یاد ایام کہ یاں ترک شکیبائی تھا ہر گلی شہر کی یاں کوچۂ رسوائی تھا

Yaad-e-Ayyam ke yaan tark-e-shakeebai tha Har gali shehar ki yaan koocha-e-ruswai tha

کیا کہوں میرؔ فراموش کیا ان نے تجھے میں تو تقریب بھی کی پر تو اسے یاد نہیں

Kya kahun Meer faramosh kiya un ne tujhe main ne to taqreeb bhi ki par to usay yaad nahi

اس مہ کے جلوے سے کچھ تا میرؔ یاد دیوے اب کے گھروں میں ہم نے سب چاندنی ہے بوئی

Is mah ke jalway se kuch ta Meer yaad deway Ab ke gharon mein hum ne sab chandni hai boyi

کسے قید قفس میں یاد گل کی پڑے ہیں اب تو جینے ہی کے لالے

Kise qaid-e-qafas mein yaad gul ki Pare hain ab to jeene hi ke lale

آؤ یاد بتاں پہ بھول نہ جاؤ یہ تغافل شعار ہوتے ہیں

Aao yaad-e-butaan pe bhool na jao Yeh taghaful-shiar hote hain

آئی صدا کہ یاد کرو دور رفتہ کو عبرت بھی ہے ضرور ٹک اے جمع تیز ہوش

Aayi sada ke yaad karo daur-e-rafta ko Ibrat bhi hai zaroor tuk ae jama-e-tez-hosh

یاد قد میں ترے آنکھوں سے بہیں ہیں جوئیں گر کسو باغ میں ہم سرو تلے جاتے ہیں

Yaad-e-qad mein tere aankhon se bahein hain jo'ein Gar kasu baagh mein hum sarv tale jaate hain

دشت و کہسار میں سر مار کے چندے تجھ بن قیس و فرہاد کو پھر یاد دلایا ہم نے

Dasht-o-kohsar mein sar maar ke chande tujh bin Qais-o-Farhad ko phir yaad dilaya hum ne

شعر کیے موزوں تو ایسے جن سے خوش ہیں صاحب دل روویں کڑھیں جو یاد کریں اب ایسا تم کچھ میرؔ کرو

Sher kiye mauzoon toh aise jin se khush hain sahib-e-dil Ro'ein karhein jo yaad karein ab aisa tum kuch Mir karo

صبح ہوتے وہ بناگوش آج یاد آیا مجھے جو گرا دامن پہ آنسو گوہر یک دانہ تھا

Subh hote woh banagosh aaj yaad aaya mujhe Jo gira daman pe aansoo gohar-e-yak-dana tha

دل تاب ہی لایا نہ ٹک تا یاد رہتا ہم نشیں اب عیش روز وصل کا ہے جی میں بھولا خواب سا

Dil tab hi laya na tuk ta yaad rehta hum-nasheen Ab aish-e-roz-e-wasl ka hai ji mein bhoola khwab sa

اب تو دل کو نہ تاب ہے نہ قرار یاد ایام جب تحمل تھا

Ab to dil ko na taab hai na qaraar Yaad-e-ayyaam jab tahammul tha

پڑھتے پھریں گے گلیوں میں ان ریختوں کو لوگ مدت رہیں گی یاد یہ باتیں ہماریاں

Parhte phirenge galiyon mein in rekhton ko log Muddat rahengi yaad ye baatein hamariyan

نامرادانہ زیست کرتا تھا میرؔ کا طور یاد ہے ہم کو

Na-muraadaana zeest karta tha Mir ka taur yaad hai hum ko

جی چلا تھا کہ ترے ہونٹ مجھے یاد آئے لعل پائیں ہیں میں اس جی ہی کے کھوتے کھوتے

Jee chala tha ki tere hont mujhe yaad aaye La'al paye hain main is jee hi ke khote khote

