عالم میں کوئی دل کا طلب گار نہ پایا اس جنس کا یاں ہم نے خریدار نہ پایا

Aalam mein koi dil ka talab gar na paya Is jins ka yaan hum ne khareedar na paya

جاتی ہے نظر خس پہ گہہ چشم پریدن یاں ہم نے پر کاہ بھی بے کار نہ پایا

Jaati hai nazar khas pe gah-e-chashm-e-pareedan Yaan hum ne par-e-kaah bhi be-kaar na paya

وہ کھینچ کے شمشیر ستم رہ گیا جو میرؔ خوں ریزی کا یاں کوئی سزاوار نہ پایا

Woh kheench ke shamsheer-e-sitam reh gaya jo Mir Khoon reezi ka yaan koi sazawaar na paya

رنگ رفتہ بھی دل کو کھینچے ہے ایک شب اور یاں سحر دیکھو

Rang-e-rafta bhi dil ko kheenche hai Ek shab aur yaan sahar dekho

اس کہنہ خرابے میں آبادی نہ کر منعم یک شہر نہیں یاں جو صحرا نہ ہوا ہوگا

Is kohna kharabe mein aabadi na kar mun'im Yak shehr nahin yaan jo sehra na hua hoga

اب خرابہ ہوا جہان آباد ورنہ ہر اک قدم پہ یاں گھر تھا

Ab kharaaba hua jahaan aabaad Warna har ek qadam pe yaan ghar tha

مقامر خانۂ آفاق وہ ہے کہ جو آیا ہے یاں کچھ کھو گیا ہے

Muqaamir-khaana-e-aafaaq woh hai Ke jo aaya hai yaan kuch kho gaya hai

ہم جاہ و حشم یاں کا کیا کہیے کہ کیا جانا خاتم کو سلیماں کی انگشتر پا جانا

Hum jaah-o-hasham yaan ka kya kahiye ke kya jaana Khaatam ko Sulaimaan ki angushtar pa jaana

ہوتا ہے یاں جہاں میں ہر روز و شب تماشا دیکھا جو خوب تو ہے دنیا عجب تماشا

Hota hai yaan jahaan mein har roz-o-shab tamaasha Dekha jo khoob to hai duniya ajab tamaasha

یہ توہم کا کارخانہ ہے یاں وہی ہے جو اعتبار کیا

Yeh tawahum ka kaarkhana hai Yaan wohi hai jo aitbaar kiya

محبت کشتہ ہیں ہم یاں کسو پاس ہمارے درد کی بھی کچھ دوا ہے

Mohabbat-kushta hain hum yaan kiso paas Hamaare dard ki bhi kuch dawa hai

حرم سے دیر اٹھ جانا نہیں عیب اگر یاں ہے خدا واں بھی خدا ہے

Haram se dair uth jaana nahin aib Agar yaan hai Khuda waan bhi Khuda hai

آ جائیں ہم نظر جو کوئی دم بہت ہے یاں مہلت ہمیں بسان شرر کم بہت ہے یاں

Aa jaayen hum nazar jo koi dam bahut hai yaan Muhlat hamein basaan-e-sharar kam bahut hai yaan

یک لحظہ سینہ کوبی سے فرصت ہمیں نہیں یعنی کہ دل کے جانے کا ماتم بہت ہے یاں

Yak lahza seena-kobi se fursat hamein nahin Yaani ke dil ke jaane ka maatam bahut hai yaan

حاصل ہے کیا سواے ترائی کے دہر میں اٹھ آسماں تلے سے کہ شبنم بہت ہے یاں

Haasil hai kya siwaae taraai ke dahr mein Uth aasmaan tale se ke shabnam bahut hai yaan

مائل بہ غیر ہونا تجھ ابرو کا عیب ہے تھی زور یہ کماں ولے خم چم بہت ہے یاں

Maa'il ba-ghair hona tujh abru ka aib hai Thi zor yeh kamaan wale kham-o-cham bahut hai yaan

ہم رہروان راہ فنا دیر رہ چکے وقفہ بسان صبح کوئی دم بہت ہے یاں

Hum rahrawaan-e-raah-e-fana deer reh chuke Waqfa basaan-e-subh koi dam bahut hai yaan

اس بت کدے میں معنی کا کس سے کریں سوال آدم نہیں ہے صورت آدم بہت ہے یاں

Is but-kade mein maani ka kis se karein sawaal Aadam nahin hai soorat-e-aadam bahut hai yaan

عالم میں لوگ ملنے کی گوں اب نہیں رہے ہر چند ایسا ویسا تو عالم بہت ہے یاں

Aalam mein log milne ki gon ab nahin rahe Har chand aisa waisa to aalam bahut hai yaan

ویسا چمن سے سادہ نکلتا نہیں کوئی رنگینی ایک اور خم و چم بہت ہے یاں

Waisa chaman se saada nikalta nahin koi Rangeeni ek aur kham-o-cham bahut hai yaan

