ہے تکلف نقاب وے رخسار کیا چھپیں آفتاب ہیں دونوں

Hai takalluf niqaab we rukhsaar Kya chhupen aaftaab hain donon

Rukhsaar us ke haaye re jab dekhte hain hum Aata hai ji mein aankhon ko un mein garwaiye

جس سر کو غرور آج ہے یاں تاجوری کا کل اس پہ یہیں شور ہے پھر نوحہ گری کا شرمندہ ترے رخ سے ہے رخسار پری کا چلتا نہیں کچھ آگے ترے کبک دری کا آفاق کی منزل سے گیا کون سلامت اسباب لٹا راہ میں یاں ہر سفری کا زنداں میں بھی شورش نہ گئی اپنے جنوں کی اب سنگ مداوا ہے اس آشفتہ سری کا ہر زخم جگر داور محشر سے ہمارا انصاف طلب ہے تری بیداد گری کا اپنی تو جہاں آنکھ لڑی پھر وہیں دیکھو آئینے کو لپکا ہے پریشاں نظری کا صد موسم گل ہم کو تہ بال ہی گزرے مقدور نہ دیکھا کبھو بے بال و پری کا اس رنگ سے جھمکے ہے پلک پر کہ کہے تو ٹکڑا ہے مرا اشک عقیق جگری کا کل سیر کیا ہم نے سمندر کو بھی جا کر تھا دست نگر پنجۂ مژگاں کی تری کا لے سانس بھی آہستہ کہ نازک ہے بہت کام آفاق کی اس کارگہ شیشہ گری کا ٹک میرؔ جگر سوختہ کی جلد خبر لے کیا یار بھروسا ہے چراغ سحری کا

Jis sar ko ghuroor aaj hai yaan taajwari ka Kal us pe yahin shor hai phir noha-gari ka Sharminda tere rukh se hai rukhsaar-e-pari ka Chalta nahin kuch aage tere kabk-e-dari ka Aafaaq ki manzil se gaya kaun salaamat Asbaab luta raah mein yaan har safari ka Zindaan mein bhi shorish na gayi apne junoon ki Ab sang madawa hai is aashufta-sari ka Har zakhm-e-jigar daawer-e-mahshar se hamara Insaaf talab hai teri bedad-gari ka Apni to jahan aankh lari phir wahin dekho Aaine ko lapka hai pareshaan-nazari ka Sad mausam-e-gul hum ko tah-e-baal hi guzre Maqdoor na dekha kabhu be-baal-o-pari ka Is rang se jhamke hai palak par ke kahe to Tukra hai mera ashk-e-aqeeq-e-jagri ka Kal sair kiya hum ne samandar ko bhi ja kar Tha dast-nigar panja-e-muzgaan ki tari ka Le saans bhi aahista ke naazuk hai bahut kaam Aafaaq ki is kaargah-e-shesha-gari ka Tuk Meer jigar-sokhta ki jald khabar le Kya yaar bharosa hai chiraagh-e-sahri ka

جو تیرے منہ سے نہ ہو شرمسار آئینہ تو رخ کرے سوئے آئینہ وار آئینہ کہے ہے دیکھ کے رخسار یار آئینہ کہ اس صفائی پہ صدقے نثار آئینہ سیاہ رو نہ کرے ترک الفت گلفام میں بوالہوس کو دکھاؤں ہزار آئینہ صفائے دل کی کہاں قدر تیرہ روزی میں چراغ صبح ہے شب ہائے تار آئینہ سمجھ لیا مگر اس سبز رنگ کو طوطی کہ ہے نظارے کا امیدوار آئینہ وہ سخت جاں ہوں کہ دکھلائیں گر دم مردن تو توڑ دے کمر کوہسار آئینہ مقابل اس رخ روشن کے کھل گئی قلعی نہ ٹھہرا آگ پہ سیماب وار آئینہ سما رہے ہیں مگر تیرے نو بہ نو جلوے کہ بن گیا ہے طلسم بہار آئینہ شکست رنگ پہ مستی میں ہنستے ہیں ہم بھی دکھائیں گے انہیں وقت خمار آئینہ مجھے تو کہتے ہو مت دیکھ میری جانب تو اور آپ دیکھتے ہو بار بار آئینہ بلا ہے منع وفا نور اڑ گیا ناصح تو لے کے دیکھ تو رنگ عذار آئینہ سمجھ تو مومنؔ اگر ناروا ہو خود بینی تو دیکھیں کاہے کو پرہیزگار آئینہ

