liye aa pahle se marasim na sahi phir bhi kabhi to rasm-o-rah-e-duniya hi nibhane ke liye aa kis kis ko bataenge judai ka sabab hum tu mujh se KHafa hai to zamane ke liye aa ek 'umr se hun lazzat-e-girya se bhi mahrum ai rahat-e-jaan mujh ko rulane ke liye aa ab tak dil-e-KHush-fahm ko tujh se hain umiden ye aaKHiri sham'en bhi bujhane ke liye aa

سنا ہے لوگ اسے آنکھ بھر کے دیکھتے ہیں سو اس کے شہر میں کچھ دن ٹھہر کے دیکھتے ہیں سنا ہے ربط ہے اس کو خراب حالوں سے سو اپنے آپ کو برباد کر کے دیکھتے ہیں سنا ہے درد کی گاہک ہے چشم ناز اس کی سو ہم بھی اس کی گلی سے گزر کے دیکھتے ہیں سنا ہے اس کو بھی ہے شعر و شاعری سے شغف سو ہم بھی معجزے اپنے ہنر کے دیکھتے ہیں سنا ہے بولے تو باتوں سے پھول جھڑتے ہیں یہ بات ہے تو چلو بات کر کے دیکھتے ہیں سنا ہے رات اسے چاند تکتا رہتا ہے ستارے بام فلک سے اتر کے دیکھتے ہیں سنا ہے دن کو اسے تتلیاں ستاتی ہیں سنا ہے رات کو جگنو ٹھہر کے دیکھتے ہیں سنا ہے حشر ہیں اس کی غزال سی آنکھیں سنا ہے اس کو ہرن دشت بھر کے دیکھتے ہیں سنا ہے رات سے بڑھ کر ہیں کاکلیں اس کی سنا ہے شام کو سائے گزر کے دیکھتے ہیں سنا ہے اس کی سیہ چشمگی قیامت ہے سو اس کو سرمہ فروش آہ بھر کے دیکھتے ہیں سنا ہے اس کے لبوں سے گلاب جلتے ہیں سو ہم بہار پہ الزام دھر کے دیکھتے ہیں سنا ہے آئنہ تمثال ہے جبیں اس کی جو سادہ دل ہیں اسے بن سنور کے دیکھتے ہیں سنا ہے جب سے حمائل ہیں اس کی گردن میں مزاج اور ہی لعل و گہر کے دیکھتے ہیں سنا ہے چشم تصور سے دشت امکاں میں پلنگ زاویے اس کی کمر کے دیکھتے ہیں سنا ہے اس کے بدن کی تراش ایسی ہے کہ پھول اپنی قبائیں کتر کے دیکھتے ہیں وہ سرو قد ہے مگر بے گل مراد نہیں کہ اس شجر پہ شگوفے ثمر کے دیکھتے ہیں بس اک نگاہ سے لٹتا ہے قافلہ دل کا سو رہروان تمنا بھی ڈر کے دیکھتے ہیں سنا ہے اس کے شبستاں سے متصل ہے بہشت مکیں ادھر کے بھی جلوے ادھر کے دیکھتے ہیں رکے تو گردشیں اس کا طواف کرتی ہیں چلے تو اس کو زمانے ٹھہر کے دیکھتے ہیں کسے نصیب کہ بے پیرہن اسے دیکھے کبھی کبھی در و دیوار گھر کے دیکھتے ہیں کہانیاں ہی سہی سب مبالغے ہی سہی اگر وہ خواب ہے تعبیر کر کے دیکھتے ہیں اب اس کے شہر میں ٹھہریں کہ کوچ کر جائیں فرازؔ آؤ ستارے سفر کے دیکھتے ہیں

Suna hai log use aankh bhar ke dekhte hain so us ke shahr mein kuchh din thahar ke dekhte hain suna hai rabt hai us ko kharab-haalon se so apne aap ko barbaad kar ke dekhte hain suna hai dard ki gahak hai chashm-e-naz us ki so hum bhi us ki gali se guzar ke dekhte hain suna hai us ko bhi hai sher o shairi se shaghaf so hum bhi moajize apne hunar ke dekhte hain suna hai bole to baaton se phul jhaDte hain ye baat hai to chalo baat kar ke dekhte hain suna hai raat use chand takta rahta hai sitare baam-e-falak se utar ke dekhte hain suna hai din ko use titliyan satati hain suna hai raat ko jugnu Thahar ke dekhte hain suna hai hashr hain us ki ghazal si aankhen suna hai us ko hiran dasht bhar ke dekhte hain suna hai raat se baDh kar hain kakulen us ki suna hai sham ko sae guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulab jalte hain so hum bahaar pe ilzam dhar ke dekhte hain suna hai aaina timsal hai jabin us ki jo sada dil hain use ban-sanwar ke dekhte hain suna hai jab se hamail hain us ki gardan mein mizaj aur hi lal o guhar ke dekhte hain suna hai chashm-e-tasawwur se dasht-e-imkan mein palang zawiye us ki kamar ke dekhte hain suna hai us ke badan ki tarash aisi hai ki phul apni qabaen katar ke dekhte hain wo sarw-qad hai magar be-gul-e-murad nahin ki us shajar pe shagufe samar ke dekhte hain bas ek nigah se luTta hai qafila dil ka so rah-rawan-e-tamanna bhi Dar ke dekhte hain suna hai us ke shabistan se muttasil hai bahisht makin udhar ke bhi jalwe idhar ke dekhte hain ruke to gardishen us ka tawaf karti hain chale to us ko zamane Thahar ke dekhte hain kise nasib ki be-pairahan use dekhe kabhi kabhi dar o diwar ghar ke dekhte hain kahaniyan hi sahi sab mubaalghe hi sahi agar wo KHwab hai tabir kar ke dekhte hain ab us ke shahr mein thahren ki kuch kar jaen 'faraaz' aao sitare safar ke dekhte hain