کتنی باتیں بنا کے لاؤں ایک یاد رہتی ترے حضور نہیں

Kitni baatein bana ke laoon ek Yaad rehti tere huzoor nahin

شوق رخ یاد لب غم دیدار جی میں کیا کیا مرے رہا صاحب

Shauq rukh yaad lab gham-e-deedar Jee mein kya kya mere raha sahab

یاد میں اس کے ساق سیمیں کی دے دے ماروں ہوں ہاتھ رانوں پر

Yaad mein us ke saaq-e-seemeen ki De de maroon hoon haath ranon par

جی میں ہے یاد رخ و زلف سیہ فام بہت رونا آتا ہے مجھے ہر سحر و شام بہت

Ji mein hai yaad-e-rukh o zulf-e-siyah-faam bahut Rona aata hai mujhe har sahar o shaam bahut

جب پاس رات رہنا آتا ہے یاد اس کا تھمتا نہیں ہے رونا دو دوپہر ہمارا

Jab paas raat rahna aata hai yaad us ka Thamta nahin hai rona do dopehar hamara

میں صید ناتواں بھی تجھے کیا کروں گا یاد ظالم اک اور تیر لگایا تو کیا ہوا

Main said-e-natawan bhi tujhe kya karoon ga yaad Zalim ik aur teer lagaya to kya hua

مدت رہے گی یاد ترے چہرے کی جھلک جلوے کو جس نے ماہ کے جی سے بھلا دیا

Muddat rahe gi yaad tere chehre ki jhalak Jalwe ko jis ne maah ke ji se bhula diya

کرو گے یاد باتیں تو کہو گے کہ کوئی رفتۂ بسیار گو تھا

Karo ge yaad baatein to kaho ge Ke koi rafta-e-bisyaar-go tha

بھولا جائے ہے غم بتاں میں جی غرض آتا ہے پھر خدا ہی یاد

Bhoola jaaye hai gham-e-butaan mein ji Gharaz aata hai phir Khuda hi yaad

جاتی ہے گزر جی پر اس وقت قیامت سی یاد آوے ہے جب تیرا یکبارگی آ جانا

Jaati hai guzar ji par us waqt qayaamat si Yaad aawe hai jab tera yak-baaragi aa jaana

مہ نے آ سامنے شب یاد دلایا تھا اسے پھر وہ تا صبح مرے جی سے بھلایا نہ گیا

Mah ne aa saamne shab yaad dilaaya tha use Phir woh ta-subh mere ji se bhulaaya na gaya

یاد اس کی اتنی خوب نہیں میرؔ باز آ نادان پھر وہ جی سے بھلایا نہ جائے گا

Yaad us ki itni khoob nahin Meer baaz aa Naadaan phir woh ji se bhulaaya na jaaye ga

باتیں ہماری یاد رہیں پھر باتیں ایسی نہ سنیے گا پڑھتے کسو کو سنیے گا تو دیر تلک سر دھنیے گا

Baatein hamaari yaad rahen phir baatein aisi na suniye ga Parhte kiso ko suniye ga to deer talak sar dhuniye ga

بارے دنیا میں رہو غم زدہ یا شاد رہو ایسا کچھ کر کے چلو یاں کہ بہت یاد رہو

Baare duniya mein raho gham-zada ya shaad raho Aisa kuch kar ke chalo yaan ke bahut yaad raho

یاد آئی جو گرمجوشیٔ یار دیدۂ تر نے شعلہ باری کی

Yaad aayi jo garm-joshi-e-yaar Deeda-e-tar ne shola-baari ki

تیرے ابرو کی یاد میں ہم نے ناخن غم سے دل فگاری کی

Tere abru ki yaad mein hum ne Naakhan-e-gham se dil-figaari ki

یاد آئی کافروں کو مری آہ سرد کی کیونکہ نہ کانپنے لگے شعلہ جحیم کا

Yaad aayi kaafaron ko meri aah-e-sard ki Kyunke na kaampne lage shola-e-jaheem ka

یاد بتاں میں لاکھ بار فرط قلق سے ہم بھی تو بیٹھے اٹھے ہیں مومنؔ آپ گر رہے شب نماز میں

Yaad-e-butaan mein laakh baar fart-e-qalaq se hum bhi to Baithe uthe hain Momin aap gir rahe shab-e-namaaz mein

تھی خار راہ تیری مژگاں کی یاد پھر شب تا صبح خواب چشم بیدار تک نہ پہنچا

Thi khaar-e-raah teri muzgaan ki yaad phir shab Ta subah khwaab chashm-e-bedaar tak na pahuncha