اعجاز عیسوی سے نہیں بحث عشق میں تیری ہی بات جان مجسم بہت ہے یاں

Ejaaz-e-Eesawi se nahin bahas ishq mein Teri hi baat jaan-e-mujassam bahut hai yaan

میرے ہلاک کرنے کا غم ہے عبث تمہیں تم شاد زندگانی کرو غم بہت ہے یاں

Mere halaak karne ka gham hai abas tumhein Tum shaad-zindagaani karo gham bahut hai yaan

دل مت لگا رخ عرق آلود یار سے آئینے کو اٹھا کہ زمیں نم بہت ہے یاں

Dil mat laga rukh-e-araq-aalood-e-yaar se Aaine ko utha ke zameen nam bahut hai yaan

شاید کہ کام صبح تک اپنا کھنچے نہ میرؔ احوال آج شام سے درہم بہت ہے یاں

Shaayad ke kaam subh talak apna kheeenche na Meer Ahwaal aaj shaam se darham bahut hai yaan

اب جہاں آفتاب میں ہم ہیں یاں کبھو سرو و گل کے سائے تھے

Ab jahaan aaftaab mein hum hain Yaan kabhu sarw-o-gul ke saaye the

میرؔ صاحب رلا گئے سب کو کل وے تشریف یاں بھی لائے تھے

Meer saahib rula gaye sab ko Kal we tashreef yaan bhi laaye the

غم و رنج و الم نکو یاں سے سب تمہاری ہی مہربانی ہے

Gham-o-ranj-o-alam nako yaan se Sab tumhaari hi mehrbaani hai

یاں ہوئے میرؔ تم برابر خاک واں وہی ناز و سرگرانی ہے

Yaan hue Meer tum barabar khaak Waan wahi naaz-o-sargiraani hai

آیا یاں سے جانا ہی تو جی کا چھپانا کیا حاصل آج گیا یا کل جاوے گا صبح گیا یا شام گیا

Aaya yaan se jaana hi to ji ka chhupana kya haasil Aaj gaya ya kal jaawe ga subh gaya ya shaam gaya

خوش باشی و تنزیہ و تقدس تھے مجھے میرؔ اسباب پڑے یوں کہ کئی روز سے یاں ہوں

Khush-baashi-o-tanzeeha-o-taqqadus the mujhe Meer Asbaab pare yun ke kai roz se yaan hun

کھولتے ہی آنکھیں پھر یاں موندنی ہم کو پڑیں دید کیا کوئی کرے وہ کس قدر مہلت ہوئی

Kholte hi aankhen phir yaan mondni hum ko parin Deed kya koi kare woh kis qadar muhlat hui

زلفیں کھولیں تو تو ٹک آیا نظر عمر بھر یاں کام دل برہم رہا

Zulfein kholin to tu tuk aaya nazar Umr bhar yaan kaam-e-dil barham raha

صبح پیری شام ہونے آئی میرؔ تو نہ چیتا یاں بہت دن کم رہا

Subh-e-piri shaam hone aayi Meer Tu na cheeta yaan bahut din kam raha

بارے دنیا میں رہو غم زدہ یا شاد رہو ایسا کچھ کر کے چلو یاں کہ بہت یاد رہو

Baare duniya mein raho gham-zada ya shaad raho Aisa kuch kar ke chalo yaan ke bahut yaad raho

جس سر کو غرور آج ہے یاں تاجوری کا کل اس پہ یہیں شور ہے پھر نوحہ گری کا

Jis sar ko ghuroor aaj hai yaan taajwari ka Kal us pe yahin shor hai phir noha-gari ka

آفاق کی منزل سے گیا کون سلامت اسباب لٹا راہ میں یاں ہر سفری کا

Aafaaq ki manzil se gaya kaun salaamat Asbaab luta raah mein yaan har safari ka

اے دل وہ جو یاں آیا کیا کیا ہمیں ترسایا تو نے کہیں سکھلایا قابو سے نکل جانا

Ae dil woh jo yaan aaya kya kya hamein tarsaya Tu ne kahin sikhlaya qabu se nikal jaana

نہ انتظار میں یاں آنکھ ایک آن لگی نہ ہائے ہائے میں تالو سے شب زبان لگی

Na intizaar mein yaan aankh ek aan lagi Na haaye haaye mein taalu se shab zabaan lagi

نالۂ پیہم سے یاں فرصت نہیں حضرت ناصح کریں ارشاد کیا

naala-e-paiham se yaan fursat nahin hazrat naasih karen irshaad kya

یاں وصل ہے تلافی ہجراں میں اے فلک کیوں سوچتا ہے تازہ ستم انتقام کو

yaan wasl hai talaafi-e-hijraan mein ai falak kyon sochta hai taaza sitam intiqaam ko

تالو سے یاں زبان سحر تک نہیں لگی تھا کس کو شغل نغمہ سرائی تمام شب

Taalu se yaan zabaan sehar tak nahin lagi Tha kis ko shughl-e-naghma-sarai tamam shab