گہ گل ہے گاہ رنگ گہے باغ کی ہے بو آتا نہیں نظر وہ طرح دار ایک طرح

Geh gul hai gah rang gahe bagh ki hai bu Aata nahin nazar woh tarah-dar ek tarah

یہ بخت سبز دیکھو باغ زمانہ میں سے پژمردہ گل بھی اپنی دستار تک نہ پہنچا

Yeh Bakht-e-Sabz Dekho Bagh-e-Zamana Mein Se Pazmurda Gul Bhi Apni Dastar Tak Na Pahuncha

یوسف سے لے کے تا گل پھر گل سے لے کے تا‌ شمع یہ حسن کس کو لے کر بازار تک نہ پہنچا

Yousuf Se Le Ke Ta Gul Phir Gul Se Le Ke Ta Shama Yeh Husn Kis Ko Le Kar Bazar Tak Na Pahuncha

گل شرم سے بہہ جائے گا گلشن میں ہو کر آب سا برقعے سے گر نکلا کہیں چہرہ ترا مہتاب سا

Gul sharm se beh jaye ga gulshan mein ho kar aab sa Burqay se gar nikla kahin chehra tera mehtab sa

گل برگ کا یہ رنگ ہے مرجاں کا ایسا ڈھنگ ہے دیکھو نہ جھمکے ہے پڑا وہ ہونٹ لعل ناب سا

Gul-barg ka yeh rang hai marjaan ka aisa dhang hai Dekho na jhumke hai para woh hont laal-e-naab sa

کچھ گل سے ہیں شگفتہ کچھ سرو سے ہیں قد کش اس کے خیال میں ہم دیکھے ہیں خواب کیا کیا

Kuch gul se hain shagufta kuch sarv se hain qad-kash Us ke khayal mein hum dekhe hain khwab kya kya

لطف قبائے تنگ پہ گل کا بجا ہے ناز دیکھی نہیں ہے ان نے تری چولی چس رہی

Lutf-e-qaba-e-tang pe gul ka baja hai naaz Dekhi nahin hai un ne teri choli kas rahi

یک نگہ کو وفا نہ کی گویا موسم گل صفیر بلبل تھا

Yak nigah ko wafa na ki goya Mausam-e-gul safeer-e-bulbul tha

خوب دریافت جو کیا ہم نے وقت خوش میرؔ نکہت گل تھا

Khoob daryaft jo kiya hum ne Waqt-e-khush Meer nukhat-e-gul tha

سو بار ہم نے گل کے کہے پر چمن کے بیچ بھر دی ہیں آب چشم سے راتوں کو کیاریاں

Sau baar hum ne gul ke kahe par chaman ke beech Bhar di hain aab-e-chashm se raton ko kiyariyan

گل نے ہزار رنگ سخن سر کیا ولے دل سے گئیں نہ باتیں تری پیاری پیاریاں

Gul ne hazaar rang-e-sukhan sar kiya wale Dil se gayin na baatein teri pyari pyariyan

اب کی ہوائے گل میں سیرابی ہے نہایت جوے چمن پہ سبزہ مژگان چشم تر ہے

Ab ki hawa-e-gul mein sairabi hai nihayat Joo-e-chaman pe sabza-e-mizgan-e-chashm-e-tar hai

اے ہم صفیر بے گل کس کو دماغ نالہ مدت ہوئی ہماری منقار زیر پر ہے

Ae hum-safeer be-gul kis ko dimagh-e-nala Muddat hui hamari minqar zer-e-par hai

ابلہ ہے وہ جو ہووے خریدار گل رخاں اس سودے میں صریح ہے نقصان جان کا

Abla hai wo jo howe kharidar gul-rukhán Is saude mein sareeh hai nuqsan jaan ka

یاں بلبل اور گل پہ تو عبرت سے آنکھ کھول گل گشت سرسری نہیں اس گلستان کا

Yan bulbul aur gul pe to ibrat se aankh khol Gul-gasht sarsari nahi is gulistan ka

گل یادگار چہرۂ خوباں ہے بے خبر مرغ چمن نشاں ہے کسو خوش زبان کا

Gul yadgar chehra-e-khuban hai be-khabar Murgh-e-chaman nishan hai kasu khush-zaban ka