Jo tere munh se na ho sharmisaar aaina To rukh kare soo-e-aaina-waar aaina Kahe hai dekh ke rukhsaar-e-yaar aaina Ke is safaai pe sadqe nisaar aaina Siyaah-ru na kare tark-e-ulfat-e-gulfaam Main bol-hawas ko dikhaaon hazaar aaina Safaa-e-dil ki kahan qadr teera-rozi mein Chiraagh-e-subh hai shab-haae-taar aaina Samajh liya magar is sabz-rang ko toti Ke hai nazaare ka umeedwaar aaina Woh sakht-e-jaan hun ke dikhlaain gar dam-e-murdan To tor de kamar-e-kohsaar aaina Muqaabil is rukh-e-roshan ke khul gayi qalai Na thehara aag pe seemaab-waar aaina Sama rahe hain magar tere nau-ba-nau jalwe Ke ban gaya hai tilism-e-bahaar aaina Shikast-e-rang pe masti mein hanste hain hum bhi Dikhaaen ge unhein waqt-e-khumaar aaina Mujhe to kehte ho mat dekh meri jaanib tu Aur aap dekhte ho baar baar aaina Bala hai mana-e-wafa noor ur gaya naasih To le ke dekh to rang-e-azaar aaina Samajh to Momin agar naarawa ho khud-beeni To dekhein kaahe ko parhezgaar aaina

کرتا ہے قتل عام وہ اغیار کے لیے دس بیس روز مرتے ہیں دو چار کے لیے دیکھا عذاب رنج دل زار کے لیے عاشق ہوئے ہیں وہ مرے آزار کے لیے دل عشق تیری نذر کیا جان کیونکہ دوں رکھا ہے اس کو حسرت دیدار کے لیے قتل اس نے جرم صبر جفا پر کیا مجھے یہ ہی سزا تھی ایسے گنہ گار کے لیے لے تو ہی بھیج دے کوئی پیغام تلخ اب تجویز زہر ہے ترے بیمار کے لیے آتا نہیں ہے تو تو نشانی ہی بھیج دے تسکین اضطراب دل زار کے لیے کیا دل دیا تھا اس لیے میں نے تمہیں کہ تم ہو جاؤ یوں عدو مرے اغیار کے لیے چلنا تو دیکھنا کہ قیامت نے بھی قدم طرز خرام و شوخئ رفتار کے لیے جی میں ہے موتیوں کی لڑی اس کو بھیج دوں اظہار حال چشم گہربار کے لیے دیتا ہوں اپنے لب کو بھی گلبرگ سے مثال بوسے جو خواب میں ترے رخسار کے لیے جینا امید وصل پہ ہجراں میں سہل تھا مرتا ہوں زندگانیٔ دشوار کے لیے مومنؔ کو تو نہ لائے کہیں دام میں وہ بت ڈھونڈے ہے تار سبحہ کے زنار کے لیے

Karta hai qatl-e-aam woh aghyaar ke liye Das bees roz marte hain do chaar ke liye Dekha azaab ranj-e-dil-e-zaar ke liye Aashiq hue hain woh mere aazaar ke liye Dil ishq teri nazar kiya jaan kyunke dun Rakha hai us ko hasrat-e-deedar ke liye Qatl us ne jurm-e-sabr-e-jafa par kiya mujhe Yahi saza thi aise gunehgaar ke liye Le tu hi bhej de koi paigham-e-talkh ab Tajweez-e-zehr hai tere beemaar ke liye Aata nahin hai tu to nishani hi bhej de Taskeen-e-iztiraab-e-dil-e-zaar ke liye Kya dil diya tha is liye main ne tumhen ke tum Ho jao yun adu mere aghyaar ke liye Chalna to dekhna ke qayamat ne bhi qadam Tarz-e-khiraam-o-shokhii-e-raftaar ke liye Ji mein hai motiyon ki ladi us ko bhej dun Izhaar-e-haal-e-chashm-e-gauharbaar ke liye Deta hun apne lab ko bhi gulberg se misaal Bose jo khwab mein tere rukhsaar ke liye Jeena umeed-e-wisaal pe hijraan mein sahl tha Marta hun zindagaani-e-dushwaar ke liye Momin ko tu na laye kahin daam mein woh but Dhunde hai taar-e-subha ke zunnaar ke liye