حیا سے نہیں پشت پا پر وہ چشم مرا حال مد نظر کچھ نہیں

Haya se nahin pusht-e-pa par woh chashm Mera haal mad-e-nazar kuch nahin

پا برہنہ خاک سر میں مو پریشاں سینہ چاک حال میرا دیکھنے آ تیرے ہی دل خواہ ہے

Pa-barahna khaak sar mein mo-pareshan seena chaak Haal mera dekhne aa tere hi dil-khwah hai

دست و پا مارے وقت بسمل تک ہاتھ پہنچا نہ پائے قاتل تک

Dast-o-pa mare waqt-e-bismil tak Hath pahuncha na paye qatil tak

گزار شہر وفا میں سمجھ کے کر مجنوں کہ اس دیار میں میرؔ شکستہ پا بھی ہے

Guzar shahar-e-wafa mein samajh ke kar majnoo Ke is dayar mein Meer shikashta-pa bhi hai

رکھیو قدم سنبھل کے کہ تو جانتا نہیں مانند نقش پا یہ سر راہ کون ہے

Rakhiyo qadam sambhal ke keh tu jaanta nahin Manind-e-naqsh-e-pa yeh sar-e-rah kaun hai

پشت پا ماری بسکہ دنیا پر زخم پڑ پڑ گیا مرے پا پر

Pusht-e-pa maari bas-ke duniya par Zakhm par par gaya mere pa par

آنکھ اس سے نہیں اٹھنے کی صاحب نظروں کی جس خاک پہ ہوگا اثر اس کی کف پا کا

Aankh us se nahin uthne ki sahib-e-nazron ki Jis khaak pe hoga asar us ki kaf-e-pa ka

نہ سوئے نیند بھر اس تنگنا میں تا نہ موئے کہ آہ جا نہ تھی پا کے دراز کرنے کو

Na soye neend bhar is tangna mein ta na moye Ke aah ja na thi pa ke daraaz karne ko

ہمیں آمد میرؔ کل بھا گئی طرح اس میں مجنوں کی سب پا گئی

Hamein aamad-e-Meer kal bha gayi Tarh is mein majnu ki sab pa gayi

کیے دست و پا گم جو میرؔ آ گیا وفا پیشہ مجلس اسے پا گئی

Kiye dast-o-pa gum jo Meer aa gaya Wafa-pesha majlis use pa gayi

کیا شہر میں گنجائش مجھ بے سر و پا کو ہو اب بڑھ گئے ہیں میرے اسباب کم اسبابی

Kya shahar mein gunjaish mujh be-sar-o-pa ko ho Ab barh gaye hain mere asbaab kam-asbaabi

آنکھ اس سے نہیں اٹھنے کی صاحب نظروں کی جس خاک پہ ہوگا اثر اس کی کف پا کا

Aankh us se nahin uthne ki sahib-nazaron ki Jis khaak pe hoga asar us ki kaf-e-pa ka

ہم چشم ہے ہر آبلۂ پا کا مرا اشک از بس کہ تری راہ میں آنکھوں سے چلا ہوں

Ham-chashm hai har aabla-e-pa ka mera ashk Az bas ke teri raah mein aankhon se chala hoon

انداز سے ہے پیدا سب کچھ خبر ہے اس کو گو میرؔ بے سر و پا ظاہر ہے بے خبر سا

Andaz se hai paida sab kuch khabar hai us ko Go Mir be-sar-o-pa zahir hai be-khabar sa

مری نمود نے مجھ کو کیا برابر خاک میں نقش پا کی طرح پائمال اپنا ہوں

Meri Namood Ne Mujh Ko Kiya Barabar-E-Khak Main Naqsh-E-Pa Ki Tarah Paimal Apna Hoon

کہیں پہنچو بھی مجھ بے پا و سر تک کہ پہنچا شمع ساں داغ اب جگر تک

Kahin pahunchon bhi mujh be-pa o sar tak Ke pahuncha shama-sa daagh ab jigar tak

تھی مسلک الفت کی مشہور خطرناکی میں دیدہ و دانستہ کس راہ میں پا رکھا

Thi maslak-e-ulfat ki mashhoor khatarnaki Main deeda-o-danista kis raah mein pa rakha

نہ پھر رکھیں گے تیری رہ میں پا ہم گئے گزرے ہیں آخر ایسے کیا ہم

Na phir rakhenge teri rah mein pa hum Gaye guzre hain aakhir aise kya hum

مرنے پہ اپنے مت جا سالک طلب میں اس کی گو سر کو کھو رہے گا پر اس کو پا رہے گا

Marne pe apne mat ja salik talab mein us ki Go sar ko kho rahe ga par us ko pa rahe ga

تمام عمر رہیں خاک زیر پا اس کی جو زور کچھ چلے ہم عجز دست گاہوں کا

Tamam umr raheen khak zer-e-pa us ki Jo zor kuch chalay hum ajz-e-dast-gahon ka

عالم کی سیر میرؔ کی صحبت میں ہو گئی طالع سے میرے ہاتھ یہ بے دست و پا لگا

Alam ki sair Meer ki sohbat mein ho gayi Taleh se mere haath yeh be-dast-o-pa laga

جوں نقش پا ہے غربت حیران کار اس کی آوارہ ہو وطن سے جو یار تک نہ پہنچا

Joon Naqsh-e-Pa Hai Ghurbat Hairan-Kaar Is Ki Aawara Ho Watan Se Jo Yaar Tak Na Pahuncha