گرمی سے میں تو آتش غم کی پگھل گیا راتوں کو روتے روتے ہی جوں شمع گل گیا

Garmi se main to aatish-e-gham ki pighal gaya Raaton ko rote rote hi joon shama gul gaya

اے گل نو دمیدہ کے مانند ہے تو کس آفریدہ کے مانند

Ae gul-e-nau-damida ke manind hae tu kis afrida ke manind

گل کھلے صد رنگ تو کیا بے پری سے اے نسیم مدتیں گزریں کہ وہ گلزار کا جانا گیا

Gul khile sad-rang to kya be-pari se aye naseem Muddatein guzrein ke woh gulzar ka jaana gaya

فصل خزاں میں سیر جو کی ہم نے جائے گل چھانی چمن کی خاک نہ تھا نقش پائے گل

Fasl-e-Khizaan Mein Sair Jo Ki Hum Ne Jaaye Gul Chhaani Chaman Ki Khaak Na Tha Naqsh-e-Paaye Gul

اللہ رے عندلیب کی آواز دل خراش جی ہی نکل گیا جو کہا ان نے ہائے گل

Allah Re Andaleeb Ki Aawaaz Dil-Kharaash Jee Hi Nikal Gaya Jo Kaha Un Ne Haaye Gul

مقدور تک شراب سے رکھ انکھڑیوں میں رنگ یہ چشمک پیالہ ہے ساقی ہوائے گل

Maqdoor Tak Sharaab Se Rakh Aankhriyon Mein Rang Yeh Chashmak-e-Pyaala Hai Saaqi Hawaaye Gul

یہ دیکھ سینہ داغ سے رشک چمن ہے یاں بلبل ستم ہوا نہ جو تو نے بھی کھائے گل

Yeh Dekh Seena Daagh Se Rashk-e-Chaman Hai Yaan Bulbul Sitam Hua Na Jo Tu Ne Bhi Khaaye Gul

بلبل ہزار جی سے خریدار اس کی ہے اے گل فروش کریو سمجھ کر بہائے گل

Bulbul Hazaar Jee Se Khareedaar Is Ki Hai Ae Gul-Farosh Kariyo Samajh Kar Bahaaye Gul

نکلا ہے ایسی خاک سے کس سادہ رو کی یہ قابل درود بھیجنے کے ہے صفائے گل

Nikla Hai Aisi Khaak Se Kis Saada-Ru Ki Yeh Qaabil-e-Durood Bhejne Ke Hai Safaaye Gul

بارے سرشک سرخ کے داغوں سے رات کو بستر پر اپنے سوتے تھے ہم بھی بچھائے گل

Baare Sarashk-e-Surkh Ke Daagon Se Raat Ko Bistar Par Apne Sote Thay Hum Bhi Bichhaaye Gul

آ عندلیب صلح کریں جنگ ہو چکی لے اے زباں دراز تو سب کچھ سوائے گل

Aan Andaleeb Sulah Karein Jang Ho Chuki Le Ae Zabaan-Daraaz Tu Sab Kuch Siwaaye Gul

گلچیں سمجھ کے چنیو کہ گلشن میں میرؔ کے لخت جگر پڑے ہیں نہیں برگ ہائے گل

Gulcheen Samajh Ke Chuniyo Ke Gulshan Mein Meer Ke Lakht-e-Jigar Pade Hain Nahin Barg-Haaye Gul

دی آگ رنگ گل نے واں اے صبا چمن کو یاں ہم جلے قفس میں سن حال آشیاں کا

De aag rang-e-gul ne waan ae saba chaman ko Yaan hum jale qafas mein sun haal-e-aashiyan ka

صد رنگ جلوہ گر ہے ہر جادہ غیرت گل عاشق کی ایک پاوے کیوں کر قرار خواہش

Sad rang jalwa gar hai har jaada ghairat-e-gul Aashiq ki ek paave kyun kar qaraar khwahish

