یار نے ہم سے بے ادائی کی وصل کی رات میں لڑائی کی بال و پر بھی گئے بہار کے ساتھ اب توقع نہیں رہائی کی کلفت رنج عشق کم نہ ہوئی میں دوا کی بہت شفائی کی طرفہ رفتار کے ہیں رفتہ سب دھوم ہے اس کی رہ گرائی کی خندۂ یار سے طرف ہو کر برق نے اپنی جگ ہنسائی کی کچھ مروت نہ تھی ان آنکھوں میں دیکھ کر کیا یہ آشنائی کی وصل کے دن کو کار جاں نہ کھنچا شب نہ آخر ہوئی جدائی کی منہ لگایا نہ دختر رز کو میں جوانی میں پارسائی کی جور اس سنگ دل کے سب نہ کھنچے عمر نے سخت بے وفائی کی کوہ کن کیا پہاڑ توڑے گا عشق نے زور آزمائی کی چپکے اس کی گلی میں پھرتے رہے دیر واں ہم نے بے نوائی کی اک نگہ میں ہزار جی مارے ساحری کی کہ دل ربائی کی نسبت اس آستاں سے کچھ نہ ہوئی برسوں تک ہم نے جبہہ سائی کی میرؔ کی بندگی میں جاں بازی سیر سی ہو گئی خدائی کی

Yaar ne ham se be-adai ki Vasl ki raat mein larai ki Baal-o-par bhi gaye bahaar ke saath Ab tawaqqo nahin rihai ki Kulfat-e-ranj-e-ishq kam na hui Main dawa ki bahut shifai ki Turfa raftar ke hain rafta sab Dhoom hai us ki rah-girai ki Khanda-e-yaar se taraf ho kar Barq ne apni jag-hansai ki Kuchh murawwat na thi in aankhon mein Dekh kar kya yeh aashnai ki Vasl ke din ko kar-e-jan na khincha Shab na aakhir hui judai ki Munh lagaya na dukhtar-e-raz ko Main jawani mein parsai ki Jawr is sang-dil ke sab na khinche Umar ne sakht be-wafai ki Koh-kan kya pahar tore ga Eshq ne zor-azmai ki Chupke us ki gali mein phirte rahe Der waan ham ne be-navai ki Ik nigah mein hazar jee maare Sahiri ki ke dil-rabai ki Nisbat is aastan se kuchh na hui Barson tak ham ne jibha-sai ki Mir ki bandagi mein jaan-baazi Sair si ho gayi khudai ki

مضطرب گریہ ناک ہے یہ گل برق ابر بہار ہیں ہم بھی

Muzatarib girya-naak hai yeh gul Barq-e-abr-e-bahaar hain hum bhi

آرزوئیں ہزار رکھتے ہیں تو بھی ہم دل کو مار رکھتے ہیں برق کم حوصلہ ہے ہم بھی تو دلک بے قرار رکھتے ہیں غیر ہی مورد عنایت ہے ہم بھی تو تم سے پیار رکھتے ہیں نہ نگہ نے پیام نے وعدہ نام کو ہم بھی یار رکھتے ہیں ہم سے خوش زمزمہ کہاں یوں تو لب و لہجہ ہزار رکھتے ہیں چوٹٹے دل کے ہیں بتاں مشہور بس یہی اعتبار رکھتے ہیں پھر بھی کرتے ہیں میرؔ صاحب عشق ہیں جواں اختیار رکھتے ہیں

Aarzooein hazaar rakhte hain To bhi hum dil ko maar rakhte hain Barq kam-hosla hai hum bhi to Dilak be-qaraar rakhte hain Ghair hi mauarid-e-inaayat hai Hum bhi to tum se pyaar rakhte hain Na nigah ne payaam na waada Naam ko hum bhi yaar rakhte hain Hum se khush-zammzama kahan yun to Lab-o-lahja hazaar rakhte hain Chhutte dil ke hain butaan mashhoor Bas yahi aitbaar rakhte hain Phir bhi karte hain Meer saahib ishq Hain jawaan ikhtiyaar rakhte hain

تھا مستعار حسن سے اس کے جو نور تھا خورشید میں بھی اس ہی کا ذرہ ظہور تھا ہنگامہ گرم کن جو دل ناصبور تھا پیدا ہر ایک نالے سے شور نشور تھا پہنچا جو آپ کو تو میں پہنچا خدا کے تئیں معلوم اب ہوا کہ بہت میں بھی دور تھا آتش بلند دل کی نہ تھی ورنہ اے کلیم یک شعلہ برق خرمن صد کوہ طور تھا مجلس میں رات ایک ترے پرتوے بغیر کیا شمع کیا پتنگ ہر اک بے حضور تھا اس فصل میں کہ گل کا گریباں بھی ہے ہوا دیوانہ ہو گیا سو بہت ذی شعور تھا منعم کے پاس قاقم و سنجاب تھا تو کیا اس رند کی بھی رات گزر گئی جو عور تھا ہم خاک میں ملے تو ملے لیکن اے سپہر اس شوخ کو بھی راہ پہ لانا ضرور تھا کل پاؤں ایک کاسۂ سر پر جو آ گیا یکسر وہ استخوان شکستوں سے چور تھا کہنے لگا کہ دیکھ کے چل راہ بے خبر میں بھی کبھو کسو کا سر پر غرور تھا تھا وہ تو رشک حور بہشتی ہمیں میں میرؔ سمجھے نہ ہم تو فہم کا اپنی قصور تھا

