شب تھا نالاں عزیز کوئی تھا مرغ خوش‌ خواں عزیز کوئی تھا

Shab tha nalaan, azeez koi tha Murgh-e-khush-khwaan, azeez koi tha

تھی تمہارے ستم کی تاب اس تک صبر جو یاں عزیز کوئی تھا

Thi tumhare sitam ki taab us tak Sabr jo yaan, azeez koi tha

شب کو اس کا خیال تھا دل میں گھر میں مہماں عزیز کوئی تھا

Shab ko us ka khayal tha dil mein Ghar mein mehmaan, azeez koi tha

چاہ بے جا نہ تھی زلیخا کی ماہ کنعاں عزیز کوئی تھا

Chaah be-ja na thi Zulekha ki Maah-e-Kana’an, azeez koi tha

اب تو اس کی گلی میں خار ہے لیک میرؔ بے جاں عزیز کوئی تھا

Ab to us ki gali mein khaar hai, leik Mir-e-be-jaan, azeez koi tha

کیا کیا عزیز دوست ملے میرؔ خاک میں نادان یاں کسو کا کسو کو بھی غم ہوا

Kya kya azeez dost mile Mir khaak mein Nadaan yaan kasu ka kasu ko bhi gham hua

یوسف عزیز دلہا جا مصر میں ہوا تھا پاکیزہ گوہروں کی عزت نہیں وطن میں

Yousuf-e-azeez dulha jaa Misr mein hua tha Pakiza goharon ki izzat nahin watan mein

ترے وصال کے ہم شوق میں ہوں آوارہ عزیز دوست سبھوں کی جدائیاں دیکھیں

Tere wisaal ke hum shauq mein hun aawara Azeez dost sabbon ki judaaiyan dekheen

اس فتنے کو جگا کے پشیماں ہوئی نسیم کیا کیا عزیز لوگوں کو ان نے سلا دیا

Is fitne ko jaga ke pashemaan hui naseem Kya kya azeez logon ko un ne sula diya

رشک یوسف ہے آہ وقت عزیز عمر اک بار کاروانی ہے

Rashk-e-Yusuf hai aah waqt-e-azeez Umr ik baar kaarawaani hai

اسی سے دور رہا اصل مدعا جو تھا گئی یہ عمر عزیز آہ رائیگاں میری

Isi se door raha asl mudda jo tha Gayi yeh umr-e-azeez aah raaigaan meri

قسم جو کھائیے تو طالع زلیخا کی عزیز مصر کا بھی صاحب اک غلام لیا

Qasam jo khaiye to taali-e-Zulaikha ki Azeez-e-Misr ka bhi saahib ik ghulam liya

غیرت یوسف ہے یہ وقت عزیز میرؔ اس کو رائیگاں کھوتا ہے کیا

Ghairat-e-Yusuf hai yeh waqt-e-azeez Meer us ko raaigaan khota hai kya

کیوں نہ ہوتے عزیز غیر تمہیں میری قسمت میں خوار ہونا تھا

Kyun na hote azeez ghair tumhein Meri qismat mein khwaar hona tha