غالب کہ یہ دل خستہ شب ہجر میں مر جائے یہ رات نہیں وہ جو کہانی میں گزر جائے ہے طرفہ مفتن نگہ اس آئنہ رو کی اک پل میں کرے سینکڑوں خوں اور مکر جائے نے بت کدہ ہے منزل مقصود نہ کعبہ جو کوئی تلاشی ہو ترا آہ کدھر جائے ہر صبح تو خورشید ترے منہ پہ چڑھے ہے ایسا نہ ہو یہ سادہ کہیں جی سے اتر جائے یاقوت کوئی ان کو کہے ہے کوئی گلبرگ ٹک ہونٹ ہلا تو بھی کہ اک بات ٹھہر جائے ہم تازہ شہیدوں کو نہ آ دیکھنے نازاں دامن کی تری زہ کہیں لوہو میں نہ بھر جائے گریے کو مرے دیکھ ٹک اک شہر کے باہر اک سطح ہے پانی کا جہاں تک کہ نظر جائے مت بیٹھ بہت عشق کے آزردہ دلوں میں نالہ کسو مظلوم کا تاثیر نہ کر جائے اس ورطے سے تختہ جو کوئی پہنچے کنارے تو میرؔ وطن میرے بھی شاید یہ خبر جائے

Ghalib ke yeh dil-e-khasta shab-e-hijr mein mar jaye Yeh raat nahin woh jo kahani mein guzar jaye Hai turfa mufattin nigah is aaina-roo ki Ik pal mein kare sainkron khoon aur mukar jaye Ne but-kada hai manzil-e-maqsood na Kaaba Jo koi talashi ho tera aah kidhar jaye Har subah to khursheed tare munh pe chadhe hai Aisa na ho yeh saada kahin jee se utar jaye Yaqoot koi un ko kahe hai koi gulbarg Tik hont hila tu bhi ke ik baat thahar jaye Hum taza shaheedon ko na aa dekhne nazan Daman ki teri zeh kahin lohu mein na bhar jaye Giriye ko mere dekh tik ik shahr ke bahar Ik sathah hai paani ka jahan tak ke nazar jaye Mat baith bahut ishq ke aazurda dilon mein Nala kasu mazloom ka taseer na kar jaye Is varte se takhta jo koi pahuche kinare To Mir watan mere bhi shayad yeh khabar jaye

دیکھ تو دل کہ جاں سے اٹھتا ہے یہ دھواں سا کہاں سے اٹھتا ہے گور کس دل جلے کی ہے یہ فلک شعلہ اک صبح یاں سے اٹھتا ہے خانۂ دل سے زینہار نہ جا کوئی ایسے مکاں سے اٹھتا ہے نالہ سر کھینچتا ہے جب میرا شور اک آسماں سے اٹھتا ہے لڑتی ہے اس کی چشم شوخ جہاں ایک آشوب واں سے اٹھتا ہے سدھ لے گھر کی بھی شعلۂ آواز دود کچھ آشیاں سے اٹھتا ہے بیٹھنے کون دے ہے پھر اس کو جو ترے آستاں سے اٹھتا ہے یوں اٹھے آہ اس گلی سے ہم جیسے کوئی جہاں سے اٹھتا ہے عشق اک میرؔ بھاری پتھر ہے کب یہ تجھ ناتواں سے اٹھتا ہے

Dekh to dil ki jaan se uthta hai ye dhuan sa kahan se uThta hai gor kis diljale ki hai ye falak shola ek subh yan se uthta hai Khana-e-dil se zinhaar na ja koi aise makan se uthta hai nala sar khinchta hai jab mera shor ek aasman se uthta hai ladti hai us ki chashm-e-shokh jahan ek aashob wan se uthta hai sudh le ghar ki bhi shola-e-awaz dud kuchh aashiyan se uthta hai baithne kaun de hai phir us ko jo tere aastan se uthta hai yun uthe aah us gali se hum jaise koi jahan se uthta hai ishq ek 'mir' bhaari patthar hai kab ye tujh na-tawan se uthta hai