Tha mustaar husn se us ke jo noor tha Khursheed mein bhi us hi ka zarra-e-zuhoor tha Hangaama-e-garm-kun jo dil-e-naasaboor tha Paida har ek naale se shor-e-nushoor tha Pahuncha jo aap ko to main pahuncha Khuda ke taen Maaloom ab hua ke bahut main bhi door tha Aatish-e-buland-e-dil ki na thi warna ae Kaleem Yak shola barq-e-kharman-e-sad koh-e-Toor tha Majlis mein raat ek tere partaw ke baghair Kya shama kya patang har ek be-huzoor tha Is fasl mein ke gul ka garebaan bhi hai hawa Deewana ho gaya so bahut zi-shuur tha Munim ke paas qaaqam-o-sanjaab tha to kya Us rand ki bhi raat guzar gayi jo aur tha Hum khaak mein mile to mile lekin ae sipehr Is shokh ko bhi raah pe laana zaroor tha Kal paaon ek kaasa-e-sar par jo aa gaya Yaksar woh ustakhwaan-shikastons se choor tha Kehne laga ke dekh ke chal raah be-khabar Main bhi kabhu kiso ka sar par ghuroor tha Tha woh to rashk-e-hoor-e-bahishti hamin mein Meer Samjhe na hum to fahm ka apni qasoor tha

ہم سمجھتے ہیں آزمانے کو عذر کچھ چاہیئے ستانے کو سنگ در سے ترے نکالی آگ ہم نے دشمن کا گھر جلانے کو صبح عشرت ہے وہ نہ شام وصال ہائے کیا ہو گیا زمانے کو بوالہوس روئے میرے گریہ پہ اب منہ کہاں تیرے مسکرانے کو برق کا آسمان پر ہے دماغ پھونک کر میرے آشیانے کو سنگ سودا جنوں میں لیتے ہیں اپنا ہم مقبرہ بنانے کو شکوہ ہے غیر کی کدورت کا سو مرے خاک میں ملانے کو روز محشر بھی ہوش گر آیا جائیں گے ہم شراب خانے کو سن کے وصف اس پہ مر گیا ہمدم خوب آیا تھا غم اٹھانے کو کوئی دن ہم جہاں میں بیٹھے ہیں آسماں کے ستم اٹھانے کو چل کے کعبہ میں سجدہ کر مومنؔ چھوڑ اس بت کے آستانے کو نقش پائے رقیب کی محراب نہیں زیبندہ سر جھکانے کو

Hum samajhte hain azmaane ko Uzr kuch chahiye sataane ko Sang-e-dar se tere nikaali aag Hum ne dushman ka ghar jalaane ko Subh-e-ishrat hai woh na shaam-e-wasl Haaye kya ho gaya zamaane ko Bol-hawas roye mere girya pe ab Munh kahan tere muskuraane ko Barq ka aasmaan par hai dimaagh Phoonk kar mere aashiyaane ko Sang-e-sauda junoon mein lete hain Apna hum maqbara banaane ko Shikwa hai ghair ki kudoorat ka So mere khaak mein milaane ko Roz-e-mahshar bhi hosh gar aaya Jaayen ge hum sharaab-khaane ko Sun ke wasf us pe mar gaya hamdam Khoob aaya tha gham uthaane ko Koi din hum jahaan mein baithe hain Aasmaan ke sitam uthaane ko Chal ke Kaaba mein sajda kar Momin Chhor is but ke aastaane ko Naqsh-e-paa-e-raqeeb ki mehraab Nahin zebaanda sar jhukaane ko

ٹھانی تھی دل میں اب نہ ملیں گے کسی سے ہم پر کیا کریں کہ ہو گئے ناچار جی سے ہم ہنستے جو دیکھتے ہیں کسی کو کسی سے ہم منہ دیکھ دیکھ روتے ہیں کس بے کسی سے ہم ہم سے نہ بولو تم اسے کیا کہتے ہیں بھلا انصاف کیجے پوچھتے ہیں آپ ہی سے ہم بیزار جان سے جو نہ ہوتے تو مانگتے شاہد شکایتوں پہ تری مدعی سے ہم اس کو میں جا مریں گے مدد اے ہجوم شوق آج اور زور کرتے ہیں بے طاقتی سے ہم صاحب نے اس غلام کو آزاد کر دیا لو بندگی کہ چھوٹ گئے بندگی سے ہم بے روئے مثل ابر نہ نکلا غبار دل کہتے تھے ان کو برق تبسم ہنسی سے ہم ان ناتوانیوں پہ بھی تھے خار راہ غیر کیوں کر نکالے جاتے نہ اس کی گلی سے ہم کیا گل کھلے گا دیکھیے ہے فصل گل تو دور اور سوئے دشت بھاگتے ہیں کچھ ابھی سے ہم منہ دیکھنے سے پہلے بھی کس دن وہ صاف تھا بے وجہ کیوں غبار رکھیں آرسی سے ہم ہے چھیڑ اختلاط بھی غیروں کے سامنے ہنسنے کے بدلے روئیں نہ کیوں گدگدی سے ہم وحشت ہے عشق پردہ نشیں میں دم بکا منہ ڈھانکتے ہیں پردۂ چشم پری سے ہم کیا دل کو لے گیا کوئی بیگانہ آشنا کیوں اپنے جی کو لگتے ہیں کچھ اجنبی سے ہم لے نام آرزو کا تو دل کو نکال لیں مومنؔ نہ ہوں جو ربط رکھیں بدعتی سے ہم