جب جنوں سے ہمیں توسل تھا اپنی زنجیر پا ہی کا غل تھا

Jab junoon se hamein tawassul tha Apni zanjeer-e-pa hi ka ghul tha

تو ہی زمام اپنی ناکے تڑا کہ مجنوں مدت سے نقش پا کے مانند راہ پر ہے

Tu hi zamaam apni naakay tara ke majnoon Muddat se naqsh-e-pa ke manind raah par hai

سر مار کر ہوا تھا میں خاک اس گلی میں سینے پہ مجھ کو اس کا مذکور نقش پا تھا

Sar maar kar hua tha main khaak is gali mein Seene pe mujh ko is ka mazkoor-e-naqsh-e-pa tha

کبھو جائے گی جو ادھر صبا تو یہ کہیو اس سے کہ بے وفا مگر ایک میرؔ شکستہ پا ترے باغ تازہ میں خار تھا

Kabhū jaye gi jo idhar saba to yeh kehiyo us se ke be-wafa Magar ek Mir-e-shikasta-pa tere bagh-e-taza mein khaar tha

آگے ہمارے عہد سے وحشت کو جا نہ تھی دیوانگی کسو کی بھی زنجیر پا نہ تھی

Aage hamare ahd se wehshat ko ja na thi Diwangi kasu ki bhi zanjeer-pa na thi

سودائی ہو تو رکھے بازار عشق میں پا سر مفت بیچتے ہیں یہ کچھ چلن ہے واں کا

Saudai ho toh rakhe bazaar-e-ishq mein pa Sar muft bechte hain yeh kuch chalan hai waan ka

مغتنم جان گر کسو کے تئیں پہنچے ہے تیرے دست و پا سے نفع

Magh-tanam jaan gar kasu ke tayin Pahunche hai tere dast-o-pa se nafa

شہاں کہ کحل جواہر تھی خاک پا جن کی انہیں کی آنکھوں میں پھرتے سلائیاں دیکھیں

Shahaan ke kohl-e-jawaahir thi khaak-e-pa jin ki Unhi ki aankhon mein phirte salaaiyan dekheen

خار کو جن نے لڑی موتی کی کر دکھلایا اس بیابان میں وہ آبلہ پا میں ہی ہوں

Khaar ko jin ne ladi moti ki kar dikhlaaya Is bayaabaan mein woh aabla-pa main hi hun

ہم جاہ و حشم یاں کا کیا کہیے کہ کیا جانا خاتم کو سلیماں کی انگشتر پا جانا

Hum jaah-o-hasham yaan ka kya kahiye ke kya jaana Khaatam ko Sulaimaan ki angushtar pa jaana

فلک اے کاش ہم کو خاک ہی رکھتا کہ اس میں ہم غبار راہ ہوتے یا کسو کی خاک پا ہوتے

Falak ae kaash hum ko khaak hi rakhta ke us mein hum Ghubaar-e-raah hote ya kiso ki khaak-pa hote

کم کسو کو میرؔ کی میت کی ہاتھ آئی نماز نعش پر اس بے سر و پا کی بلا کثرت ہوئی

Kam kiso ko Meer ki mayyat ki haath aayi namaaz Naash par is be-sar-o-pa ki bala kasrat hui

دیکھا ہو کچھ اس آمد و شد میں تو میں کہوں خود گم ہوا ہوں بات کی تہہ اب جو پا گیا

Dekha ho kuch is aamad-o-shud mein to main kahun Khud gum hua hun baat ki tah ab jo pa gaya

دیکھا جو راہ جاتے تبختر کے ساتھ اسے پھر مجھ شکستہ پا سے نہ اک دم رہا گیا

Dekha jo raah jaate tabhakhtur ke saath use Phir mujh shikasta-pa se na ik dam raha gaya

خبر نہیں کہ اسے کیا ہوا پر اس در پر نشان پا نظر آتا ہے نامہ بر کا سا

Khabar nahin ke use kya hua par us dar par Nishaan-e-pa nazar aata hai naama-bar ka sa

شب تم جو بزم غیر میں آنکھیں چرا گئے کھوئے گئے ہم ایسے کہ اغیار پا گئے

shab tum jo bazm-e-ghair mein aankhen chura gaye khoye gaye hum aise ke aghyaar pa gaye

آنکھیں جو ڈھونڈتی تھیں نگہ ہائے التفات گم ہونا دل کا وہ مری نظروں سے پا گیا

aankhen jo DhoonDti thin nigah-haaye iltifaat gum hona dil ka wo meri nazron se pa gaya

اس نقش پا کے سجدے نے کیا کیا کیا ذلیل میں کوچۂ رقیب میں بھی سر کے بل گیا

us naqsh-e-pa ke sajde ne kya kya kiya zaleel main kucha-e-raqib mein bhi sar ke bal gaya

بہر عیادت آئے وہ لیکن قضا کے ساتھ دم ہی نکل گیا مرا آواز پا کے ساتھ

Behr-e-iyaadat aaye woh lekin qaza ke saath Dam hi nikal gaya mera aawaz-e-pa ke saath

کوچہ سے اپنے غیر کا منہ ہے مٹا سکے عاشق کا سر لگا ہے ترے نقش پا کے ساتھ

Kucha se apne ghair ka munh hai mita sake Aashiq ka sar laga hai tere naqsh-e-pa ke saath

ہے کس کا انتظار کہ خواب عدم سے بھی ہر بار چونک پڑتے ہیں آواز پا کے ساتھ

Hai kis ka intizaar ke khwab-e-adam se bhi Har baar chonk parte hain aawaz-e-pa ke saath

تھے بے گناہ جرأت پا بوس تھی ضرور کیا کرتے وہم خجلت جلاد آ گیا

The be-gunaah jurrat-e-pa-bos thi zaroor Kya karte wahm-e-khijlat-e-jallaad aa gaya