گل و بلبل بہار میں دیکھا ایک تجھ کو ہزار میں دیکھا

Gul-o-bulbul bahaar mein dekha Ek tujh ko hazaar mein dekha

گل دیکھ کر چمن میں تجھ کو کھلا ہی جا ہے یعنی ہزار جی سے قربان ہو رہا ہے

Gul dekh kar chaman mein tujh ko khila hi jave yaani hazaar jee se qurban ho raha hai

مری دل لگی اس کے رو سے ہی ہے گل تر سے کچھ آشنائی نہیں

Meri dil-lagi us ke ru se hi hai gul-e-tar se kuch aashnai nahi

پژمردہ بہت ہے گل گلزار ہمارا شرمندۂ یک گوشۂ دستار نہ ہووے

Pazmurda bahut hai gul-e-gulzar hamara Sharminda-e-yak gosha-e-dastar na howe

بیٹھنا غیروں میں کب ہے ننگ یار پھول گل ہوتے ہی ہیں خاروں کے بیچ

Baithna ghairon mein kab hai nang-e-yaar Phool gul hote hi hain kharon ke beech

مربوط ہیں تجھ سے بھی یہی ناکس و نااہل اس باغ میں ہم نے گل‌ بے خار نہ پایا

Marboot hain tujh se bhi yehi na-kas o na-ahl Is baagh mein hum ne gul-e-be-khaar na paya

مہر و مہ گل پھول سب تھے پر ہمیں چہرئی چہرہ ہی وہ بھاتا رہا

Mihr-o-mah gul phool sab the par hamein Chehra-e-chehra hi wo bhaata raha

آگے جمال یار کے معذور ہو گیا گل اک چمن میں دیدۂ بے نور ہو گیا

Aage jamaal-e-yaar ke mazoor ho gaya Gul ik chaman mein deeda-e-be-noor ho gaya

ذکر گل کیا ہے صبا اب کہ خزاں میں ہم نے دل کو ناچار لگایا ہے خس و خار کے ساتھ

Zikr-e-gul kya hai saba ab ke khizaan mein hum ne Dil ko naachaar lagaaya hai khas-o-khaar ke saath

مضطرب گریہ ناک ہے یہ گل برق ابر بہار ہیں ہم بھی

Muzatarib girya-naak hai yeh gul Barq-e-abr-e-bahaar hain hum bhi

گل و آئینہ کیا خورشید و مہ کیا جدھر دیکھا تدھر تیرا ہی رو تھا

Gul-o-aaina kya khursheed-o-mah kya Jidhar dekha udhar tera hi ru tha

مگر دیوانہ تھا گل بھی کسو کا کہ پیراہن میں سو جاگا رفو تھا

Magar deewana tha gul bhi kiso ka Ke pairahan mein so jaaga rafu tha

جس چمن زار کا ہے تو گل تر بلبل اس گلستاں کے ہم بھی ہیں

Jis chaman-zaar ka hai tu gul-tar Bulbul is gulistaan ke hum bhi hain

میرؔ اب بہار آئی صحرا میں چل جنوں کر کوئی بھی فصل گل میں نادان گھر رہے ہے

Meer ab bahaar aayi sahra mein chal junoon kar Koi bhi fasl-e-gul mein naadaan ghar rahe hai

گل کو محبوب ہم قیاس کیا فرق نکلا بہت جو پاس کیا

Gul ko mahboob hum qiyaas kiya Farq nikla bahut jo paas kiya

چمن میں گل نے جو کل دعوی جمال کیا جمال یار نے منہ اس کا خوب لال کیا

Chaman mein gul ne jo kal dawa-e-jamaal kiya Jamaal-e-yaar ne munh us ka khoob laal kiya

صبا اودھر گل اودھر سرو اودھر اسی کی باغ میں اب تو ہوا ہے

Saba udhar gul udhar sarw udhar Usi ki baagh mein ab to hawa hai

اب جہاں آفتاب میں ہم ہیں یاں کبھو سرو و گل کے سائے تھے

Ab jahaan aaftaab mein hum hain Yaan kabhu sarw-o-gul ke saaye the

ساقی ٹک ایک موسم گل کی طرف بھی دیکھ ٹپکا پڑے ہے رنگ چمن میں ہوا سے آج

Saaqi tuk ek mausam-e-gul ki taraf bhi dekh Tapka pare hai rang chaman mein hawa se aaj

