کوفت سے جان لب پہ آئی ہے ہم نے کیا چوٹ دل پہ کھائی ہے

Koft se jaan lab pe aayi hai Hum ne kya chot dil pe khaayi hai

ہے تصنع کہ لعل ہیں وے لب یعنی اک بات سی بنائی ہے

Hai tasannu ke la'al hain ve lab Yaani ik baat si banaayi hai

تشنہ لب مر گئے ترے عاشق نہ ملی ایک بوند پانی کی

Tishna lab mar gaye tere aashiq Na mili ek boond paani ki

تھی ہمیں آرزو لب خنداں سو عوض اس کے چشم تر دیکھو

Thi hamein aarzoo-e-lab-e-khandan So ewaz is ke chashm-e-tar dekho

بیکلی اس کی نہ ظاہر تھی جو تو اے بلبل دم کش میرؔ ہوئی اس لب و گفتار کے ساتھ

Bekali us ki na zaahir thi jo tu ae bulbul Dam-kash Meer hui is lab-o-guftaar ke saath

لب ترے لعل ناب ہیں دونوں پر تمامی عتاب ہیں دونوں

Lab tere laal-e-naab hain donon Par tamaami itaab hain donon

بحث کاہے کو لعل و مرجاں سے اس کے لب ہی جواب ہیں دونوں

Bahas kaahe ko laal-o-marjaan se Us ke lab hi jawaab hain donon

دل کا اس کنج لب سے دے ہے نشاں بات لگتی تو ہے ٹھکانے کی

Dil ka us kunj-e-lab se de hai nishaan Baat lagti to hai thikaane ki

ناز بردار لب ہے جاں جب سے تیرے خط کی خبر کو پاتی ہے

Naaz-bardaar lab hai jaan jab se Tere khat ki khabar ko paati hai

جلوہ ہے مجھی سے لب دریاے سخن پر صد رنگ مری موج ہے میں طبع رواں ہوں

Jalwa hai mujhi se lab-e-darya-e-sukhan par Sad rang meri mauj hai main tab-e-rawaan hun

تکلیف نہ کر آہ مجھے جنبش لب کی میں صد سخن آغشتہ بہ خوں زیر زباں ہوں

Takleef na kar aah mujhe jumbish-e-lab ki Main sad-sukhan aaghushta ba-khoon zir-e-zabaan hun

ہوتا نہیں ہے اس لب نوخط پہ کوئی سبز عیسیٰ و خضر کیا سبھی یک بار مر گئے

Hota nahin hai is lab-e-naukhat pe koi sabz Eesa-o-Khizr kya sabhi yak baar mar gaye

اس کے لب سے تلخ ہم سنتے رہے اپنے حق میں آب حیواں سم رہا

Us ke lab se talkh hum sunte rahe Apne haq mein aab-e-haiwaan sam raha

ہم سے خوش زمزمہ کہاں یوں تو لب و لہجہ ہزار رکھتے ہیں

Hum se khush-zammzama kahan yun to Lab-o-lahja hazaar rakhte hain

جی میں کیا کیا ہے اپنے اے ہمدم پر سخن تا بلب نہیں آتا

Ji mein kya kya hai apne ae hamdam Par sukhan ta-lab nahin aata

بت کدہ جنت ہے چلیے بے ہراس لب پہ مومنؔ ہرچہ بادا باد کیا

but-kada jannat hai chaliye be-haraas lab pe momin harchi baada baad kya

اس لب لعل کی شکایت ہے کیونکہ رنگیں نہ ہو کلام مرا

is lab-e-laal ki shikayat hai kyonke rangeen na ho kalaam mera

مر گئے اس کے لب جاں بخش پر ہم نے علاج آپ ہی اپنا کیا

mar gaye us ke lab-e-jaan-bakhsh par hum ne ilaaj aap hi apna kiya

تشنہ لب ایسے ہم گرے مے پر کہ کبھی سیر عید گاہ نہ کی

Tashna-lab aise hum gire mai par Ke kabhi sair-e-eid-gaah na ki

غیروں سے شکر لب سخن تلخ بھی تیرا ہر چند ہلاہل ہو گوارا نہ کریں گے

Ghairon se shakar-lab sukhan talkh bhi tera Har chand halaahil ho gawara na karein ge

جھنجھلاتے ہو کیا دیجیے اک بوسہ دہن کا ہو جائیں گے لب بند تو غوغا نہ کریں گے

Jhanjhlaate ho kya dijiye ik bosa-e-dahan ka Ho jaayen ge lab band to ghogha na karein ge

ہوئی خجالت سے نفرت افزوں گلے کیے خوب آخریں دم وہ کاش اک دم ٹھہر کے آتے کہ میرے لب پر بھی دم نہ ہوتا

Hui khijalat se nafrat afzoon gale kiye khoob aakhireen dam Woh kaash ik dam thahar ke aate ke mere lab par bhi dam na hota

کیا تلخ کامیوں نے لب زخم سی دیئے وہ شور اشتیاق نمکداں نہیں رہا

Kya talkh-kamiyon ne lab-e-zakhm si diye Woh shor-e-ishtiyaaq-e-namakdaan nahin raha

کیوں الجھتے ہو جنبش لب سے خیر ہے میں نے کیا کیا صاحب

Kyun uljhte ho jumbish-e-lab se Khair hai main ne kya kiya saahib

دیتا ہوں اپنے لب کو بھی گلبرگ سے مثال بوسے جو خواب میں ترے رخسار کے لیے

Deta hun apne lab ko bhi gulberg se misaal Bose jo khwab mein tere rukhsaar ke liye

مومنؔ وہی غزل پڑھو شب جس سے بزم میں آتی تھی لب پہ جان زہ و حبذا کے ساتھ

Momin wahi ghazal parho shab jis se bazm mein Aati thi lab pe jaan-e-zah-o-habaza ke saath

ہوں جاں بہ لب بتان ستم گر کے ہاتھ سے کیا سب جہاں میں جیتے ہیں مومنؔ اسی طرح

Hoon jaan-ba-lab bitaan-e-sitamgar ke haath se Kya sab jahaan mein jeete hain Momin isi tarah

نازکی اس کے لب کی کیا کہیے پنکھڑی اک گلاب کی سی ہے

nazuki us ke lab ki kya kahiye pankhuDi ek gulab ki si hai

کبھی تو صبح ترے کنج لب سے ہو آغاز کبھی تو شب سر کاکل سے مشکبار چلے

kabhi to subh tere kunj-e-lab se ho aaghaz kabhi to shab sar-e-kakul se mushk-bar chale