لٹی ہو گئیں سب تدبیریں کچھ نہ دوا نے کام کیا دیکھا اس بیماری دل نے آخر کام تمام کیا عہد جوانی رو رو کاٹا پیری میں لیں آنکھیں موند یعنی رات بہت تھے جاگے صبح ہوئی آرام کیا حرف نہیں جاں بخشی میں اس کی خوبی اپنی قسمت کی ہم سے جو پہلے کہہ بھیجا سو مرنے کا پیغام کیا ناحق ہم مجبوروں پر یہ تہمت ہے مختاری کی چاہتے ہیں سو آپ کریں ہیں ہم کو عبث بدنام کیا سارے رند اوباش جہاں کے تجھ سے سجود میں رہتے ہیں بانکے ٹیڑھے ترچھے تیکھے سب کا تجھ کو امام کیا سرزد ہم سے بے ادبی تو وحشت میں بھی کم ہی ہوئی کوسوں اس کی اور گئے پر سجدہ ہر ہر گام کیا کس کا کعبہ کیسا قبلہ کون حرم ہے کیا احرام کوچے کے اس کے باشندوں نے سب کو یہیں سے سلام کیا شیخ جو ہے مسجد میں ننگا رات کو تھا مے خانے میں جبہ خرقہ کرتا ٹوپی مستی میں انعام کیا کاش اب برقعہ منہ سے اٹھا دے ورنہ پھر کیا حاصل ہے آنکھ مندے پر ان نے گو دیدار کو اپنے عام کیا یاں کے سپید و سیہ میں ہم کو دخل جو ہے سو اتنا ہے رات کو رو رو صبح کیا یا دن کو جوں توں شام کیا صبح چمن میں اس کو کہیں تکلیف ہوا لے آئی تھی رخ سے گل کو مول لیا قامت سے سرو غلام کیا ساعد سیمیں دونوں اس کے ہاتھ میں لا کر چھوڑ دیئے بھولے اس کے قول و قسم پر ہائے خیال خام کیا کام ہوئے ہیں سارے ضائع ہر ساعت کی سماجت سے استغنا کی چوگنی ان نے جوں جوں میں ابرام کیا ایسے آہوئے رم خوردہ کی وحشت کھونی مشکل تھی سحر کیا اعجاز کیا جن لوگوں نے تجھ کو رام کیا میرؔ کے دین و مذہب کو اب پوچھتے کیا ہو ان نے تو قشقہ کھینچا دیر میں بیٹھا کب کا ترک اسلام کیا

Ulti ho gain sab tadbiren kuchh na dawa ne kaam kiya dekha is bimari-e-dil ne aaKHir kaam tamam kiya ahd-e-jawani ro ro kaTa piri mein lin aankhen mund yani raat bahut the jage subh hui aaram kiya harf nahin jaan-bakhshi mein us ki Khubi apni qismat ki hum se jo pahle kah bheja so marne ka paigham kiya nahaq hum majburon par ye tohmat hai mukhtari ki chahte hain so aap karen hain hum ko abas badnam kiya sare rind aubash jahan ke tujh se sujud mein rahte hain banke TeDhe tirchhe tikhe sab ka tujh ko imam kiya sarzad hum se be-adabi to wahshat mein bhi kam hi hui koson us ki or gae par sajda har har gam kiya kis ka kaba kaisa qibla kaun haram hai kya ehram kuche ke us ke bashindon ne sab ko yahin se salam kiya shaikh jo hai masjid mein nanga raat ko tha mai-khane mein jubba KHirqa kurta Topi masti mein inam kiya kash ab burqa munh se uTha de warna phir kya hasil hai aankh munde par un ne go didar ko apne aam kiya yan ke sapid o siyah mein hum ko daKHl jo hai so itna hai raat ko ro ro subh kiya ya din ko jun tun sham kiya subh chaman mein us ko kahin taklif-e-hawa le aai thi ruKH se gul ko mol liya qamat se sarw ghulam kiya saad-e-simin donon us ke hath mein la kar chhod diye bhule us ke qaul-o-qasam par hae KHayal-e-KHam kiya kaam hue hain sare zaea har saat ki samajat se istighna ki chauguni un ne jun jun main ibram kiya aise aahu-e-ram-khurda ki wahshat khoni mushkil thi sehr kiya eajaz kiya jin logon ne tujh ko ram kiya 'mir' ke din-o-mazhab ko ab puchhte kya ho un ne to qashqa khincha dair mein baitha kab ka tark islam kiya