برنگ بوئے گل اس باغ کے ہم آشنا ہوتے کہ ہم راہ صبا ٹک سیر کرتے پھر ہوا ہوتے

Ba-rang-e-boo-e-gul is baagh ke hum aashna hote Ke hum raah-e-saba tuk sair karte phir hawa hote

گل بار کرے ہے گا اسباب سفر شاید غنچے کی طرح بلبل دلگیر نظر آئی

Gul-baar kare hega asbaab-e-safar shaayad Ghunche ki tarah bulbul-e-dilgeer nazar aayi

گرم اشعار میرؔ درونہ داغوں سے یہ بھر دیں گے زرد رو شہر میں پھریے گا گلیوں میں نے گل چنیے گا

Garm ashaar-e-Meer daroona daghon se yeh bhar den ge Zard-ru shehr mein phiriye ga galion mein na gul chuniye ga

بن گل موا ہی میں تو پہ تو جا کے لوٹیو صحن چمن میں اے پر پرواز میرے بعد

Ban gul mua hi main to pe tu ja ke lotiyo Sahn-e-chaman mein ae par-e-parwaaz mere baad

یوں کانوں کان گل نے نہ جانا چمن میں آہ سر کو پٹک کے ہم پس دیوار مر گئے

Yun kaanon kaan gul ne na jaana chaman mein aah Sar ko patak ke hum pas-e-deewaar mar gaye

پھول گل شمس و قمر سارے ہی تھے پر ہمیں ان میں تمہیں بھائے بہت

Phool gul shams-o-qamar saare hi the Par hamein un mein tumhein bhaaye bahut

وہ جو نکلا صبح جیسے آفتاب رشک سے گل پھول مرجھائے بہت

Woh jo nikla subh jaise aaftaab Rashk se gul phool murjhaaye bahut

اس فصل میں کہ گل کا گریباں بھی ہے ہوا دیوانہ ہو گیا سو بہت ذی شعور تھا

Is fasl mein ke gul ka garebaan bhi hai hawa Deewana ho gaya so bahut zi-shuur tha

صد موسم گل ہم کو تہ بال ہی گزرے مقدور نہ دیکھا کبھو بے بال و پری کا

Sad mausam-e-gul hum ko tah-e-baal hi guzre Maqdoor na dekha kabhu be-baal-o-pari ka

ذرا ہو گرمی صحبت تو خاک کر دے چرخ مرا سرور ہے گل‌‌ خندۂ شرر کا سا

Zara ho garmi-e-sohbat to khaak kar de charkh Mera suroor hai gul-khanda-e-sharar ka sa

جوں نکہت گل جنبش ہے جی کا نکل جانا اے باد صبا میری کروٹ تو بدل جانا

Jyon nakhwat-e-gul jumbish hai ji ka nikal jaana Ae baad-e-saba meri karwat to badal jaana

ہم رنگ لاغری سے ہوں گل کی شمیم کا طوفان باد ہے مجھے جھونکا نسیم کا

Hum rang-e-laaghari se hun gul ki shameem ka Toofaan-e-baad hai mujhe jhonka-e-naseem ka

اور ہی رنگ آج ہے عارض گل عذار کا خون دل اپنا تھا مگر گو نہ رخ طراز میں

Aur hi rang aaj hai aarız-e-gul-azaar ka Khoon-e-dil apna tha magar go na rukh-taraaz mein

بے بخت رنگ خوبی کس کام کا کہ میں تو تھا گل ولے کسی کی دستار تک نہ پہنچا

Be-bakht rang-e-khoobi kis kaam ka ke main to Tha gul wale kisi ki dastaar tak na pahuncha

پھیلی وہ بو جو ہم میں نہاں مثل غنچہ تھی جھونکے نسیم کے یہ نیا گل کھلا گئے

phaili wo boo jo hum mein nihaan misl-e-ghuncha thi jhonke naseem ke ye naya gul khila gaye

اٹھا نہ ضعف سے گل داغ جنوں کا بوجھ قاروں کی طرح ہم بھی زمیں میں سما گئے

uTha na zoaf se gul daagh-e-junoon ka bojh qaaroon ki tarah hum bhi zameen mein sama gaye