Thaani thi dil mein ab na milein ge kisi se hum Par kya karein ke ho gaye naachaar ji se hum Hanste jo dekhte hain kisi ko kisi se hum Munh dekh dekh rote hain kis be-kasi se hum Hum se na bolo tum ise kya kehte hain bhala Insaaf keeje poochte hain aap hi se hum Bezaar jaan se jo na hote to maangte Shaahid shikaayaton pe teri mudda'ee se hum Is koochay mein jaa marein ge madad ae hajoom-e-shauq Aaj aur zor karte hain be-taaqati se hum Saahib ne is ghulaam ko aazaad kar diya Lo bandagi ke chhoot gaye bandagi se hum Be-roye misl-e-abr na nikla ghubaar-e-dil Kehte the un ko barq-e-tabassum hansi se hum In na-taawaaniyon pe bhi the khaar-e-raah-e-ghair Kyun kar nikaale jaate na us ki gali se hum Kya gul khile ga dekhiye hai fasl-e-gul to door Aur soo-e-dasht bhaagte hain kuch abhi se hum Munh dekhne se pehle bhi kis din wo saaf tha Be-wajah kyun ghubaar rakhein aarsi se hum Hai chheed ikhtilaat bhi ghairon ke saamne Hansne ke badle royein na kyun gudgudi se hum Wahshat hai ishq-e-parda-nasheen mein dam-ba-khud Munh dhaankte hain parda-e-chashm-e-pari se hum Kya dil ko le gaya koi begaana aashna Kyun apne ji ko lagتے ہیں kuch ajnabi se hum Le naam aarzoo ka to dil ko nikaal lein Momin na hon jo rabt rakhein bid'ati se hum

میرے رشک قمر تو نے پہلی نظر جب نظر سے ملائی مزا آ گیا برق سی گر گئی کام ہی کر گئی آگ ایسی لگائی مزا آ گیا جام میں گھول کر حسن کی مستیاں چاندنی مسکرائی مزا آ گیا چاند کے سائے میں اے مرے ساقیا تو نے ایسی پلائی مزا آ گیا نشہ شیشے میں انگڑائی لینے لگا بزم رنداں میں ساغر کھنکنے لگا میکدے پہ برسنے لگیں مستیاں جب گھٹا گھر کے آئی مزا آ گیا بے حجابانہ وہ سامنے آ گئے اور جوانی جوانی سے ٹکرا گئی آنکھ ان کی لڑی یوں مری آنکھ سے دیکھ کر یہ لڑائی مزا آ گیا آنکھ میں تھی حیا ہر ملاقات پر سرخ عارض ہوئے وصل کی بات پر اس نے شرما کے میرے سوالات پہ ایسے گردن جھکائی مزا آ گیا شیخ‌ صاحب کا ایمان بک ہی گیا دیکھ کر حسن ساقی پگھل ہی گیا آج سے پہلے یہ کتنے مغرور تھے لٹ گئی پارسائی مزا آ گیا اے فناؔ شکر ہے آج بعد فنا اس نے رکھ لی مرے پیار کی آبرو اپنے ہاتھوں سے اس نے مری قبر پہ چادر گل چڑھائی مزا آ گیا

Mere rashk-e-qamar tu ne pahli nazar jab nazar se milai maza aa gaya barq si gir gai kaam hi kar gai aag aisi lagai maza aa gaya jam mein ghol kar husn ki mastiyan chandni muskurai maza aa gaya chand ke sae mein ai mere saqiya tu ne aisi pilai maza aa gaya nashsha shishe mein angdai lene laga bazm-e-rindan mein saghar khanakne laga mai-kade pe barasne lagin mastiyan jab ghaTa ghir ke aai maza aa gaya be-hijabana wo samne aa gae aur jawani jawani se Takra gai aankh un ki laDi yun meri aankh se dekh kar ye laDai maza aa gaya aankh mein thi haya har mulaqat par surkh 'ariz hue wasl ki baat par us ne sharma ke mere sawalat pe aise gardan jhukai maza aa gaya shaikh-sahab ka iman bik hi gaya dekh kar husn-e-saqi pighal hi gaya aaj se pahle ye kitne maghrur the lut gai parsai maza aa gaya ai 'fana' shukr hai aaj ba'd-e-fana us ne rakh li mere pyar ki aabru apne hathon se us ne meri qabr pe chadar-e-gul chadhai maza aa gaya