نشۂ الفت سے بھولے یار کو سچ ہے ایسی بے خودی میں یاد کیا

nasha-e-ulfat se bhoole yaar ko sach hai aisi be-khudi mein yaad kya

بوسہ صنم کی آنکھ کا لیتے ہی جان دی مومنؔ کو یاد کیا حجر الاسود آ گیا

bosa sanam ki aankh ka lete hi jaan di momin ko yaad kya hajar-e-aswad aa gaya

جلتا ہوں ہجر شاہد و یاد شراب میں شوق ثواب نے مجھے ڈالا عذاب میں

Jalta hun hijar-e-shaahid-o-yaad-e-sharaab mein Shauq-e-sawaab ne mujhe daala azaab mein

کیا جلوے یاد آئے کہ اپنی خبر نہیں بے بادہ مست ہوں میں شب ماہتاب میں

Kya jalwe yaad aaye ke apni khabar nahin Be-baada mast hun main shab-e-maahtaab mein

کرتے جو مجھے یاد شب وصل عدو تم کیا صبح کہ خورشید نہ تا شام نکلتا

Karte jo mujhe yaad shab-e-wasl adu tum Kya subah ke khursheed na ta shaam nikalta

پھونک دے آتش دل داغ مرے اس کی خو یاد دلاتے ہیں مجھے

Phoonk de aatish-e-dil daagh mere Us ki khu yaad dilate hain mujhe

یاد ہوائے یار نے کیا کیا نہ گل کھلائے آئی چمن سے نکہت گل جب صبا کے ساتھ

Yaad hawa-e-yaar ne kya kya na gul khilaye Aayi chaman se nakhwat-e-gul jab saba ke saath

محشر میں پاس کیوں دم فریاد آ گیا رحم اس نے کب کیا تھا کہ اب یاد آ گیا

Mahshar mein paas kyun dam-e-faryaad aa gaya Rahm us ne kab kiya tha ke ab yaad aa gaya

ذکر شراب و حور کلام خدا میں دیکھ مومنؔ میں کیا کہوں مجھے کیا یاد آ گیا

Zikr-e-sharaab-o-hoor kalaam-e-Khuda mein dekh Momin mein kya kahun mujhe kya yaad aa gaya

وہ جو ہم میں تم میں قرار تھا تمہیں یاد ہو کہ نہ یاد ہو وہی یعنی وعدہ نباہ کا تمہیں یاد ہو کہ نہ یاد ہو

Wo jo hum mein tum mein qaraar tha tumhein yaad ho ke na yaad ho Wahi yaani waada nibaah ka tumhein yaad ho ke na yaad ho

وہ جو لطف مجھ پہ تھے بیشتر وہ کرم کہ تھا مرے حال پر مجھے سب ہے یاد ذرا ذرا تمہیں یاد ہو کہ نہ یاد ہو

Wo jo lutf mujh pe the beshtar wo karam ke tha mere haal par Mujhe sab hai yaad zara zara tumhein yaad ho ke na yaad ho

وہ نئے گلے وہ شکایتیں وہ مزے مزے کی حکایتیں وہ ہر ایک بات پہ روٹھنا تمہیں یاد ہو کہ نہ یاد ہو

Wo naye giley wo shikaayatein wo maze maze ki hikaayatein Wo har ek baat pe roothna tumhein yaad ho ke na yaad ho

کبھی بیٹھے سب میں جو روبرو تو اشارتوں ہی سے گفتگو وہ بیان شوق کا برملا تمہیں یاد ہو کہ نہ یاد ہو

Kabhi baithe sab mein jo roobaro to ishaaraton hi se guftagu Wo bayaan-e-shauq ka barmala tumhein yaad ho ke na yaad ho

ہوئے اتفاق سے گر بہم تو وفا جتانے کو دم بہ دم گلۂ ملامت اقربا تمہیں یاد ہو کہ نہ یاد ہو

Huay ittifaaq se gar baham to wafa jataane ko dum ba dum Gila-e-malaamat-e-aqraba tumhein yaad ho ke na yaad ho

کوئی بات ایسی اگر ہوئی کہ تمہارے جی کو بری لگی تو بیاں سے پہلے ہی بھولنا تمہیں یاد ہو کہ نہ یاد ہو