نیا اک رشتہ پیدا کیوں کریں ہم بچھڑنا ہے تو جھگڑا کیوں کریں ہم خموشی سے ادا ہو رسم دوری کوئی ہنگامہ برپا کیوں کریں ہم یہ کافی ہے کہ ہم دشمن نہیں ہیں وفا داری کا دعویٰ کیوں کریں ہم وفا اخلاص قربانی محبت اب ان لفظوں کا پیچھا کیوں کریں ہم سنا دیں عصمت مریم کا قصہ پر اب اس باب کو وا کیوں کریں ہم زلیخائے عزیزاں بات یہ ہے بھلا گھاٹے کا سودا کیوں کریں ہم ہماری ہی تمنا کیوں کرو تم تمہاری ہی تمنا کیوں کریں ہم کیا تھا عہد جب لمحوں میں ہم نے تو ساری عمر ایفا کیوں کریں ہم اٹھا کر کیوں نہ پھینکیں ساری چیزیں فقط کمروں میں ٹہلا کیوں کریں ہم جو اک نسل فرومایہ کو پہنچے وہ سرمایہ اکٹھا کیوں کریں ہم نہیں دنیا کو جب پروا ہماری تو پھر دنیا کی پروا کیوں کریں ہم برہنہ ہیں سر بازار تو کیا بھلا اندھوں سے پردہ کیوں کریں ہم ہیں باشندے اسی بستی کے ہم بھی سو خود پر بھی بھروسا کیوں کریں ہم چبا لیں کیوں نہ خود ہی اپنا ڈھانچہ تمہیں راتب مہیا کیوں کریں ہم پڑی رہنے دو انسانوں کی لاشیں زمیں کا بوجھ ہلکا کیوں کریں ہم یہ بستی ہے مسلمانوں کی بستی یہاں کار مسیحا کیوں کریں ہم

naya ek rishta paida kyun karen hum bichhaDna hai to jhagDa kyun karen hum KHamoshi se ada ho rasm-e-duri koi hangama barpa kyun karen hum ye kafi hai ki hum dushman nahin hain wafa-dari ka dawa kyun karen hum wafa iKHlas qurbani mohabbat ab in lafzon ka pichha kyun karen hum suna den ismat-e-mariyam ka qissa par ab is bab ko wa kyon karen hum zuleKHa-e-azizan baat ye hai bhala ghaTe ka sauda kyon karen hum hamari hi tamanna kyun karo tum tumhaari hi tamanna kyun karen hum kiya tha ahd jab lamhon mein hum ne to sari umr ifa kyun karen hum uTha kar kyon na phenken sari chizen faqat kamron mein Tahla kyon karen hum jo ek nasl-e-faromaya ko pahunche wo sarmaya ikaTTha kyon karen hum nahin duniya ko jab parwa hamari to phir duniya ki parwa kyun karen hum barahna hain sar-e-bazar to kya bhala andhon se parda kyon karen hum hain bashinde usi basti ke hum bhi so KHud par bhi bharosa kyon karen hum chaba len kyon na KHud hi apna Dhancha tumhein raatib muhayya kyon karen hum paDi rahne do insanon ki lashen zamin ka bojh halka kyon karen hum ye basti hai musalmanon ki basti yahan kar-e-masiha kyun karen hum

دونوں جہان تیری محبت میں ہار کے وہ جا رہا ہے کوئی شب غم گزار کے ویراں ہے مے کدہ خم و ساغر اداس ہیں تم کیا گئے کہ روٹھ گئے دن بہار کے اک فرصت گناہ ملی وہ بھی چار دن دیکھے ہیں ہم نے حوصلے پروردگار کے دنیا نے تیری یاد سے بیگانہ کر دیا تجھ سے بھی دل فریب ہیں غم روزگار کے بھولے سے مسکرا تو دیے تھے وہ آج فیضؔ مت پوچھ ولولے دل ناکردہ کار کے

donon jahan teri mohabbat mein haar ke wo ja raha hai koi shab-e-gham guzar ke viran hai mai-kada KHum-o-saghar udas hain tum kya gae ki ruTh gae din bahaar ke ek fursat-e-gunah mili wo bhi chaar din dekhe hain hum ne hausle parwardigar ke duniya ne teri yaad se begana kar diya tujh se bhi dil-fareb hain gham rozgar ke bhule se muskura to diye the wo aaj 'faiz' mat puchh walwale dil-e-na-karda-kar ke