بوئے سمن سے شاد تھے اغیار بے تمیز اس گل کو اعتبار نسیم و صبا گیا

boo-e-saman se shaad the aghyaar be-tameez is gul ko aitbaar naseem o saba gaya

مل جائے گر یہ خاک میں اس نے وہاں کی خاک گل کی تھی کیوں کہ پاؤں وہ نازک پھسل گیا

mil jaaye gar ye khak mein us ne wahan ki khak gul ki thi kyun ki panw wo nazuk phisal gaya

کانٹا سا کھٹکتا ہے کلیجے میں غم ہجر یہ خار نہیں دل سے گل اندام نکلتا

Kaanta sa khatkta hai kaleje mein gham-e-hijar Yeh khaar nahin dil se gul-andaam nikalta

ہوئی بلبل ثنا خوان دہان تنگ کس گل کی کہ فروردی میں غنچہ کا منہ اتنا سا نکل آیا

Hui bulbul-e-sana-khwaan dahan-e-tang kis gul ki Ke farwardi mein ghuncha ka munh itna sa nikal aaya

وہ لالہ رو گیا نہ ہو گلگشت باغ کو کچھ رنگ بوئے گل کے عوض ہے صبا کے ساتھ

Woh laala-ru gaya na ho gulgasht-e-baagh ko Kuch rang-o-boo-e-gul ke iwaz hai saba ke saath

غش ہیں کہ بے دماغ ہیں گل پیرہن نمط از بس دماغ عطر گریباں نہیں رہا

Ghash hain ke be-dimaagh hain gul-pairahan namat Az bas dimaagh-e-atr-e-garebaan nahin raha

یاد ہوائے یار نے کیا کیا نہ گل کھلائے آئی چمن سے نکہت گل جب صبا کے ساتھ

Yaad hawa-e-yaar ne kya kya na gul khilaye Aayi chaman se nakhwat-e-gul jab saba ke saath

کیا گل کھلے گا دیکھیے ہے فصل گل تو دور اور سوئے دشت بھاگتے ہیں کچھ ابھی سے ہم

Kya gul khile ga dekhiye hai fasl-e-gul to door Aur soo-e-dasht bhaagte hain kuch abhi se hum

دفن جب خاک میں ہم سوختہ ساماں ہوں گے فلس ماہی کے گل شمع شبستاں ہوں گے

Dafan jab khaak mein hum sokhta saamaan hoon ge Fals-e-maahi ke gul shama-e-shabistaan hoon ge

تیرے دل تفتہ کی تربت پہ عدو جھوٹا ہے گل نہ ہوں گے شرر آتش سوزاں ہوں گے

Tere dil-tafta ki turbat pe adoo jhoota hai Gul na hoon ge sharar-e-aatish-e-soozaan hoon ge

اے فناؔ شکر ہے آج بعد فنا اس نے رکھ لی مرے پیار کی آبرو اپنے ہاتھوں سے اس نے مری قبر پہ چادر گل چڑھائی مزا آ گیا

ai 'fana' shukr hai aaj ba'd-e-fana us ne rakh li mere pyar ki aabru apne hathon se us ne meri qabr pe chadar-e-gul chadhai maza aa gaya

وہ سرو قد ہے مگر بے گل مراد نہیں کہ اس شجر پہ شگوفے ثمر کے دیکھتے ہیں

wo sarw-qad hai magar be-gul-e-murad nahin ki us shajar pe shagufe samar ke dekhte hain

صبح چمن میں اس کو کہیں تکلیف ہوا لے آئی تھی رخ سے گل کو مول لیا قامت سے سرو غلام کیا

subh chaman mein us ko kahin taklif-e-hawa le aai thi ruKH se gul ko mol liya qamat se sarw ghulam kiya

پتا پتا بوٹا بوٹا حال ہمارا جانے ہے جانے نہ جانے گل ہی نہ جانے باغ تو سارا جانے ہے

Patta patta buTa buTa haal hamara jaane hai jaane na jaane gul hi na jaane bagh to sara jaane hai