Koi baat aisi agar hui ke tumhaare ji ko buri lagi To bayaan se pehle hi bhoolna tumhein yaad ho ke na yaad ho

کبھی ہم میں تم میں بھی چاہ تھی کبھی ہم سے تم سے بھی راہ تھی کبھی ہم بھی تم بھی تھے آشنا تمہیں یاد ہو کہ نہ یاد ہو

Kabhi hum mein tum mein bhi chaah thi kabhi hum se tum se bhi raah thi Kabhi hum bhi tum bhi the aashna tumhein yaad ho ke na yaad ho

سنو ذکر ہے کئی سال کا کہ کیا اک آپ نے وعدہ تھا سو نباہنے کا تو ذکر کیا تمہیں یاد ہو کہ نہ یاد ہو

Suno zikr hai kayi saal ka ke kiya ik aap ne waada tha So nibaahne ka to zikr kya tumhein yaad ho ke na yaad ho

کہا میں نے بات وہ کوٹھے کی مرے دل سے صاف اتر گئی تو کہا کہ جانے مری بلا تمہیں یاد ہو کہ نہ یاد ہو

Kaha mein ne baat wo kothe ki mere dil se saaf utar gayi To kaha ke jaane meri balaa tumhein yaad ho ke na yaad ho

وہ بگڑنا وصل کی رات کا وہ نہ ماننا کسی بات کا وہ نہیں نہیں کی ہر آن ادا تمہیں یاد ہو کہ نہ یاد ہو

Wo bigadna wasl ki raat ka wo na maanna kisi baat ka Wo nahi nahi ki har aan ada tumhein yaad ho ke na yaad ho

جسے آپ گنتے تھے آشنا جسے آپ کہتے تھے با وفا میں وہی ہوں مومنؔ مبتلا تمہیں یاد ہو کہ نہ یاد ہو

Jise aap ginte the aashna jise aap kehte the ba-wafa Mein wahi hoon Momin-e-mubtala tumhein yaad ho ke na yaad ho

جانے کیا بات ہے جلووں میں ترے جان جہاں یاد آتا ہے خدا دیکھ کے صورت تیری

Jaane kya baat hai jalwon mein tare jaan-e-jahaan Yaad aata hai khuda dekh ke soorat teri

چاند تاروں سے نظریں ملائے ہوئے کاٹ دوں گا شب ہجر میں اس طرح جب بھی فرقت کے لمحے ستم ڈھائیں گے میں تری یاد سے دل کو بہلاؤں گا

Chaand taaron se nazrein milaaye huay kaat doon ga shab-e-hijr mein is tarah Jab bhi furqat ke lamhe sitam dhaayein ge mein teri yaad se dil ko behlaaoon ga

پلکوں پہ بکھرتے ہیں تری یاد کے موتی ہر اشک ندامت ترا انداز کرم ہے

Palkon pe bikharte hain teri yaad ke moti Har ashk-e-nadamat tera andaaz-e-karam hai

ہے تیری یاد اس دل میں لپٹی ہوئی ہر گھڑی ہے تصور ترے حسن کا تیری الفت کا پہرہ لگا ہے صنم کون آئے گا میرے خیالات میں

Hai teri yaad is dil mein lipti hui, har ghadi hai tasawwur tere husn ka Teri ulfat ka pehra laga hai sanam, kaun aayega mere khayaalat mein

کر رہا تھا غم جہاں کا حساب آج تم یاد بے حساب آئے

kar raha tha gham-e-jahan ka hisab aaj tum yaad be-hisab aae

بعد بھی تیرے جان جاں دل میں رہا عجب سماں یاد رہی تری یہاں پھر تری یاد بھی گئی

baad bhi tere jaan-e-jaan dil mein raha ajab saman yaad rahi teri yahan phir teri yaad bhi gai

مینا بہ مینا مے بہ مے جام بہ جام جم بہ جم ناف پیالے کی ترے یاد عجب سہی گئی

mina-ba-mina mai-ba-mai jam-ba-jam jam-ba-jam naf-piyale ki tere yaad ajab sahi gai

دنیا نے تیری یاد سے بیگانہ کر دیا تجھ سے بھی دل فریب ہیں غم روزگار کے

duniya ne teri yaad se begana kar diya tujh se bhi dil-fareb hain gham rozgar ke